2 PITA 3:9 - Yataa 'a Dɔbɛnɛ Nama

⁹ Ɛ mɔɛ dɔ n yii ma, mbɛ Mansa Yataa a nɛnchɛnden fan mu, a da a kuiɛ bɔ koe a a. Chɛɛ ɛ a faa bia wan dechee wo a, tima be koe a wo ma, wo ni wo kan kɔ sɔ wo 'a ko yama n na. Koe min na mu, a ma to ni wo dɔndɔ wɛɛ ni kasaa ma sɔn.

2 PITA 3:9 ပူးပေါင်းရင်းမြစ်များ

GBOO DOMI KO A 13:11

N‑na koe miin fɔ ka wo ye, an ma koe a, wo an ma. Koe min na mu, wo‑a tima sɔn fan sanche, mmɔ ɛ tima min kɔɔ. Tima an nɛ gbɛ, wo ni kunɛ chinɔɛ ɔ, wo e min dɔ. Koe min na mu, tima min na mmɔ ɛ bauncha ma sɔn‑da, an tima chɛ ɔ ma yansan to mmɔ a. A gbɛnden mu gbɛ, a ni ben tima saa ma, tima min na mmɔ‑a mmɔ kai fa Chisɔsi a.

GBOO DOMI KO A 13:12

Banda ɔ ka tena wan gbɛ, a ɔ ma yansan to tee bɔ‑a. A nyin fan mmɔ ni sɛmbɛ koe chɛ n ma koe a, pimbi ɔ ko yama chɛ nu. Mbɛ mmɔ‑a butuin chɛ feanka chɛ n ya, mmɔ ɛ butuinɛ chɛ‑a miin na tee a den.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO DOMI KO A 9:22

Yataa‑a koe min ma, a wɛɛ ɛ ka wan. A toen ni a ni a ɔ yian, a faa ɛ tɛ buɛ min dɔ. A yɛ to, an ni a ɔ sɔn, a gbasayaen mu buɛ min dɔ. Chɛɛ chɛ gbɛɛ ɔ, a na‑a a faa bia wan mɔɛ chɛ n na, a ni na tena miin tɔɔya‑a, miin ma bɛndenɛ ni gbɛ kasaa koe a.

1 TIMOTI 1:16

Chɛɛ Yataa chinchin‑da n ma, min mbe a ma, Chisɔsi Chasi ni kun a ɔ yian‑da mɔɛ n na, ɛ a faa bia buɛ min dɔ ko yama ma mɔɛ n na. A 'a tɔmɔsi ma‑a n fan na, n fan mansa chɛ, ko yama ma mɔɛ n ko a. A 'a tɔmɔsi ma‑a n na, mɔɛ chɛ n gbɛɛ tena, miin mbe an kai fa‑a Chasi a, kuɔ fɔ fɔɛ ko a.

1 TIMOTI 2:4

A mu min na, a toen mu mɔ ɔ mɔ ni tea chia sɔn, mɔ ɔ mɔ ni bauncha ma sɔn.

GBOO IBU MƆƐ N KO A 10:37

Koe min na mu, Yataa 'a gboo ɔ te, “Tima ɛnden fan toen mu gbɛ, mɔɛ min mbe na‑a, mbɛ a na‑a. A ee mɛ tena to, na koe a.”

1 PITA 3:20

Mɔɛ chɛ n fan nii nɛ, miin nii ma kooya be ni Yataa ma. Yataa ni a faa bia tena wan an na, ɛ an ma kɔn‑da, tima min na Nowa ni a 'a dɛndɛ wa nyanɛ a. Mɔ kuundenɛ miin ni an dɛndɛ chɛ ɔ, an ni mɔ sɛi, yii chɛ na‑a miin baun.

2 PITA 1:4

Chɛ an‑na a fɔ, a na‑a mmɔ too ɔ dia wai nyima ma kawaen ba min na, a na‑a a be wan mmɔ ma. An wai nyima chɛ ni a ma, wo kunɛ ni bɔ koe n boo ɔ, wo faa a miin ya kaka, miin mbe na kasaa a dunya chɛ ɔ. Mbɛ mmɔ sɔnɛ ta‑a Yataa ta fɛ.

2 PITA 3:15

Chɛ an fɛ mu, faabia chɛ, mmɔ 'a mansa‑a min chɛ, wo a ya ka buɛ chɛ ɔ. Mbɛ ɛ ka tima an be‑a mɔɛ n ma, bauncha ma sɔn koe a. Ɛ wan dechee yɔ mmɔ suun ma nyɔɛ Pɔɔ, min ko a di mmɔ ye, a na‑a min nyɛn wo tena. Yataa sin na‑a yiimatɛ min chɛ a ɔ, a na‑a an na wai ka.

KO Ɔ NUNDENƐ 2:21

N‑na tima be a ma, a kan kɔ sɔ koe a, a 'a ko yama n na, chɛɛ a ma to ni a ni a boo bɔ ko tɛ chɛ ɔ.