2 PITA 3:2 - Yataa 'a Dɔbɛnɛ Nama

² N toen mu wo ni wo yii na chii bai chɛ n ma, Yataa 'a gbonka chɛ mɔɛ n na‑a miin fɔ suun. Wo ni wo yii na chii to sawa chɛ ma, Mansa Chisɔsi‑a min be, mmɔ baun mɔɛ. A sin, a 'a sɔ mɔɛ n na‑a an sawa chɛ a ben fan wo tena.

2 PITA 3:2 ပူးပေါင်းရင်းမြစ်များ

DUKU 1:70

yɔ Yataa‑a a ma suun buɛ min dɔ, a 'a gbonka chɛ mɔɛ n na‑a a gbonka.

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHISƆSI 'A SƆ MƆƐ NU 10:43

Yataa 'a gbonka chɛ mɔɛ n gbɛɛ na‑a bai sa wan, a si Chisɔsi chɛ ma. An dɔ, mɔ ɔ mɔ min mbe an kai fa‑a Chisɔsi chɛ a, Yataa ɛ a boo bɔ‑a wan an mɔɛ chɛ a ko yama n dɔ, Chisɔsi ko a.”

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 3:18

Chɛɛ Yataa wandi na‑a min fɔ suun, an bɔ‑a ka a a. A na‑a a don fan a 'a gbonka chɛ mɔɛ n gbɛɛ da ɔ, mbɛ a 'a kunka mansa ɛ mɔnɛ ɔ bia‑a wan.

CHISƆSI 'A SƆ MƆƐ NU 3:21

Chisɔsi chɛ ɛ to‑a banda bu ɔ wan, aan tima ni che, tima min na Yataa ɛ fen kɔ fen nyan‑da to a nama a. Ɛ ma‑a wan, yɔ a 'a gbonka chɛ mɔɛ chɛ nu, miin ni tenchen a ko a, an‑na a gbonka buɛ min dɔ suun.

Gboo Kadesia Ko A 6:2

Wo wo boo si wo nyɔn na ya kɔɔ tawa kɔɔ, min mbe a ma, wo ni Chasi 'a sawa bia a chia ma.

Gboo Ɛfisɔsi Ko A 2:20

Wo sin, wo kuu sien fan mu gban, yɔ chenɛ. Chisɔsi Chasi 'a sɔ mɔɛ nu, an bɛ Yataa 'a gbonka chɛ mɔɛ n na, an fan‑na a ma, mbɛ wo kuu si‑a. Chen chɛ gbu sin, a sɔ senɛ kuu ba mu Chisɔsi Chasi wandi an na.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

1 TIMOTI 6:14

dasi chɛ ya i sɔɛ a. I ni tachɛ teaya ɔ, mabɔ ee min ma, aan tee chɛ ni che, tee min ma mmɔ 'a mansa Chisɔsi Chasi ɛ na‑a to.

2 PITA 2:21

A ni nyan‑da wan an ko a, ni an nii ma chia sɔn ni, an mbe tan buɛ min dɔ Yataa tena. Chɛɛ ni an‑na a sɔn, mbɛ an‑na an kan kɔ sɔ Yataa 'a sawa duaenɛ a, a yau an ko a.

2 PITA 3:15

Chɛ an fɛ mu, faabia chɛ, mmɔ 'a mansa‑a min chɛ, wo a ya ka buɛ chɛ ɔ. Mbɛ ɛ ka tima an be‑a mɔɛ n ma, bauncha ma sɔn koe a. Ɛ wan dechee yɔ mmɔ suun ma nyɔɛ Pɔɔ, min ko a di mmɔ ye, a na‑a min nyɛn wo tena. Yataa sin na‑a yiimatɛ min chɛ a ɔ, a na‑a an na wai ka.

2 PITA 3:16

A sin mbe bai fɔ tena, a si an ko dɔndɔ gbe chɛ ma, a 'a gboo n dɔ. Kaina dɔ n mbe wan a 'a gboo nyɛnden chɛ ɔ, miin dɔ gbɛɛ an dɔ gbɛ koe a. Ko sɔn bai nu, mɔɛ miin yiima ɔ basan basandenɛ ɛ, an mbe a ɔ yian fan fania chia a, yɔ an mbe a ma buɛ min dɔ Yataa bai dɔ gbɛɛ n bɛɛ a. Chɛ sin mbe a ma wan, an mbe an fandi kasaa‑a.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.

CHUDA 1:17

Chɛɛ n dia nyɔɛ nu, ɛ wan wo yii ma, mmɔ 'a mansa Chisɔsi Chasi 'a sɔ mɔɛ nu, an na‑a bai min fɔ suun.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.