2 PITA 3:18 - Yataa 'a Dɔbɛnɛ Nama

¹⁸ Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.

2 PITA 3:18 ပူးပေါင်းရင်းမြစ်များ

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 5:23

A‑a chɛ ma, min mbe a ma, mɔɛ n gbɛɛ ni basɔmaya be n ma, yɔ an mbe a be buɛ min dɔ Fa ma. Mɔ ɔ mɔ min ma basɔmaya be ni n ma, a mɔɛ chɛ ma a be ni ka Fa an ma, min‑na n sɔ.

GBOO DOMI KO A 11:36

A yen ko o, Yataa an‑na fen kɔ fen na dan. Fen kɔ fen, min mbe dunya chɛ ɔ, Yataa an mbe a ma an mbe nɔ. Fen kɔ fen dunya chɛ ɔ, an mbe nɔ, Yataa tando koe an na. Dua ni ma a tɔɛ ma, kuɔ fɔ ko a. A ni ma ka.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Ɛfisɔsi Ko A 1:17

N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 4:15

Chɛɛ mmɔ ɛ min ma, mmɔ tea fɔ, koadia ta fɛ chia a. Mmɔ ni koa chia ɔ chia a, Chasi ta chia a, a wɛn mu mmɔ kun ti a.

Gboo Fiipai Ko A 3:8

Tea ko a, n‑na n kan kɔ sɔ an gbɛɛ a. Koe min na mu, n‑na Chisɔsi Chasi sɔnɛ min chɛ ka mansa a, a benden mu ko ɔ ko ma. A wan ko a mu, n mbe fo tena fen kɔ fen na, n sin mbe an ya tena bubuu an na. N‑na chɛ ma, min mbe a ma, n ni a wan Chasi ma sɔn,

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

2 TIMOTI 4:18

Ɛ n kun bɔ‑a wan ko yama kan kɔ kan dɔ, mbɛ a‑a n baun, a ta‑a n na a 'a banda bu ɔ mansaya ɔ. Tando ni ma a tɔɛ ma, kuɔ fɔ ni kuɔ fɔ. A ni ma ka.

1 PITA 2:2

Wo to Yataa 'a bai a min koe a, tima ɔ tima ko a, yɔ den toa toen mu buɛ min dɔ a de susu yii a. Wo a a min, min mbe a ma, wo ni kɔɔ Yataa sɔnɛ ɔ, mbɛ wo‑a bauncha ma sɔn.

2 PITA 1:11

Chia chɛ sin na mu, wo e tea da faenɛ ma sɔn‑da ben koe a, a ta dɔndɔ gbe mmɔ 'a mansa, ni mmɔ baun mɔɛ Chisɔsi Chasi, ɛ kaina min mansaya ɔ kuɔ fɔ ko a. Yataa ɛ a boo si‑a wan wo kɔɔ.

2 PITA 1:2

Yataa ni wo dua, a ni faachima ma munda wo ɔ. Koe min na mu, wo‑a a sɔn fan. A yɛ to, wo‑a mmɔ 'a mansa Chisɔsi wɛɛ sɔn fan.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 1:8

Ni sɔn chɛ n ma‑a wo ɔ chɛndɛ chɛ, a ɔ benden ba a, wo e mmɔ 'a mansa Chisɔsi Chasi sɔn‑da wan chɛndɛ chɛ. Chɛ sin mbe na‑a ma‑a ko chɛndɛ an na wo 'a fɔɛ ɔ.

2 PITA 2:20

Mɔɛ n‑na a ɔ sɔn, mbɛ mmɔ baun mɔɛ, mmɔ 'a mansa Chisɔsi Chasi an mbe mmɔ baun. Chɛ‑a a ma, an kun bɔ‑a an 'na ko yama n dɔ, dunya chɛ ɔ. Chɛɛ an ma yɛ to an 'na ko yama kun ma, a ni kun an ma dɔgbɔ. Ni chɛ ma‑a, ɛ yaua‑a wan an mɔ bonda chɛ n ko a tee dankama tee ma, a ni ben a kuu sɔ tena ma.

KO Ɔ NUNDENƐ 1:6

A‑a mmɔ ma mɔɛ n na, miin mbe a 'a mansaya kɔɔ, tɛ mɔɛ n mu miin na Yataa ko a. A wan mu Chisɔsi fa a, ni a 'a Yataa. Basɔmaya ni ma Chisɔsi Chasi ma, gbasaya ni ma a boo ɔ, kuɔ fɔ ni kuɔ fɔ. A ni ma ka.