2 PITA 3:17 - Yataa 'a Dɔbɛnɛ Nama

¹⁷ Chɛɛ n dia nyɔɛ nu, wo tana, wo‑a chɛ ɔ sɔn fan gbɛ. Chɛ an fɛ mu, wo wo kun ma fɛn, sawa sɔn bai chɛ n ma na a ma, wo ni saman, mbɛ wo ka‑a chia ma. An ni a ma, wo ni bea, a bɔ wo sɔ tena chɛndɛ chɛ ɔ.

2 PITA 3:17 ပူးပေါင်းရင်းမြစ်များ

MATIU 16:11

N‑na a fɔɛ min chɛ wo ye, n dɔ, yisinɛ min mbe Fayisii chɛ n boo ɔ, an bɛ Sadusii chɛ n na, n dɔ, wo ni wo kun ma fɛn a a, n mbe ee bai sa tena a si biidi an ma. Wo ni che wan chɛ ɔ gbɛ‑a. Ka n mbe yɛ to n da a kuiɛ ɔ, an 'na yisin chɛ an boo ɔ, wo wo kun ma fɛn a a.”

MATIU 16:6

Mbɛ Chisɔsi ɔ an nu ma, “Yisinɛ min mbe mmɔ 'a mɔɛ chɛ n boo ɔ, miin mu Fayisii n na, an bɛ Sadusii n na, wo wo kun ma fɛn a boo ɔ.”

MATIU 7:15

Chisɔsi ɔ, “Wo wo kun ma fɛn mɔɛ chɛ n boo ɔ, miin mbe fania fɔ, mbɛ Yataa 'a gbonka chɛ mɔɛ mu an na. An mbe na‑a wan wo tena, an ma chimaenɛ a, yɔ sa. Chɛɛ min mu ka, tea tea ɔ, an yau yɔ yaa.

CHƆN 16:4

Chɛɛ n mbe koe chɛ gbɛɛ ɔ yian tena wo a, a tima an ko a. Min mbe a ma, ni a che‑a, an ni koe chɛ n gbɛɛ ma wo a, n na‑a min gbɛɛ ɔ yian wo a, ɛ ma‑a wan wo yii ma. N nii ma koe chɛ n dɔ yian ni wo a, a ka wo bea tima chɛ gbɛɛ ma n fɛ. N‑na chɛ ma koe min na, mmɔ bɛ an ni chɛ gbɛɛ ɔ ben ben‑da.

CHISƆSI 'A SƆ MƆƐ NU 2:42

Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.

GBOO DOMI KO A 16:18

A mu min na, an mɔɛ chɛ nu miin mbe ko bonda chɛ n ma, an mbe ee ma ka mmɔ 'a mansa Chisɔsi 'a wai an chɛ‑a. An gbɔsɔen mu dechee an faa ma koe n fan ko a. An da ɔ di, an sin mbe mɔɛ n yii a faa faa wan bai sɛsɛ a, mɔɛ miin woo koe ma gbɛ, mbɛ an‑na an bun.

GBOO SAA KƆYINDI KO A 10:12

Chɛ an fɛ mu, ni ɛ wan mɔ ɔ mɔ 'a yiinachii ɔ, mbɛ ɛ wan sɔ ɔ gban Yataa ko a, a mɔɛ chɛ ni a kun ma fɛn, min mbe a ma, a wɛɛ ma na bea.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

Gboo Kadesia Ko A 5:4

Wo tɛ du‑a gbɛ, wo bɛ Chisɔsi Chasi a. Wo wan, ɛ wo wɛn yii ma, mbɛ ni wo‑a sawa chɛ gbɛɛ a tachɛ, Yataa ɛ wo ya wan mɔ tandenɛ n na, a tena. Wo nɛnɛ nu, wo fo‑a gbae, Yataa 'a koadia demanɛ a.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

Gboo Fiipai Ko A 3:2

Wo wo kun ma fɛn, wuu chɛ n boo ɔ, mɔ yama chɛ nu. An fɛn mbe mɔɛ n na kamincha ka, wo wo kun ma fɛn an boo ɔ.

Gboo Kɔdɔsai Ko A 2:5

N mbe wɛɛ nɛ pɔɔ, chɛɛ n faa ɛ wo tena. N bu ɔ diama mu, koe min na mu, wo e chia chɛndɛ ma, wo ma ka ni ɛnden bɛɛ a wo gba ɔ, wo kai fa koe a Chasi a.

Gboo Kɔdɔsai Ko A 2:8

Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.

2 TIMOTI 4:15

I kun ma fɛn a boo ɔ, a mu min na, a ni chɛɛ ma nyɔn ba an na, mmɔ 'a sakana bai ko a.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

1 PITA 5:9

Wo sɔ chidi wo 'a danaya ɔ, Chasi a. Sitana ma kun wo ma. Koe min na mu, wo‑a a ɔ sɔn fan, mbɛ wo bɔɛ miin bɛɛ kai faen mu Chasi a dunya gbɛɛ ɔ, an mbe ko yawaen dɔndɔ gbe chɛ an dɔ bia tena.

2 PITA 2:7

Yataa ni mɔ yama chɛ n kasaa tena tima min na, a na‑a kai Dɔti kun bɔ wan a ɔ suun. Dɔti chɛ ni mɔ chɛndɛ an na, a sin faa na‑a yɔn fan, tima min na an mɔɛ chɛ n ni ko yama yama chɛ n ma tena.

2 PITA 3:1

N dia nyɔɛ nu, gboo fean bɔɛ an nɛ, n‑na min nyɛn gbɛ wo tena. Gboo fea chɛ n dɔ, n mbe wo yiima a che tena wan koe chɛ n ma chɛndɛ chɛ, wo ni ma wo yii na chii‑a an ma.

KO Ɔ NUNDENƐ 2:5

Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.