2 PITA 3:16 - Yataa 'a Dɔbɛnɛ Nama

¹⁶ A sin mbe bai fɔ tena, a si an ko dɔndɔ gbe chɛ ma, a 'a gboo n dɔ. Kaina dɔ n mbe wan a 'a gboo nyɛnden chɛ ɔ, miin dɔ gbɛɛ an dɔ gbɛ koe a. Ko sɔn bai nu, mɔɛ miin yiima ɔ basan basandenɛ ɛ, an mbe a ɔ yian fan fania chia a, yɔ an mbe a ma buɛ min dɔ Yataa bai dɔ gbɛɛ n bɛɛ a. Chɛ sin mbe a ma wan, an mbe an fandi kasaa‑a.

2 PITA 3:16 ပူးပေါင်းရင်းမြစ်များ

MATIU 15:3

Mbɛ Chisɔsi ɔ, “Wo ta sin, wo e Yataa 'a sawa to wan, mbɛ wo bea‑a wo ta kanɛ fɛ. Wo‑a chɛ yen ka ma?

MATIU 15:6

Wo ɔ te, mbɛ a ma din ni mɔɛ chɛ ma, ko chɛ koe a a fa ye, a basan a de a. Chɛ ɛ a ɔ yian fan, mbɛ wo‑a wo ta kanɛ a sɛ Yataa ta sawa kun ma.

MATIU 22:29

Mbɛ Chisɔsi ɔ, “Wo saman‑da kaka a fɔ koe a, mbɛ ni mɔɛ fa‑a, a ee a kɔɔ sɔ to a ka saya ɔ. Chɛɛ koe min‑na a ma wo saman‑da, wo ma Yataa 'a gboo ɔ gbɛ ni, mbɛ a yɛ to, wo ma ko ɔ ko ɔ sɔn a si Yataa 'a gbasaya ma.

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

GBOO IBU MƆƐ N KO A 5:11

Bai kɔkoo nn da a, a fɔ koe a, a si koe chɛ ma. Chɛɛ koe sin fan nɛ, min dɔ gbɛ, a ɔ yian koe a wo a. Koe min na mu, wo ee fua koe ɔ gbɛ‑a.

1 PITA 1:1

N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.

1 PITA 2:8

Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

2 PITA 2:14

An mbe ee musu ma fɛn gbama a, ni an ma an yii na chii ni ta koe ma a sofa a. An faa ee chima ko yama ma koe a. An mbe a ma wan mɔɛ chɛ n ni chɛɛ gbai a, mɔɛ miin yiima ɔ dɔɔ. An‑na an fandi kan fan to koe a fen kɔ fen na, an sin mbe ma‑a danka tɔɛ n fan na.

2 PITA 3:14

N dia nyɔɛ nu, chɛ an fɛ mu, wo e ka an tee chɛ ma kɔnɛ min chɛ a, wo wo wandi bia chɛndɛ chɛ. Tɔmbɛ ma ma wo ma, wo sin ni ma faachima ɔ Yataa a.

2 PITA 3:2

N toen mu wo ni wo yii na chii bai chɛ n ma, Yataa 'a gbonka chɛ mɔɛ n na‑a miin fɔ suun. Wo ni wo yii na chii to sawa chɛ ma, Mansa Chisɔsi‑a min be, mmɔ baun mɔɛ. A sin, a 'a sɔ mɔɛ n na‑a an sawa chɛ a ben fan wo tena.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.