2 PITA 3:12 - Yataa 'a Dɔbɛnɛ Nama

¹² Wo e ma‑a Yataa 'a tee chɛ ma kɔn‑da, wo a faa ma koe n ma, min mbe a ma, an tee ni fua che‑a. An tee chɛ ma, fenɛ miin gbɛɛ ɛ banda a, an mbe kasaa‑a wan, mbɛ an minda‑a. Win ba dɛgbɛ wɛɛ ɛ a ma‑a wan, an fen chɛ n ni kunɛ banda a yɔ tu.

2 PITA 3:12 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

Gboo Fiipai Ko A 1:6

Chɛ an fɛ mu, n danden fan mu a a, mbɛ Yataa boo ɛ ka gbɛ buɛ min dɔ wo baun koe ɔ, a ee sɛmbɛ‑a to. A ɛ wo baun‑da wan, aan a ni che a danka a gbɔdɛ, aan Chisɔsi Chasi na tima a to.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

2 PITA 3:10

Chɛɛ Mansa Chisɔsi na tima, ɛ ma‑a wan tɛnɛ koe a, yɔ kanka ɛ na buɛ min dɔ. A tee chɛ ma, kuiɛ mau mau ɛ ka‑a wan banda a, mbɛ banda ee ma‑a to dunya ɔ. Ta ɛ tɛ‑a wan fen kɔ fen dɔ min mbe banda a, mbɛ an kasaa‑a. A sin duu gboo wɛɛ, ni fen kɔ fen min mbe a ma, an gbɛɛ ee ma‑a to dunya ɔ.

2 PITA 3:11

Fen kɔ fen sin gbu, ɛ na tena kasaa‑a ka buɛ min dɔ, a nyin wo ni a ɔ sɔn, ni wo e ma‑a mɔɛ miin nyɔn sima n na. Wo ma tenchen Yataa ko a, wo ni wo fɔɛ gbɛɛ be a ma.

2 PITA 3:4

An mbe a fɔ‑a wan, an dɔ, Chasi na koe min mbe a ɔ, an dɔ, an gbu ee a yen. An dɔ, chɛ an to‑a ka ɔ aan, an dɔ, an bemba n ta bemba n ka‑a banda kun ma. An dɔ, chɛɛ ko ɔ ko ma ka ni a gba kun ma, an dɔ, kɛn dunya a dan tima ma.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.

CHUDA 1:21

Wo ma bɔ Yataa 'a koadia kɔɔ. Wo chinchimaya chɛ ma kɔn, mmɔ 'a mansa Chisɔsi Chasi ɛ min chɛ‑a, min mbe na‑a kuɔ fɔ fɔɛ a.