2 PITA 3:10 - Yataa 'a Dɔbɛnɛ Nama

¹⁰ Chɛɛ Mansa Chisɔsi na tima, ɛ ma‑a wan tɛnɛ koe a, yɔ kanka ɛ na buɛ min dɔ. A tee chɛ ma, kuiɛ mau mau ɛ ka‑a wan banda a, mbɛ banda ee ma‑a to dunya ɔ. Ta ɛ tɛ‑a wan fen kɔ fen dɔ min mbe banda a, mbɛ an kasaa‑a. A sin duu gboo wɛɛ, ni fen kɔ fen min mbe a ma, an gbɛɛ ee ma‑a to dunya ɔ.

2 PITA 3:10 ပူးပေါင်းရင်းမြစ်များ

MATIU 24:35

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

MAKI 13:31

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

DUKU 12:39

Chɛɛ n ni a ma din wo tena, mbɛ ni chen ti ɛ a ɔ sɔn fan tima min na kanka ɛ na‑a a kanka koe a, a ee dɔn kanka ni a 'a chenɛ te, a ni don nɔ.

GBOO DOMI KO A 8:20

A mu min na, Yataa‑a fenɛ miin gbɛɛ nyan, a‑a an baa yɔn ka wan. Yataa 'a fen nyanden chɛ nu, an fandi nii ma to ni an baa ni yɔn, chɛɛ Yataa toen ni a ma koe a ka wan. Chɛɛ a na‑a chɛ wɛɛ ma, koe ni wan nɔ a yii na tɛen ni min ma.

GBOO SAA KƆYINDI KO A 1:8

Ɛ wo 'a danaya n dɔ gbɛa‑a wan, aan a sɔ tee danka chɛ ma. Ɛ a ma‑a wan, mabɔ kan kɔ kan mbe ee ma‑a wo ma, an tee wa chɛ ma, mmɔ 'a mansa Chisɔsi Chasi ɛ na‑a to tima min na.

GBOO SAA KƆYINDI KO A 5:5

Wo an mɔ bonda ya, wo ni a be Sitana ma, a ni tɔɔya. Chɛ ɛ a ma‑a wan, mbɛ a wandi‑a bauncha ma sɔn, mmɔ 'a mansa Chisɔsi ɛ na‑a to tima min na.

Gboo Saa Tɛsadonika Ko A 5:2

Koe min na mu, wo wandi gbu‑a a ɔ sɔn fan chɛndɛ chɛ, mbɛ mmɔ 'a mansa na tima ɛ che tena wan. Ɛ ma‑a wan, yɔ kanka ɛ mɔɛ tɛnɛ buɛ min dɔ pimbi ɔ.

Gboo Saa Tɛsadonika Ko A 5:4

Chɛɛ nn suun ma nyɔɛ nu Chasi ɔ, wo tana, wo ee pimbi ɔ. Chɛ an fɛ mu, an tee chɛ ee che wo tɛnɛ‑a yɔ kanka ɛ na buɛ min dɔ.

2 PITA 3:11

Fen kɔ fen sin gbu, ɛ na tena kasaa‑a ka buɛ min dɔ, a nyin wo ni a ɔ sɔn, ni wo e ma‑a mɔɛ miin nyɔn sima n na. Wo ma tenchen Yataa ko a, wo ni wo fɔɛ gbɛɛ be a ma.

2 PITA 3:12

Wo e ma‑a Yataa 'a tee chɛ ma kɔn‑da, wo a faa ma koe n ma, min mbe a ma, an tee ni fua che‑a. An tee chɛ ma, fenɛ miin gbɛɛ ɛ banda a, an mbe kasaa‑a wan, mbɛ an minda‑a. Win ba dɛgbɛ wɛɛ ɛ a ma‑a wan, an fen chɛ n ni kunɛ banda a yɔ tu.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 20:11

Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.

KO Ɔ NUNDENƐ 21:1

Chɛ gbakɔ, mbɛ n‑na dunya nama yen, a mu min na, dunya saa tuin‑da wan. A sin, dunya nama chɛ ɔ, kɔ yii ee a ɔ.

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.

KO Ɔ NUNDENƐ 6:14

Banda tuin‑da, yɔ gboo a konde kondeenɛ. A sin to, kɔnkɔ kan kɔ kan ka‑a wan a gba ɔ, a basan yii tinɛ ɔ duu gboo kan kɔ kan na.