2 PITA 3:1 - Yataa 'a Dɔbɛnɛ Nama

¹ N dia nyɔɛ nu, gboo fean bɔɛ an nɛ, n‑na min nyɛn gbɛ wo tena. Gboo fea chɛ n dɔ, n mbe wo yiima a che tena wan koe chɛ n ma chɛndɛ chɛ, wo ni ma wo yii na chii‑a an ma.

2 PITA 3:1 ပူးပေါင်းရင်းမြစ်များ

MATIU 5:8

“Mɔɛ miin faa ɔ gbɛen mu, an duaen mu. An mbe Yataa yen‑da wan.

GBOO FEAN BƆƐ KƆYINDI KO A 13:2

N‑na wo a si wan, n 'na gba fean bɔɛ ɔ, wo kɔndɔn‑da. N‑na wo a si wan, wo wɛn na‑a ko yama ma, a kɔma a, a basan mɔɛ tɔɛ n gbɛɛ a. Chɛɛ n mbe a fɔ‑a wan to sanche, mbɛ n mbe ee ka buɛ min dɔ wo tɛ ɔ, mbɛ n mbe na‑a to tima min na, mɔ ɔ mɔ kun mbe ee bɔ‑a tɔɔya ɔ.

1 TIMOTI 5:22

I 'a tima ya i boo bun koe a mɔɛ kun ma, a yian koe a gbakoo ya a. I 'a tima ya, mɔ dɔ mende 'a ko yama maenɛ a ee na sin i ma. To Yataa gbee an na tun.

2 TIMOTI 1:6

Chɛ an fɛ mu, n mbe a fɔ tena i ye to, mbɛ i ni tachɛ fen chɛ a chɛndɛ chɛ, Yataa‑a boo fenɛ min be i ma, n na‑a n boo bun i ma tima min na i dua koe a.

GBOO IBU MƆƐ N KO A 6:9

Chɛɛ wo wan, nn dia nyɔɛ nu, miin ko a di nn ye kaka, nn‑na chɛ fɔ wɛɛ boo ɔ boo, nn yii na tɛen fan mu wo ko a. Nn‑na a ɔ sɔn fan, mbɛ wo e chia chɛndɛ an ma, bauncha ko a.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.

2 PITA 3:14

N dia nyɔɛ nu, chɛ an fɛ mu, wo e ka an tee chɛ ma kɔnɛ min chɛ a, wo wo wandi bia chɛndɛ chɛ. Tɔmbɛ ma ma wo ma, wo sin ni ma faachima ɔ Yataa a.

2 PITA 3:17

Chɛɛ n dia nyɔɛ nu, wo tana, wo‑a chɛ ɔ sɔn fan gbɛ. Chɛ an fɛ mu, wo wo kun ma fɛn, sawa sɔn bai chɛ n ma na a ma, wo ni saman, mbɛ wo ka‑a chia ma. An ni a ma, wo ni bea, a bɔ wo sɔ tena chɛndɛ chɛ ɔ.

2 PITA 3:8

Chɛɛ n dia nyɔɛ nu, wo ma nyina ko dɔndɔɛ chɛ ma. Mbɛ tee tɛ bɔ ee Mansa Yataa tena. Tee dɔndɔɛ fea san wu dɔndɔ a, fen dɔndɔ gbe an nɛ a chen kɔɔ.

CHUDA 1:5

Wo‑a chɛ ɔ sɔn bɛɛ boo ɔ boo, chɛɛ n mbe a ɔ yian‑da wan to wo a. Mbɛ Yataa na‑a Isɔɛɛ mɔɛ n bɔ wan yɔncha ɔ Ichipi chɛnyɛ ɔ. Chɛɛ chɛ gbakɔ, an dɔ nu, a‑a an kasaa wan, koe min na mu, an ma dɔn ni dan koe a a wan Yataa a.