2 PITA 2:4 - Yataa 'a Dɔbɛnɛ Nama

⁴ Mmɔ‑a a ɔ sɔn fan, mbɛ Yataa nii ma maeka chɛ n boo ka ni, miin na‑a ko yama ma. Chɛɛ a na‑a an na dɛ wan ta ɔ. An chiienɛ ɛ wan nɔ yɔɔɛ a, kaina ɔ pimbienɛ ɔ, an mbe an gbɛmbo tee ma kɔnɛ a.

2 PITA 2:4 ပူးပေါင်းရင်းမြစ်များ

MATIU 25:41

“Mbɛ n fan mansa chɛ, mɔɛ chɛ nu n manɛ ɔ, n mbe a fɔ‑a wan an ye, n dɔ, an ni ka n ya a. N dɔ, Yataa‑a an danka. N dɔ, an ni ta pan kuɔ fɔ ta man chɛ ɔ, Yataa‑a min dɔ bɛn Sitana ko a, nyina yama n kun ti, an bɛ a 'a nyina yama n na.

MATIU 8:29

Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MAKI 5:7

Mbɛ a‑a yee wa tɛ, a ɔ, “Chisɔsi, Yataa Wa 'a denɛ! I toen mu i ni fen ma n na? I dimu, I ma n tɔɔya. A chɛ Yataa ko a.”

DUKU 10:18

Mbɛ Chisɔsi ɔ, “N‑na Sitana yen fan bea‑a a ka banda bu ɔ, yɔ banda manɛ.

DUKU 8:31

Nyina yama chɛ n yɛ‑a wan, an‑na Chisɔsi disa, min mbe a ma, a ma na an na ta ta ɔ tɔɔya koe a.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO DOMI KO A 11:21

Ni Yataa ma kaa ni Isɔɛɛ mɔɛ n ka‑a a ma, miin mbe yɔ kɔnɛ bonɛ wandi gbu, a ee che‑a a to‑a a ɔ wo wɛɛ ye. Chɛ ee che ma‑a.

GBOO DOMI KO A 8:32

Yataa ma a boo a ben ni a wandi gbu 'a denɛ wɛɛ kɔ, a kunɛ bɔ koe a tɔɔya ɔ. Chɛɛ a‑a Chisɔsi be wan yasi a mɔ gbu gbɛɛ ko a. Ni ɛ chɛ ma wan mmɔ ko a, ɛ kun fan a ni fen kɔ fen be mmɔ ma gbama gbama a, a faa gbɛɛ a.

2 PITA 2:11

Maeka n gbu wɛɛ, gbasaya wa ɛ miin boo ɔ, a ben fania kan chɛ mɔɛ chɛ n ma, an maeka chɛ n mbe ee main chɛ Mansa Yataa chen kɔɔ.

2 PITA 2:5

Mmɔ‑a a ɔ sɔn fan, mbɛ Yataa nii ma mɔɛ chɛ n bɛɛ to ni nɔ, miin ni suun. A na‑a an na mɔnɛ wan yii fa a, an fan Yataa sɔn bai chɛ nu. A na‑a mɔ wɔnfea an fan kunɛ bɔ a ɔ, a basan Nowa a, min ni mɔɛ n kan an ni tan Yataa tena.

2 PITA 2:9

Chɛɛ Mansa Yataa an kosan kɛn gbɛ mɔɛ n kun bɔ‑a ko gbɛama n dɔ, mɔɛ miin mbe a ko a. A sin fan kosan to mɔɛ n chɛ‑a tɔɔya kɔɔ, aan gbɛmbo tee ma, mɔɛ miin sɔnɛ yau.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

CHUDA 1:13

A yɛ to, ni yii fa‑a, ɛ fenɛ n na fɔnɔ wan tindi ma, mbɛ a yɛ‑a. Mɔɛ chɛ n bɛɛ, an mbe ka wan. An mbe an 'na mauma koe n to ka wan an gbaa, mbɛ an ta‑a. An mbe wan to yɔ tɔmbuaka chɛ nu, miin ka‑a chia chɛ ma, Yataa‑a min yian an na, mbɛ an ta‑a an ta gbee a. Yataa‑a kaina ɔ bɛn an ko a, ma koe a pimbi pimbi ɔ kuɔ fɔ ko a.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.