2 PITA 2:3 - Yataa 'a Dɔbɛnɛ Nama

³ Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

2 PITA 2:3 ပူးပေါင်းရင်းမြစ်များ

DUKU 18:8

N ni a ma din wo tena, mbɛ ɛ a a gbandia‑a wan, a ni tea be an ma. N fan, Mɔ Gbu 'a Denɛ, n mbe yɛ‑a wan to dunya chɛ ɔ. Chɛɛ a tima chɛ a, n mbe na‑a mɔɛ n tan‑da wan to, miin kai faenɛ ɛ ma‑a n na?”

DUKU 20:20

An nii ma chinɔ ni a a tɛ koe a, a basan chia yanɛ a, min mbe a ma, an ni a bia. Chɛ ko a, an‑na mɔɛ n na dɛ wan a ma, a ɔ tisa koe a yiima yiima tisa n na. An toen ni, a da a bai ni a wandi ma tachɛ an ma. Mbɛ an‑na a be chɛnyɛ kun ma kɔfana ma, chɛnyɛ sawa a tachɛ koe a.

DUKU 22:47

A yen ko, Chisɔsi to‑a koɔ an na, mbɛ mɔ fanka an na‑a, mbɛ an‑na a tan. A fɛ den tan kun ma fea chɛ n dɔndɔ, min tɔ ni Chudasi, an ni sɔ ɔ mɔɛ chɛ n ya ɔ. Mbɛ a wan Chudasi chɛ na‑a wan Chisɔsi baima gbɛdɛn, min mbe a ma, a ni Chisɔsi kɔndɔn.

CHƆN 2:16

Mɔɛ chɛ n sin, miin ni ka bugbɔɛ ma tachɛ‑a, a ɔ an ma, “Wo bɔ nɛ wo 'a bugbɔɛ chɛ n na. Wo sɛmbɛ Fa 'a chenɛ ma koe a fee fen ma tachɛ chenɛ a.”

GBOO DOMI KO A 16:18

A mu min na, an mɔɛ chɛ nu miin mbe ko bonda chɛ n ma, an mbe ee ma ka mmɔ 'a mansa Chisɔsi 'a wai an chɛ‑a. An gbɔsɔen mu dechee an faa ma koe n fan ko a. An da ɔ di, an sin mbe mɔɛ n yii a faa faa wan bai sɛsɛ a, mɔɛ miin woo koe ma gbɛ, mbɛ an‑na an bun.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

Gboo Saa Tɛsadonika Ko A 2:5

Wo‑a a ɔ sɔn fan chɛndɛ chɛ, mbɛ nn ma na ni wo tena wo bun bai n fan na. Nn mbe ee koɔ, min mbe a ma, nn ni tɔnɔnɛ ma sɔn wo a. Nn sii mu Yataa an na.

Gboo Saa Tɛsadonika Ko A 5:3

Mɔɛ n mbe ma‑a a fɔ‑a dechee, an dɔ, “A yama ee nɛ,” an dɔ, “koe n dɔ chimaen mu,” a tima chɛ a mu, kasaa ɛ an tan‑da. Ɛ an tɛnɛ‑a wan, yɔ bu ɔ tɛ ɛ musu tɛnɛ buɛ min dɔ. A sin, mɔɛ n kun mbe ee bɔ‑a a ɔ.

1 TIMOTI 3:3

A ee gbɛ wa min, faagbandia tɔ ma a a, chɛɛ a ni ma mɔɛ a min faa chimaen mu, a ee koɔ yan. A sin, kɔpɔɛ wako ee a faa ɔ kaka.

1 TIMOTI 3:8

Mɔɛ miin bɛɛ ɛ chɔchi ɔ demanɛ chɛ‑a, an ni ma basɔmaya tɔɛ n na. An ma ma nɛnɛn fea ti n na, an ma gbɛ wa min, an sin, kɔpɔɛ koe ma ma an faa ɔ kaka.

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.

TAITƆSI 1:11

An da a ni tɔn, koe min na mu, an mbe chenɛ n dɔ chɛ chɛ tena wan, an mbe an ka‑a tea chia ma, an 'na kan yama chɛ chɛ a. Chɛ gbɛɛ sin kaen mu mau bandaya kɔpɔ yan chɛ an ma.

TAITƆSI 1:7

Chɔchi ya ɔ sɔɛ sin, min mbe Yataa 'a wai kun ma, mabɔ ee ma a ma, dɔpanda tɔ ma a a, a faa ma gbandi, a sin mbe ee gbɛ wa min. Kɔpɔɛ wakoe ee koa a faa ɔ, a sin mbe ee ma gbun na bea mɔ a.

1 PITA 2:8

Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.

1 PITA 5:2

Wo ni mɔɛ chɛ n kun ma fɛn chɔchi ɔ chɛndɛ chɛ, Yataa‑a miin be wo ma. Wo an kun ma fɛn wo faa gbɛɛ a, yɔ Yataa toen mu a buɛ min dɔ. Wo ma an kun ma fɛn faa ɔ nɔɛ a. Wo ma a chɛ pawa dechee an ko a. Chɛɛ wo‑a a chɛ, a chɛ koe a dia ko a.

2 PITA 1:16

Nn‑na a ɔ yian fan wo a, mbɛ mmɔ 'a mansa Chisɔsi Chasi ɛ na‑a wan gbasaya wa ɔ. Nn‑na a 'a gbasaya ɔ yen fan nn ya gbu a. Nn nii ma chɛ tɛ ni nn gboo an ma.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

2 PITA 2:9

Chɛɛ Mansa Yataa an kosan kɛn gbɛ mɔɛ n kun bɔ‑a ko gbɛama n dɔ, mɔɛ miin mbe a ko a. A sin fan kosan to mɔɛ n chɛ‑a tɔɔya kɔɔ, aan gbɛmbo tee ma, mɔɛ miin sɔnɛ yau.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.

CHUDA 1:15

A ɔ, ɛ na‑a wan mɔɛ n gbɛɛ gbɛmbo koe a. A ɔ, mbɛ mɔɛ chɛ nu, miin ma Yataa sɔn, a ɔ, mbɛ kaa a tɛ‑a an 'na ko yama n gbɛɛ ma. A ɔ, ko yama chɛ n gbɛɛ, a ɔ, a basan an 'na bai yama n gbɛɛ a, an‑na miin sa a si a ma.

CHUDA 1:16

An mɔ bonda chɛ nu, an faa ee chima, tima ɔ tima an mbe gbonyɛ‑a. An sin, an faa ma koe yama nu, an mbe bea an fan fɛ. A yɛ to, an da ɔ yonka koo, an sin mbe da ma dia bai n sa wan mɔ dɔ mende n tena, min mbe a ma dechee, an faa ma koe ni chɛ an ye.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

CHUDA 1:7

Sɔdɔn fea Komoa an bɛɛ mu to dɔndɔ an na. Duu wa fea chɛ nu, a basan konko mɛsɛ n na an 'na tindanɛ, an‑na ko yama sɛsɛ tɛ wan, an‑na Yataa 'a sawa sɛsɛ ka a chia ma. An 'na tɔɔya tana, a mu tɔmɔsi an na mɔɛ chɛ n tena, miin mbe na‑a ma‑a ta ɔ, kuɔ fɔ ko a.