2 PITA 2:21 - Yataa 'a Dɔbɛnɛ Nama

²¹ A ni nyan‑da wan an ko a, ni an nii ma chia sɔn ni, an mbe tan buɛ min dɔ Yataa tena. Chɛɛ ni an‑na a sɔn, mbɛ an‑na an kan kɔ sɔ Yataa 'a sawa duaenɛ a, a yau an ko a.

2 PITA 2:21 ပူးပေါင်းရင်းမြစ်များ

MATIU 21:32

A mu min na, Chɔn na‑a wan, mbɛ a‑a a ɔ yian Chu mɔɛ n gbɛɛ a, Yataa toen mu a ni wo sɔ buɛ min dɔ chia ma dunya chɛ ɔ. Chɛɛ wo ma dan ni a a. Mɔɛ miin dan‑da a 'a sakana bai a, an fan nɛ pawa bia mɔɛ chɛ n na, an bɛ duu dia chɛ n na. Wo‑a chɛ ɔ yen bɛɛ, chɛ gbɛɛ ɔ, wo ma wo yiima mun ni, wo ni dan sakana bai chɛ a, a‑a min fɔ wo ye.”

DUKU 12:47

“Mbɛ ni wai chɛ mɔɛ‑a a ɔ sɔn, a kun ti toen mu a ni fen ma a ye, chɛɛ a ma a ma ni, yɔ a kun ti toen mu min ni ma, ɛ gbasi sɛmbɛndenɛ ma sɔn‑da wan.

CHƆN 15:22

Ni n nii ma na ni, n ni koɔ an tena, a si Yataa wakoe ma, Yataa nii a tɛɛ si‑a an ma, ko yama ma koe a. Chɛɛ ɛ ka gbɛ buɛ min dɔ sanche, an mbe ee che to a fɔ‑a an nii ma an 'na ko yama n sɔn.

CHƆN 9:41

Mbɛ Chisɔsi ɔ, “Ni fion tɔɛ ni wo a, Yataa ni a ya ka‑a wan wo 'a ko yama n na. Chɛɛ wo e a fɔɛ min chɛ, wo ɔ, fion tɔ ma wo a, an fɛ mu, a ee a ya ka‑a wo 'a ko yama n na.”

GBOO DOMI KO A 7:12

Chɛ an fɛ mu gbɛ, Yataa wandi an ta mu sawa a. Sawa chɛ sin, Yataa an‑na a be. A sin, sawa chɛ ɛ a ɔ yian fan mɔ gbu ɛ koe miin ma, miin mu tea a. A yɛ to, ni koe miin nyin mɔ gbu ko a.

Gboo Kadesia Ko A 6:2

Wo wo boo si wo nyɔn na ya kɔɔ tawa kɔɔ, min mbe a ma, wo ni Chasi 'a sawa bia a chia ma.

Gboo Saa Tɛsadonika Ko A 4:2

Wo wandi‑a a ɔ sɔn fan, Mansa Chisɔsi 'a gbasaya ɔ, nn‑na koe miin fɔ wo ye a ma koe a.

1 TIMOTI 6:14

dasi chɛ ya i sɔɛ a. I ni tachɛ teaya ɔ, mabɔ ee min ma, aan tee chɛ ni che, tee min ma mmɔ 'a mansa Chisɔsi Chasi ɛ na‑a to.

GBOO IBU MƆƐ N KO A 10:26

Mmɔ ban‑da ka buɛ min dɔ tea ɔ sɔn‑da, a si Chisɔsi ma, mmɔ ma ko yama ma bia to mmɔ boo fea a. Ni mmɔ‑a chɛ ma, yasi kan kɔ kan mbe ee ma‑a nɔ, min mbe a ma, Yataa ni a boo bɔ mmɔ 'a ko yama n dɔ.

CHIMISI 4:17

A ni ma wo yii ma, ni mɔ‑a a ɔ sɔn, e koe min ma, min nyin, chɛɛ i sin ma an koe chɛ ma ni, ko yama mu a a.

2 PITA 3:2

N toen mu wo ni wo yii na chii bai chɛ n ma, Yataa 'a gbonka chɛ mɔɛ n na‑a miin fɔ suun. Wo ni wo yii na chii to sawa chɛ ma, Mansa Chisɔsi‑a min be, mmɔ baun mɔɛ. A sin, a 'a sɔ mɔɛ n na‑a an sawa chɛ a ben fan wo tena.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.