2 PITA 2:2 - Yataa 'a Dɔbɛnɛ Nama

² Chɛɛ chɛ gbɛɛ ɔ, mɔ sɛsɛ n mbe bea‑a wan an fɛ, an mbe ma‑a an 'na fɔɛ yama chɛ ɔ. An sɔn chɛ sin fan mbe a ma, mɔɛ n mbe bai yama sa chɛ n ma, miin mbe sɔ ɔ Yataa 'a tea chia ma.

2 PITA 2:2 ပူးပေါင်းရင်းမြစ်များ

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 7:14

Chɛɛ chia chɛ dɔɔ gba, chia min mbe ma‑a mɔ ni kuɔ fɔ fɔɛ ma sɔn. An chia chɛ ɔ gbɛ tachɛ koe a. A sin, mɔ sɛsɛ n fan mbe ee ta‑a a a.”

MAKI 12:14

An na‑a Chisɔsi tena, mbɛ an dɔ, “Ticha, nn‑na a ɔ sɔn fan, mbɛ danaya tɔɛ mu i a. I ma i gbɔsɔ ni mɔ gbu ɛ min fɔ, a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ i ma i gbɔsɔ ni mɔ 'a sɔ tena ko a, chɛɛ e mɔɛ n kan Yataa bai miin gbɛɛ a, tea mu an na. A ɔ yian bɛ nn na, i ta yiima ɔ, i‑a pawa chɛ be koe yen ka ma Domi kun ti wa ma, a nyin fan?”

MAKI 13:22

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHISƆSI 'A SƆ MƆƐ NU 13:10

mbɛ a ɔ, “I wan, Sitana 'a denɛ. Ko chɛndɛ kan kɔ kan chɛɛ ma nyɔɛ mu i a. Chɛwɛɛ yama yama gbɛɛ ɛ i ɔ, mɔɛ n bun koe a. A sin, e butuin chɛ tena wan tima ɔ tima, i ni Mansa Yataa 'a tea mun fania a.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 16:17

A bea‑a wan nn fɛ, nn bɛ Pɔɔ a, ɛ ta‑a yee tɛ‑a, a ɔ, “Kamin chɛ nu, Mansa Yataa Wa 'a wai chɛ mɔɛ n fan nɛ. An fan mbe a ɔ yian tena wo a, Yataa ɛ wo baun buɛ min dɔ.”

CHISƆSI 'A SƆ MƆƐ NU 18:26

A‑a a kuu sɔ wan koɔ‑a, faagbɛa a, Chu n 'na samun chɛ chen chɛ a. Chɛɛ Pisida an fea a chɛɛ Akuida a, an‑na a da a bai chɛ a min kɛn, an‑na a ya wan, an ta‑a a a an 'na chenɛ a. Mbɛ an‑na chia chɛ wakoe ɔ yian a a chɛndɛ chɛ, Yataa‑a min yian.

CHISƆSI 'A SƆ MƆƐ NU 19:9

Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.

CHISƆSI 'A SƆ MƆƐ NU 22:4

N‑na mɔnɛ sɛsɛ sa wan mɔɛ chɛ n ma, miin na‑a a sɔ chia chɛ fɛ, Chisɔsi‑a chia min yian, a sɔ koe a a fɛ. N‑na a ma wan, an‑na saya ma sɔn. N‑na an bia wan, kai nu, an bɛ musu n na, n‑na an sa pimbi chenɛ a.

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

GBOO DOMI KO A 2:24

Ɛ wan dechee yɔ Yataa 'a gboo‑a a fɔ buɛ min dɔ, a ɔ, “Wo wan Chu mɔɛ chɛ n fan mbe a ma tena, mɔɛ miin ma Chu mɔɛ n na, an mbe baa bɔ Yataa ma.”

1 TIMOTI 5:14

Chɛ an‑na a fɔ, n mbe to‑a wan fuinya musu tɔngbɔɛ ni kai sɔn to, an ni denɛ n suun, an ni an 'na chenɛ n kun ma fɛn. Chɛ ɛ a ma‑a wan mmɔ chɛɛ ma nyɔɛ ee chia sɔn‑da, mmɔ tɔ yama a fasan koe a.

TAITƆSI 2:5

A yɛ to, an yiima ni tɛ chɛndɛ chɛ, an sɔnɛ a koenɛ ni ma, an ni ma musu chɛndɛ a chenɛ a, miin kooenɛ an chɛɛ n ye. Chɛ ɛ ma‑a wan, mɔ ɔ mɔ ee bai yama sa a si Yataa 'a sakana bai ma.

TAITƆSI 2:8

I da a bai tandenɛ ni ma, mabɔ ee ma min ma. Chɛ ɛ a ma‑a wan chɛɛ ma nyɔɛ n ni mau, bai yama ee ma‑a an da ɔ a fɔ koe a a si mmɔ ma.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

2 PITA 2:12

Chɛɛ fania kan chɛ mɔɛ chɛ nu, koe min mbe na an yii ma, an mbe an ma. An maen mu yɔ fia ɔ soe nu, an bia koe a, mbɛ an fa‑a. An mbe mankan fan ko ɔ ko manyin koe a, ni an ma min dɔ gbɛ ni. An mbe kasaa‑a wan, yɔ fia ɔ soe nu.

2 PITA 2:15

An ka‑a tea chia ma fion fion, an mbe gbɛ an kun fan ye. An beaen mu gbɛ Badaan na chia an fɛ, Yataa 'a gbonka chɛ mɔɛ chɛ, min ni kai Bɛɔ 'a denɛ a. Badaan nii ma a gbɔsɔ ni ko yama ma koe a, ni a‑a kɔpɔɛ an ma sɔn dechee.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.

2 PITA 2:21

A ni nyan‑da wan an ko a, ni an nii ma chia sɔn ni, an mbe tan buɛ min dɔ Yataa tena. Chɛɛ ni an‑na a sɔn, mbɛ an‑na an kan kɔ sɔ Yataa 'a sawa duaenɛ a, a yau an ko a.

2 PITA 2:7

Yataa ni mɔ yama chɛ n kasaa tena tima min na, a na‑a kai Dɔti kun bɔ wan a ɔ suun. Dɔti chɛ ni mɔ chɛndɛ an na, a sin faa na‑a yɔn fan, tima min na an mɔɛ chɛ n ni ko yama yama chɛ n ma tena.

CHUDA 1:10

Chɛɛ mɔɛ chɛ n tana, ni an ma koe min dɔ gbɛ ni, ma yɛn ma koe mu an tena, an sin mbe bai yama an sa a si a ma. An mbe wan dechee yɔ soe nu, koe min na mu, koe min mbe puin an yii ma, an mbe an ma. Koe n fan nɛ, miin mbe na kasaa a, an kun ma.

CHUDA 1:15

A ɔ, ɛ na‑a wan mɔɛ n gbɛɛ gbɛmbo koe a. A ɔ, mbɛ mɔɛ chɛ nu, miin ma Yataa sɔn, a ɔ, mbɛ kaa a tɛ‑a an 'na ko yama n gbɛɛ ma. A ɔ, ko yama chɛ n gbɛɛ, a ɔ, a basan an 'na bai yama n gbɛɛ a, an‑na miin sa a si a ma.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

CHUDA 1:7

Sɔdɔn fea Komoa an bɛɛ mu to dɔndɔ an na. Duu wa fea chɛ nu, a basan konko mɛsɛ n na an 'na tindanɛ, an‑na ko yama sɛsɛ tɛ wan, an‑na Yataa 'a sawa sɛsɛ ka a chia ma. An 'na tɔɔya tana, a mu tɔmɔsi an na mɔɛ chɛ n tena, miin mbe na‑a ma‑a ta ɔ, kuɔ fɔ ko a.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.