2 PITA 2:10 - Yataa 'a Dɔbɛnɛ Nama

¹⁰ A gbu sin mbe ma‑a ka wan an na, miin boo chɛenɛ ɛ ko tɛ ɔ, an sin gbɔsɔ ma, mbɛ Yataa 'a gbasaya ɛ wan nɔ. Fania kan chɛ mɔɛ chɛ nu, chianɛ ee ka miin ya a, an toen mu koe min na, an mbe an ma. An mbe ee basɔmaya be an ma, gbasaya ɛ miin boo ɔ banda bu ɔ. Chɛɛ an mbe an main fan.

2 PITA 2:10 ပူးပေါင်းရင်းမြစ်များ

DUKU 11:25

Ni a na‑a, mbɛ a ma Yataa Nyina tan ni mɔɛ chɛ fɛ, a sin mbe ee kun kɔɔ,

DUKU 19:14

Chɛɛ a 'a chɛnyɛ ɔ mɔɛ n nii ma to ni a a. Chɛ an‑na a fɔ, kɛn a‑a chia bia ta koe a, an‑na mɔɛ n sɔ wan a san‑da chɛnyɛ chɛ ɔ. An dɔ, an ni a fɔ kun ti wa chɛ ye, mbɛ an ma to ni mansa den chɛ a, a ni ma an 'na mansa a.

CHISƆSI 'A SƆ MƆƐ NU 23:5

Mbɛ Pɔɔ ɔ te, “N suun ma nyɔɛ nu, n nii ma a ɔ sɔn ka, mbɛ an mu mmɔ 'a tɛ mɔ wa a Yataa tena. Koe min na mu, Yataa 'a gboo ɔ te, a ɔ, ‘Mɔ ee bai yama sa, a si i 'a mɔɛ n 'na mansa ma.’ ”

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

GBOO SAA KƆYINDI KO A 6:9

Wo‑a a ɔ sɔn fan pɛnɛnɛ, mbɛ mɔɛ chɛ n mbe ee don Yataa 'a mansaya kɔɔ, mɔɛ miin mbe ko yama ma. Wo ma wo wandi woo. An mɔɛ chɛ n fan nɛ, miin mbe waa yama ma basanɛ a, ni miin mbe fɛnɛ n fai miin ma Yataa a. Chɛ ma, miin mbe waa ma basan an bɔ kai n na, an bɛ chɛ n na, miin mbe waa ma basan an bɔɛ n ta si nyɔɛ n na.

GBOO FEAN BƆƐ KƆYINDI KO A 10:3

Koe min na mu, nn mbe wɛɛ dunya chɛ ɔ, chɛɛ nn mbe ee butuin chɛ tena a ɔ yiinachii an na.

Gboo Ɛfisɔsi Ko A 4:19

An ma‑a gbɛ mɔɛ n na, ko ee miin faa gbaa, a sin, an‑na an kunɛ a fuin gbɛ ko yama ma koe a. An ma bɛndenɛ mu, tima ɔ tima ko a, ko yama ma koe a.

Gboo Ɛfisɔsi Ko A 5:5

Wo dan chɛ a, mbɛ mɔ ɔ mɔ, ko yama‑a min dɔ chɛ chɛ, a ee don‑da mansaya kɔɔ, Chasi ɛ min dɔ, an fea Yataa a. Wo ma ma mɔɛ n na, miin mbe waa ma basan, an ma dɛ ni fuu ɔ tima min na. Chɛ ma, wo ni ma mɔɛ n na, miin mbe maumaya koe tɛ, an sin fenkoyaen mu, an mbe an boo fenɛ n ya yɔ Yataa.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

Gboo Saa Tɛsadonika Ko A 4:7

Yataa ma mmɔ chee ni a ta mɔɛ n na, ma koe a fɔɛ yama an dɔ. Chɛɛ ma koe a mu tenchen a ko a.

2 TIMOTI 3:2

Koe min na mu, mɔɛ n mbe to‑a an fandi an na dechee, a basan kɔpɔɛ a. An mbe ma‑a dɔdia tɔɛ n fan na, an dɔ pandaenɛ ɛ, an mbe ee baa be mɔ ɔ mɔ ma, an mbe ee an woo mɔɛ n da a kuiɛ ma, an ma wai nyima sɔn, Yataa sɔn bai nu.

TAITƆSI 1:7

Chɔchi ya ɔ sɔɛ sin, min mbe Yataa 'a wai kun ma, mabɔ ee ma a ma, dɔpanda tɔ ma a a, a faa ma gbandi, a sin mbe ee gbɛ wa min. Kɔpɔɛ wakoe ee koa a faa ɔ, a sin mbe ee ma gbun na bea mɔ a.

GBOO IBU MƆƐ N KO A 13:4

Basɔmaya wa ni be fuu ma, wo gbɛɛ tɛ ɔ. A sin, wo ma waa ma basan mɔ dɔ mende n na, wo ee miin na fuu ɔ. Koe min na mu, mɔɛ min mbe koe tɛ, ɛ waa ma basan mɔ dɔ mende n na, Yataa ɛ a mɔɛ chɛ gbɛmbo‑a wan.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.

CHUDA 1:10

Chɛɛ mɔɛ chɛ n tana, ni an ma koe min dɔ gbɛ ni, ma yɛn ma koe mu an tena, an sin mbe bai yama an sa a si a ma. An mbe wan dechee yɔ soe nu, koe min na mu, koe min mbe puin an yii ma, an mbe an ma. Koe n fan nɛ, miin mbe na kasaa a, an kun ma.

CHUDA 1:16

An mɔ bonda chɛ nu, an faa ee chima, tima ɔ tima an mbe gbonyɛ‑a. An sin, an faa ma koe yama nu, an mbe bea an fan fɛ. A yɛ to, an da ɔ yonka koo, an sin mbe da ma dia bai n sa wan mɔ dɔ mende n tena, min mbe a ma dechee, an faa ma koe ni chɛ an ye.

CHUDA 1:18

An na‑a a fɔ wan wo ye, an dɔ, mɔɛ n mbe na‑a wan tee dankama nɛnɛ chɛ n kɔɔ, an dɔ, miin mbe bea‑a an 'na Yataa sɔn baiya koe n fɛ, miin na di an ye. An dɔ, an mɔɛ chɛ nu, an mbe mayɛma bun‑da wo ma, wo bɛ Yataa a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.