2 PITA 2:1 - Yataa 'a Dɔbɛnɛ Nama

¹ Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

2 PITA 2:1 ပူးပေါင်းရင်းမြစ်များ

MATIU 10:33

Chɛɛ ni mɔ ɔ mɔ‑a a fɔ fanka ɔ, mbɛ n fɛ mɔ ma a a, n bɛɛ n mbe a fɔ‑a wan Fa ye banda bu ɔ, gbɛmbo tee ma, mbɛ n bɛɛ n fɛ mɔ ma an mɔɛ chɛ a.”

MATIU 24:11

A tima chɛ a, mɔ sɛsɛ n mbe fania fɔ‑a wan, mbɛ Yataa 'a gbonka chɛ mɔɛ mu an na. An sin mbe mɔ sɛsɛ n sɔ‑a wan chia yama ma.

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 24:5

Koe min na mu, mɔ sɛsɛ n mbe na‑a wan n tɔɛ ɔ. An mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

MATIU 7:15

Chisɔsi ɔ, “Wo wo kun ma fɛn mɔɛ chɛ n boo ɔ, miin mbe fania fɔ, mbɛ Yataa 'a gbonka chɛ mɔɛ mu an na. An mbe na‑a wan wo tena, an ma chimaenɛ a, yɔ sa. Chɛɛ min mu ka, tea tea ɔ, an yau yɔ yaa.

MAKI 13:22

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

DUKU 12:9

Chɛɛ ni mɔ ɔ mɔ‑a a fɔ fanka ɔ, mbɛ n fɛ mɔ ma a a, n bɛɛ n mbe a fɔ‑a wan maeka n ya kɔɔ, mbɛ n fɛ mɔ ma a a.

DUKU 21:8

Mbɛ Chisɔsi ɔ, “Wo wo kun ma fɛn, an ma na wo woo. Koe min na mu, mɔ sɛsɛ mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. Mbɛ an‑na a fɔ to, an dɔ, tima gbu, an che‑a ka. Chɛɛ wo ma bea an fɛ.

DUKU 6:26

“Ni mɔɛ n gbɛɛ‑a wo tɔ a diama fɔ, koe miin mbe wo tan‑da, ɛ yaua‑a gba. Koe min na mu, an bemba n ta bemba n‑na tɔ a dia dɔndɔ gbe chɛ an chɛ suun chɛ n na, miin ni fania fɔ, mbɛ Yataa 'a gbonka chɛ mɔɛ mu an na.”

GBOO DOMI KO A 16:18

A mu min na, an mɔɛ chɛ nu miin mbe ko bonda chɛ n ma, an mbe ee ma ka mmɔ 'a mansa Chisɔsi 'a wai an chɛ‑a. An gbɔsɔen mu dechee an faa ma koe n fan ko a. An da ɔ di, an sin mbe mɔɛ n yii a faa faa wan bai sɛsɛ a, mɔɛ miin woo koe ma gbɛ, mbɛ an‑na an bun.

GBOO SAA KƆYINDI KO A 11:19

Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.

GBOO SAA KƆYINDI KO A 6:20

Yataa‑a wo sɔnkɔɛ bɔ wan. Chɛ ko a, wo wo gboo bia chia an na, min mbe na tando a a tena.

GBOO SAA KƆYINDI KO A 7:23

Yataa‑a wo sɔnkɔɛ an bɔ. Wo ma Yataa to, wo ni don mɔɛ n kɔɔ.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Kadesia Ko A 4:17

Mɔɛ dɔ nu, an mbe a ɔ yian tena wan wo a, mbɛ an toen mu wo a kaka, chɛɛ ko chɛndɛ ma wo ko a. An toen mu an ni mmɔ tɛ du, mbɛ wo ma‑a gbɛ chia dɔndɔɛ a, wo bɛ an na.

Gboo Kadesia Ko A 5:20

A mu to fenɛ n fai koe an na, fenɛ miin ma Yataa a, ni yawa gbasi, a basan chɛɛ ma nyɔncha a. A yɛ to, koɔ wa, toomaya, ni faa gbandiaya. A sin, an mbe to dechee an fandi an na, mbɛ an du‑a ben‑da gbambe ma.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

Gboo Kɔdɔsai Ko A 2:18

Wo ma dɔn mɔɛ chɛ n ni a fɔ wo ye, mbɛ wo ee Yataa chia ma. Mɔɛ chɛ nu, miin toen mu chii koe a wo ma, kooya be koe a maeka n ma, mbɛ wo‑a an fai. A yɛ to, an mbe a fɔ, an dɔ, an mbe koe n dɔ yen fan, miin dɔ nunden mu. An mbe ma‑a ka fania an dɔ, an mbe yonka tɛ‑a, mɔgbuya chia a, tea sin mbe ee a ɔ.

Gboo Kɔdɔsai Ko A 2:8

Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.

1 TIMOTI 5:8

Ni mɔ ɔ mɔ ma a ya a mun ni a 'a mɔɛ n ma, a bɛbɛɛ a ta chenɛ a mɔɛ nu, a‑a a kan kɔ an sɔ ka a 'a danaya an na Chisɔsi a. A mɔɛ chɛ yau, a ni ben mɔɛ ma min ma a kai fa ni Chisɔsi a tee dɔndɔ wɛ.

2 TIMOTI 4:3

Koe min na mu, tima ɛ che tena wan, mɔɛ n mbe ee an too ma sɔ‑a kan chɛ buɛ chɛndɛ ma. Chɛɛ an mbe bea‑a an fandi faa ma koe an fɛ, mbɛ an‑na kan chɛ mɔ sɛsɛ a sɔn sɔn an 'na tindanɛ, an too faa ma koe ɔ yian koe an na.

TAITƆSI 1:11

An da a ni tɔn, koe min na mu, an mbe chenɛ n dɔ chɛ chɛ tena wan, an mbe an ka‑a tea chia ma, an 'na kan yama chɛ chɛ a. Chɛ gbɛɛ sin kaen mu mau bandaya kɔpɔ yan chɛ an ma.

TAITƆSI 3:10

Mɔɛ chɛ tana, min mbe mɔɛ n na fasan tena, a‑a si gba fea gbe. Ni a ma sɛmbɛ ni, i boo bɔ a ma koe ɔ.

GBOO IBU MƆƐ N KO A 10:29

Ni tea mu chɛ a, fen koe ɛ na‑a ma‑a gbɛ mɔɛ chɛ a, min mbe ee a gbɔsɔ‑a Yataa 'a denɛ ko a? Yataa 'a dɔbɛn nama chɛ, Chisɔsi wii min bɔn‑da mmɔ 'a ko yama n ko a, mɔɛ min mbe ee a ya‑a fen kɔ fen na. Fen mbe ma‑a an mɔɛ chɛ a? Yataa Nyina, min mbe koadia demanɛ chɛ, mɔɛ min mbe a main. Fen mbe ma‑a an mɔɛ a? Wo wo yii na chii wɛ, ko yawaen chɛ a, Yataa ɛ min si‑a an mɔɛ chɛ a.

1 PITA 1:8

Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

1 CHƆN 2:26

N mbe bai chɛ n gbɛɛ nyɛn tena wo tena, a sien mu mɔɛ chɛ n fan ma, miin toen mu an ni wo bun.

1 CHƆN 4:1

N dia nyɔɛ nu, wo ma dan mɔɛ n gbɛɛ a, miin mbe a fɔ‑a, mbɛ Yataa Nyina ɛ wan an fɛ. Wo an mɔɛ chɛ n fɔ bai ma mɛn pɛn, min mbe a ma, wo ni a ɔ sɔn, ni Yataa Nyina an mbe an fɛ tea ko a. Wo chɛ ma, koe min na mu, fania fɔ mɔɛ n sɛsɛ fasanden mu a ɔ, an mbe an fandi ya‑a Yataa 'a gbonka chɛ mɔɛ n na.

CHUDA 1:18

An na‑a a fɔ wan wo ye, an dɔ, mɔɛ n mbe na‑a wan tee dankama nɛnɛ chɛ n kɔɔ, an dɔ, miin mbe bea‑a an 'na Yataa sɔn baiya koe n fɛ, miin na di an ye. An dɔ, an mɔɛ chɛ nu, an mbe mayɛma bun‑da wo ma, wo bɛ Yataa a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.

KO Ɔ NUNDENƐ 3:8

A ɔ, “N‑na a ɔ sɔn fan, wo e tachɛ tena buɛ min dɔ. N‑na a ɔ sɔn fan, mbɛ wo 'a gbasaya dɔɔ wɛɛ boo ɔ boo, chɛɛ wo bea‑a wan n da a kuiɛ fɛ, wo ma ka ni n fɛ. A yen ko, chenɛ da a kaenɛ mu gbɛ wo ya ɔ, mɔ ɔ mɔ sin mbe ee nɔ, min mbe a a tɔn.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.

KO Ɔ NUNDENƐ 6:10

Mbɛ an‑na yee tɛ dɔndɔ a, an dɔ, “Yataa wa, nn 'na mansa, i kan nyɔ ee, i teaen mu. Mɔɛ n yen ko, miin‑na nn fa dunya ma. I ma tima ɔ yansama ya to, na koe a, i ni kaa a tɛ an ma, mbɛ i‑a tɔɔya si an bɛɛ a.”