2 PITA 1:8 - Yataa 'a Dɔbɛnɛ Nama

⁸ Ni sɔn chɛ n ma‑a wo ɔ chɛndɛ chɛ, a ɔ benden ba a, wo e mmɔ 'a mansa Chisɔsi Chasi sɔn‑da wan chɛndɛ chɛ. Chɛ sin mbe na‑a ma‑a ko chɛndɛ an na wo 'a fɔɛ ɔ.

2 PITA 1:8 ပူးပေါင်းရင်းမြစ်များ

MATIU 13:22

Mɔɛ dɔ n sin mbe wan nɔ yɔ wai duu gboo chɛ, chin fen kuu chɛ n bea‑a ka min ma. An mbe sakana bai chɛndɛ chɛ a min fan, chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, ɛ a ma wan fanka ee ma to Yataa 'a sakana bai chɛ a an tena.

MATIU 20:3

Tee kain 'na kɔɔɛ a, mbɛ a ta‑a machiti ɔ. A‑a mɔɛ dɔ n tan fan nɔ sɔ ɔ gbama gbama a, an mbe ee wai ɔ wai‑a.

MATIU 20:6

A danka a gbɛ, tee bea ma, a ta‑a wan to machiti chɛ ɔ. Mbɛ a‑a mɔɛ n yen to nɔ sɔ ɔ gbama a, an mbe ee wai kan kɔ kan na. Mbɛ a ɔ, ‘Wo ten‑da ka nɛ sɔ ɔ machiti chɛ ɔ gbɛn, gbama gbama a. Wo e chɛ ma tena fen ko a?’

MATIU 25:26

Mbɛ kun ti chɛ ɔ, ‘Mɔ yama mu i a. A sin, i gboo ɔ faen mu. I na‑a a ɔ sɔn fan, mbɛ n faa a kɔɔen mu, mbɛ n mbe mɔɛ n kuu kɔ gba an ma n ta a, a yɛ to, n mbe ee chin fenɛ min chin, n mbe an ya.

CHƆN 15:2

N bonɛ kan kɔ kan, min mbe ee gbɔ chɛndɛ be, ɛ a ka wan a ma. N bonɛ min sin mbe ee gbɔ a tenden be, ɛ a tɛ‑a wan a a, min mbe a ma, a ni nyan chɛndɛ, mbɛ a gbɔ‑a wɔsɔkɔɔ.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 5:42

Chɛɛ a ka chɛ ma, n‑na a ɔ sɔn fan, mɔɛ min nyɔn sima mu wo a. A sin gbu, n‑na a ɔ sɔn fan, mbɛ koadia kan kɔ kan, a ee wo faa n dɔ Yataa ko a.

GBOO DOMI KO A 12:11

Wo ma ma gboo ɔ fa tɔɛ n na, wo wai chɛ wo sɔɛ gbɛɛ a. Wo wo wandi be Mansa Yataa ma, wo ni a 'a wai chɛ wo faa gbɛɛ a.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 13:5

Wo wo wandi ma mɛn, wo ni a ɔ yen, ni wo boo a chiien fan mu, wo kai fa koe a Chasi a. Wo ni a ya, mbɛ wo ma‑a gbɛ mɔ dɔndɔɛ a, wo bɛ Chisɔsi Chasi a. Fɔ dechee, ni chia ɔ chia ee wo ye, wo wandi ma mɛn koe chɛ a.

GBOO FEAN BƆƐ KƆYINDI KO A 8:2

An‑na ko gbɛama sɛsɛ ɔ bia wan, an sin ni wan to yɔnɛ wɛɛ ɔ, min ni koo. Chɛɛ chɛ gbɛɛ ɔ, buɔdia min ni an dɔ, a ni koo kaka an ma. Mɔ ni chɛ gbu sin yen fan an boo fen ba n dɔ, an ni miin be an faa gbɛɛ a.

GBOO FEAN BƆƐ KƆYINDI KO A 8:7

Wo nyanden mu gbɛ kaka, fenɛ gbɛɛ ɔ, miin mbe wo boo ɔ. Wo nyanden mu wo 'a kaifa ɔ, Chisɔsi a, wo nyandenɛ ɛ bai n dɔ, wo e miin sa. A yɛ to, yiimatɛ wɛɛ ɔ, teaya gbɛɛ ɔ, a basan koadia a, min mbe wo ɔ, n ko a. Chɛ ko a, wo e ka koadia wai min chɛ‑a, nn toen mu, wo nyandenɛ ni ma ko chɛndɛ ma wɛɛ ɔ.

GBOO FEAN BƆƐ KƆYINDI KO A 9:14

Chɛ sin ko a, an toen mu wo a kaka, an mbe samunɛ chɛ tena wo ko a. Koe min na mu, Yataa 'a koadia demanɛ koo, min been mu wo ma.

Gboo Fiipai Ko A 1:9

A sin, chɛ an mu samunɛ a, n mbe min chɛ tena, mbɛ koadia min mbe wo faa ɔ, a ma ni munda tima ɔ tima ko a. A yɛ to, yiima ni ma wo ɔ, wo ni koe n tɛ bɔɛ sɔn,

Gboo Fiipai Ko A 2:5

Ni wo ma‑a ko ɔ ko ma‑a, wo sɔnɛ ma ka Chisɔsi Chasi ta fɛ.

Gboo Fiipai Ko A 3:8

Tea ko a, n‑na n kan kɔ sɔ an gbɛɛ a. Koe min na mu, n‑na Chisɔsi Chasi sɔnɛ min chɛ ka mansa a, a benden mu ko ɔ ko ma. A wan ko a mu, n mbe fo tena fen kɔ fen na, n sin mbe an ya tena bubuu an na. N‑na chɛ ma, min mbe a ma, n ni a wan Chasi ma sɔn,

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

Gboo Saa Tɛsadonika Ko A 3:12

Koadia min mbe wo faa ɔ, wo nyɔn ko a, a basan mɔɛ tɔɛ gbɛɛ a, Mansa Chisɔsi ni a ma munda ta‑a. A ni koa yɔ nn ta koadia wo ko a.

Gboo Saa Tɛsadonika Ko A 4:1

A danka a gbɛ, nn suun ma nyɔɛ nu Chasi ɔ, wo‑a a kan fan nn ma, wo e ma fɔɛ min sima ɔ, min mbe Yataa faa chima. Wo sin, tea ko a, wo e tachɛ tena ka wan fɔɛ ɔ. Sanche gbɛ sin, a dinden fan mu wo ma, mbɛ wo ma yɛ to kuu kɔ. Mmɔ ma‑a mɔ dɔndɔɛ a, mmɔ bɛ Mansa Chisɔsi a. An fɛ mu, nn mbe wo faa ma nande tena, wo ni a a tun tachɛ koe a chɛndɛ chɛ.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

1 TIMOTI 5:13

A ka chɛ ma, an mbe a kuu sɔ wan nyapen nyapencha ma yan‑da, benbenɛ a chenɛ n kun ma. Min yau chɛ ma, an mbe tɔ tɛ chɛ wan a basan ko ɔ fɔɛ ma yanɛ a, bai n fɔɛ a min ma an fɔ bai a.

TAITƆSI 3:14

A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

FIDEMƆN 1:6

Kuiɛ dɔndɔya chɛ wo e min dɔ, wo bɛ chɛ n na, miin kai faen mu Yataa a, n mbe samunɛ chɛ tena a ni ta ya ɔ ma. Koe min na mu, Yataa‑a fen chɛndɛ min gbɛɛ be mmɔ ma Chasi ɔ, i‑a a ɔ sɔn fan.

GBOO IBU MƆƐ N KO A 6:12

Chɛ ɛ a ma‑a wan, wo ee ma‑a gboo ɔ fa tɔɛ n na. Chɛɛ wo e bea wan mɔɛ chɛ n fɛ, miin‑na an kai fa Yataa a, an‑na an faa bia, mbɛ Yataa na‑a an too ɔ dia min gbɛɛ a, an‑na an ma sɔn.

2 PITA 1:2

Yataa ni wo dua, a ni faachima ma munda wo ɔ. Koe min na mu, wo‑a a sɔn fan. A yɛ to, wo‑a mmɔ 'a mansa Chisɔsi wɛɛ sɔn fan.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 2:20

Mɔɛ n‑na a ɔ sɔn, mbɛ mmɔ baun mɔɛ, mmɔ 'a mansa Chisɔsi Chasi an mbe mmɔ baun. Chɛ‑a a ma, an kun bɔ‑a an 'na ko yama n dɔ, dunya chɛ ɔ. Chɛɛ an ma yɛ to an 'na ko yama kun ma, a ni kun an ma dɔgbɔ. Ni chɛ ma‑a, ɛ yaua‑a wan an mɔ bonda chɛ n ko a tee dankama tee ma, a ni ben a kuu sɔ tena ma.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.