2 PITA 1:6 - Yataa 'a Dɔbɛnɛ Nama

⁶ A yɛ to, wo wo 'a Yataa yiima ma munda wo tachɛ buɛ n na fɔɛ ɔ. Mbɛ wo‑a faabia sa wo tachɛ buɛ kun ma fɔɛ ɔ. Mbɛ wo yɛ‑a to, wo ma‑a mɔɛ n na, Yataa wakoe ɛ miin faa ɔ kaka.

2 PITA 1:6 ပူးပေါင်းရင်းမြစ်များ

DUKU 21:19

Ni wo sɔ‑a gban, wo e kun‑da wan wo ni kuɔ fɔ fɔɛ ma sɔn wo wandi ko a.”

DUKU 8:15

Mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. Ni an‑na sakana bai chɛndɛ chɛ a min, an mbe a sa wan an yii ma chɛndɛ chɛ, mbɛ an‑na a ma, yɔ sakana bai chɛ‑a min fɔ an ye a ma koe a. A sin to, yakɔɔtawa kan kɔ kan ni an tan bɛɛ, an mbe ee sɛmbɛ dan koe a Yataa a.”

CHISƆSI 'A SƆ MƆƐ NU 24:25

Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”

GBOO DOMI KO A 15:4

Koe min na mu, bai miin gbɛɛ mbe Yataa 'a gboo ɔ, an nyɛnden mu mmɔ wan ko a, mmɔ kan koe a. Koe min na mu, gboo chɛ ɛ mmɔ faa ma nande wan, mbɛ mmɔ‑a mmɔ faa bia gban Yataa 'a wai ɔ, yiinatɛ ni ma mmɔ ɔ.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 8:25

Chɛɛ ni mmɔ yii ma‑a fenɛ kɔ, mmɔ ma min yen nin bɛ, mmɔ ɛ mmɔ faa bia wan a ma kɔnɛ a.

GBOO SAA KƆYINDI KO A 9:25

A sin, bui chɛ mɔɛ kan kɔ kan, ɛ tachɛ wan a wandi a chɛndɛ chɛ koe gbɛɛ ɔ. An mbe chɛ ma, min mbe a ma, an ni mansa banfua ma sɔn, min gbu ee mɛ. Chɛɛ mmɔ tana, mmɔ ɛ bui chɛ tena boo ɔ gbasi woo an ko a, min mbe ma‑a kuɔ fɔ ko a.

GBOO FEAN BƆƐ KƆYINDI KO A 6:4

Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.

Gboo Kadesia Ko A 5:23

A yɛ to, mɔɛ ni a ma chima, a sin, mɔɛ e kun fan i faa ma. Chɛ nɛnɛ nu, sawa kan kɔ kan mbe ee sɔ an na.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

GBOO FEAN BƆƐ TƐSADONIKA KO A 1:4

Chɛ an fɛ mu, nn bɛɛ, nn mbe koɔ chɔchi tɔɛ chɛ n dɔ, nn kunɛ kɔɔ sɔenɛ a, a si wo ma. A si wo e koe n dɔ bia tena buɛ min dɔ. An mbe a ma tena wɛɛ wo e tɔɔ tena, wo kai faenɛ mu tun Chisɔsi a.

GBOO FEAN BƆƐ TƐSADONIKA KO A 3:5

Nn mbe samunɛ chɛ tena Mansa Chisɔsi tena, wo ni a ɔ sɔn chɛndɛ chɛ, Yataa toen mu wo a buɛ min dɔ. Wo ni a ɔ sɔn to, Chisɔsi na‑a ko yawaenɛ min nyɔn dɔ bia, a sin mbe a ma tena wo wɛɛ, wo e a ɔ bia.

1 TIMOTI 2:10

Chɛɛ an ni an fandi a bonchen an chɛ chɛ wai chɛndɛ ɔ, min ma biaen mu Yataa sɔn mɔɛ ko a.

1 TIMOTI 2:2

Samunɛ ni chɛ mansa n ko a, a basan mɔɛ tɔɛ chɛ n na, miin mbe sɔ tena nu. Chɛ ni ma, min mbe a ma, sɔnkɔ sɔnkɔɛ ni bɔ mmɔ 'a fɔɛ ɔ, mbɛ faachima ma‑a mmɔ ma, mmɔ ɛ ta‑a ma‑a Yataa fɔɛ ɔ, basɔmaya wɛɛ ɛ mmɔ ɔ chia ɔ chia a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

1 TIMOTI 6:3

Ni mɔ ɔ mɔ 'a kanɛ ka‑a chia chɛ ma, a ma bea ni mmɔ 'a mansa Chisɔsi Chasi 'a kan chɛ fɛ, a basan kan chɛ a a si ma koe ma Yataa fɔɛ ɔ,

1 TIMOTI 6:6

Tea gbu sin na, mɔɛ ɛ faachima min ma sɔn, ni mɔ ma‑a Yataa chia ma, an mu mmɔ 'a tɔnɔnɛ a.

2 TIMOTI 3:5

An 'na Yataa koe ɛ an da ɔ wan, chɛɛ a ee an faa ɔ. Ka a mɔ bonda chɛ n bai ma.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

TAITƆSI 1:8

Chɛɛ mɔɛ min ya kɔɔɛ di sonda n tena, ko chɛndɛ ko a di min ye. Mɔɛ min mbe yiinatɛ bɔ a tachɛ buɛ a, a tanden mu, baa ɛ a boo ɔ Yataa ko a, a sin kosan a wandi bia‑a.

TAITƆSI 2:2

A fɔ mɔ kaima ma taenɛ n ye, an ma gbɛ wa min, an ni ma basɔmaya tɔɛ n na, yiimatɛ tɔɛ nu, danaya ɛ miin dɔ Chisɔsi ko a chɛndɛ chɛ, a basan koadia a, ni faabia.

GBOO IBU MƆƐ N KO A 10:36

Mɔɛ ɛ i faa bia wan, min mbe a ma, i ni che Yataa faa ma koe ma‑a. An mbe a ma, i ni fen chɛ ma sɔn, a na‑a tooɔdia chɛ min be koe a.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

GBOO IBU MƆƐ N KO A 6:12

Chɛ ɛ a ma‑a wan, wo ee ma‑a gboo ɔ fa tɔɛ n na. Chɛɛ wo e bea wan mɔɛ chɛ n fɛ, miin‑na an kai fa Yataa a, an‑na an faa bia, mbɛ Yataa na‑a an too ɔ dia min gbɛɛ a, an‑na an ma sɔn.

GBOO IBU MƆƐ N KO A 6:15

Chɛ sin ko a, Ebeami na‑a a faa bia wan ko sɛsɛ a, mbɛ a too ɔ dia‑a min na, a‑a a ma sɔn.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 3:11

Fen kɔ fen sin gbu, ɛ na tena kasaa‑a ka buɛ min dɔ, a nyin wo ni a ɔ sɔn, ni wo e ma‑a mɔɛ miin nyɔn sima n na. Wo ma tenchen Yataa ko a, wo ni wo fɔɛ gbɛɛ be a ma.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 13:10

Mɔ ɔ mɔ, Yataa‑a min ma bia mɔɛ a, a mɔɛ chɛ ɛ ma‑a bia an dɔ. Mɔ ɔ mɔ, Yataa‑a min ma fa mɔɛ a, chɛɛ chɛ mɛ a, chɛɛ chɛ mɛ an mbe a mɔɛ chɛ fa‑a pɔɛ. Chɛ gbɛɛ‑a a yian fan ka, mbɛ Yataa 'a mɔɛ n danayaen fan mu, an sin mbe an faa bia wan to.

KO Ɔ NUNDENƐ 14:12

Chɛ gbɛɛ‑a a yian fan ka, mbɛ faabia an nyin Yataa 'a mɔɛ n ko a. Mɔɛ chɛ nu, miin mbe Yataa 'a sawa bia chɛndɛ, an kai faenɛ ɛ Chisɔsi a gban.

KO Ɔ NUNDENƐ 2:2

A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.