2 PITA 1:4 - Yataa 'a Dɔbɛnɛ Nama

⁴ Chɛ an‑na a fɔ, a na‑a mmɔ too ɔ dia wai nyima ma kawaen ba min na, a na‑a a be wan mmɔ ma. An wai nyima chɛ ni a ma, wo kunɛ ni bɔ koe n boo ɔ, wo faa a miin ya kaka, miin mbe na kasaa a dunya chɛ ɔ. Mbɛ mmɔ sɔnɛ ta‑a Yataa ta fɛ.

2 PITA 1:4 ပူးပေါင်းရင်းမြစ်များ

GBOO DOMI KO A 9:4

An mu Isɔɛɛ mɔɛ n fan na, Yataa‑a a boo sɔ miin ma, a ɔ, a ta mɔɛ mu an na. A na‑a an ma wan a 'a denɛ n na, mbɛ a‑a a ɔ yian an na, a kamayaen mu buɛ min dɔ. A na‑a a 'a dɔbɛnɛ n chɛ wan an na, mbɛ a‑a a 'a sawa wɛɛ be Mosisi ma an ko a. Yataa na‑a a ɔ yian fan to an na, an mbe a fai buɛ min dɔ teaya ɔ. Yataa na‑a tooɔdia sɛsɛ chɛ wan an na.

GBOO FEAN BƆƐ KƆYINDI KO A 1:20

Koe min na mu, Yataa ɛ tooɔdia min gbɛɛ chɛ, Chisɔsi an mbe a gbɛɛ a tachɛ. Chɛ an fɛ mu, mmɔ ɛ a fɔ, mmɔ ɔ, “A ni ma ka,” Chisɔsi tɔɛ ɔ, basɔmaya be koe a Yataa ma.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 6:17

Chɛ an fɛ mu, Mansa Yataa‑a a fɔ, a ɔ, “Wo bɔ mɔɛ chɛ n tɛ ɔ, wo wo wandi ka an kaa a. Wo sin ma wo boo chɛ ko kan kɔ kan dɔ, min ma nyamuien mu n tena. N sin, n mbe n boo si‑a wan wo kɔɔ.”

Gboo Kadesia Ko A 3:16

Yataa‑a tooɔdia sɛsɛ chɛ wan Ebeami a, ni a cheeya. Yataa 'a gboo ma a fɔ ni, “cheeya nu,” min mbe a ɔ yian, mbɛ an kɔ koo wan. Chɛɛ a yii ni dɔndɔɛ an na, a ɔ, “mbɛ ni i cheeya,” min mu Chasi a.

Gboo Kadesia Ko A 6:8

A sin, ni mɔɛ ma‑a dechee a faa ma koe yama ma‑a mɔgbuya ɔ, a gbɔɛ ɛ ma‑a kuɔ fɔ saya an na, a danka a. Chɛɛ mɔɛ min mbe ma‑a Yataa Nyina gbee a, a gbɔɛ ɛ ma‑a kuɔ fɔ fɔɛ an na.

Gboo Ɛfisɔsi Ko A 4:13

Chɛ an mbe ma‑a, aan mmɔ gbɛɛ ni Yataa 'a denɛ wakoe ɔ gbɛ, mbɛ mmɔ‑a mmɔ kai fa a a, mmɔ ma‑a mɔ dɔndɔɛ a. Mbɛ mmɔ 'a mɔgbuya da fa‑a, a ni che Chasi wandi gbu ta ɔ, a da faenɛ ɛ gban.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

GBOO IBU MƆƐ N KO A 12:10

Mmɔ fa nu dunya chɛ ɔ, an mbe mmɔ tɔɔ tima kunduenɛ an ko a, yɔ an ta yiima ɛ a fɔ buɛ min dɔ an ye. Chɛɛ Yataa tana, ɛ a ma basan koe an na mmɔ ma, min mbe a ma, mmɔ wɛɛ sɔnɛ ni ma, yɔ a ta ɛ buɛ min dɔ.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

2 PITA 3:13

Chɛɛ Yataa na‑a mmɔ too ɔ dia min chɛ, mmɔ ɛ an ma kɔn tena. A‑a tooɔdia chɛ wan dunya nama be koe ma. A sin, an dunya nama chɛ ɔ, mɔɛ n tandenɛ ɛ ma‑a wan nɔ Yataa tena.

2 PITA 3:9

Ɛ mɔɛ dɔ n yii ma, mbɛ Mansa Yataa a nɛnchɛnden fan mu, a da a kuiɛ bɔ koe a a. Chɛɛ ɛ a faa bia wan dechee wo a, tima be koe a wo ma, wo ni wo kan kɔ sɔ wo 'a ko yama n na. Koe min na mu, a ma to ni wo dɔndɔ wɛɛ ni kasaa ma sɔn.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.