2 PITA 1:3 - Yataa 'a Dɔbɛnɛ Nama

³ Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 1:3 ပူးပေါင်းရင်းမြစ်များ

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

GBOO DOMI KO A 8:32

Yataa ma a boo a ben ni a wandi gbu 'a denɛ wɛɛ kɔ, a kunɛ bɔ koe a tɔɔya ɔ. Chɛɛ a‑a Chisɔsi be wan yasi a mɔ gbu gbɛɛ ko a. Ni ɛ chɛ ma wan mmɔ ko a, ɛ kun fan a ni fen kɔ fen be mmɔ ma gbama gbama a, a faa gbɛɛ a.

GBOO DOMI KO A 9:24

Koe min na mu, a na‑a mɔɛ miin chee, an mu mmɔ wan na. A nii ma mmɔ wan Chu mɔɛ n dechee an chee ni, chɛɛ mmɔ dɔ n bɛɛ, mmɔ wɛn ma Chu mɔ a, a na‑a mmɔ wɛɛ chee wan.

GBOO SAA KƆYINDI KO A 1:9

Yataa ee a da a kuiɛ yɔn. A wan‑na wo chee, ma koe a dia nyɔncha wa chɛ ɔ, wo bɛ a 'a denɛ a, Chisɔsi Chasi, mmɔ 'a mansa.

GBOO FEAN BƆƐ KƆYINDI KO A 12:9

Chɛɛ a‑a a fɔ wan n ye, a ɔ, “N 'na koadia demanɛ, a‑a a kun i ko a. Koe min na mu, tima min na ee kun ko ma, n 'na gbasaya danka ee a tima chɛ a.” Chɛ an fɛ mu, n bu ɔ di yonka tɛ koe a kaka, a si gbasaya ma min mbe ee n boo ɔ, min mbe a ma, Chisɔsi 'a gbasaya ni ma n kun ma.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 4:4

Mmɔ gbɛɛ, mmɔ dɔndɔɛ mu mmɔ a, yɔ Chasi gboo ɛ buɛ min dɔ. Koe min na mu, Yataa Nyina, min mbe mmɔ fɛ, ɛ dɔndɔ gbe. Ɛ ka wan dechee, yɔ yiinatɛ chɛ wɛɛ, Yataa‑a mmɔ chee min ko a, a sin mbe mmɔ ɔ.

Gboo Fiipai Ko A 3:8

Tea ko a, n‑na n kan kɔ sɔ an gbɛɛ a. Koe min na mu, n‑na Chisɔsi Chasi sɔnɛ min chɛ ka mansa a, a benden mu ko ɔ ko ma. A wan ko a mu, n mbe fo tena fen kɔ fen na, n sin mbe an ya tena bubuu an na. N‑na chɛ ma, min mbe a ma, n ni a wan Chasi ma sɔn,

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Kɔdɔsai Ko A 1:16

Yataa‑a a gbu ma, fenɛ tɔɛ gbɛɛ n na dan‑da, banda bu ɔ ni dunya chɛ ɔ, Chasi chɛ an boo ɔ. Mmɔ ɛ fenɛ miin yen, ni mmɔ ee miin yen. A yɛ to, nyina yama n ya ɔ sɔɛ wɛɛ, ni maeka n ya ɔ sɔɛ. Fen kɔ fen, an na dan‑da Chisɔsi boo ɔ wan, a sin fan ko a mu.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

Gboo Saa Tɛsadonika Ko A 4:7

Yataa ma mmɔ chee ni a ta mɔɛ n na, ma koe a fɔɛ yama an dɔ. Chɛɛ ma koe a mu tenchen a ko a.

GBOO FEAN BƆƐ TƐSADONIKA KO A 2:14

Nn ni sakana bai chɛndɛ min sa ka wo tena, Yataa na‑a wo chee an dɔ, bauncha chɛ ma sɔn koe a. A na‑a wo chee, min mbe a ma, a ni basɔmaya be wo ma, yɔ a na‑a min nyɔn sima be mmɔ 'a mansa Chisɔsi Chasi ma.

1 TIMOTI 4:8

Ni wai mɛsɛ chɛ ɛ gboo ɔ gbɛa be wan mɔ ma, mbɛ Yataa 'a wai sin nyin fan chia ɔ chia a. A mu min na, mmɔ‑a a 'a tɔnɔnɛ ma sɔn fan bi tee chɛ a, a basan ya ɔ ma a.

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

1 PITA 1:15

Chɛɛ wo e koe miin ma, an ni ma ko chɛndɛ n dechee an na. Wo ni ma yɔ Yataa, min na‑a wo chee, a ee ko yama kan kɔ kan ma.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

1 PITA 2:21

An ko bonda chɛ mu, Yataa na‑a wo chee, a ɔ, wo ni a ma. Koe min na mu, Chasi wandi gbu‑a ko yawaenɛ ɔ bia wan wo ko a, min mu tɔmɔsi a wo tena. Chɛ ni a ma, wo wɛɛ ni puin a chen gba ɔ.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 3:9

Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

2 PITA 1:10

Chɛ an‑na a fɔ, n suun ma nyɔɛ nu Chasi ɔ, wo butuinɛ chɛ wo sɔɛ gbɛ a. Wo ni a ɔ yian, mbɛ Yataa‑a wo chee min chɛ, a‑a a boo min sɔ wo ma, ma koe a a ta mɔɛ n na, kuɔ fɔ koe mu. Chɛ sin mbe a ma‑a wan, wo ee sɛmbɛ‑a wo kai fa koe a Yataa a.

2 PITA 1:2

Yataa ni wo dua, a ni faachima ma munda wo ɔ. Koe min na mu, wo‑a a sɔn fan. A yɛ to, wo‑a mmɔ 'a mansa Chisɔsi wɛɛ sɔn fan.

2 PITA 1:5

Chɛ ko a, a nyin wo ni chɛ an ma, chia ɔ chia a. Danaya min mbe wo ɔ, wo a ma munda wo sɔn chɛndɛ a. Mbɛ wo‑a wo sɔn chɛndɛ ma munda yiima a, a si Yataa ma.

2 PITA 1:6

A yɛ to, wo wo 'a Yataa yiima ma munda wo tachɛ buɛ n na fɔɛ ɔ. Mbɛ wo‑a faabia sa wo tachɛ buɛ kun ma fɔɛ ɔ. Mbɛ wo yɛ‑a to, wo ma‑a mɔɛ n na, Yataa wakoe ɛ miin faa ɔ kaka.

2 PITA 1:8

Ni sɔn chɛ n ma‑a wo ɔ chɛndɛ chɛ, a ɔ benden ba a, wo e mmɔ 'a mansa Chisɔsi Chasi sɔn‑da wan chɛndɛ chɛ. Chɛ sin mbe na‑a ma‑a ko chɛndɛ an na wo 'a fɔɛ ɔ.

2 PITA 2:20

Mɔɛ n‑na a ɔ sɔn, mbɛ mmɔ baun mɔɛ, mmɔ 'a mansa Chisɔsi Chasi an mbe mmɔ baun. Chɛ‑a a ma, an kun bɔ‑a an 'na ko yama n dɔ, dunya chɛ ɔ. Chɛɛ an ma yɛ to an 'na ko yama kun ma, a ni kun an ma dɔgbɔ. Ni chɛ ma‑a, ɛ yaua‑a wan an mɔ bonda chɛ n ko a tee dankama tee ma, a ni ben a kuu sɔ tena ma.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.