2 PITA 1:21 - Yataa 'a Dɔbɛnɛ Nama

²¹ Koe min na mu, Yataa 'a gbonka chɛ mɔɛ n fandi an ma si ni an ni yiinachii chɛ, mbɛ an‑na bai chɛ n tɛ an gboo ma. Chɛɛ Yataa Nyina an na‑a bai chɛ n fɔ an ye, Yataa toen ni an ni min fɔ.

2 PITA 1:21 ပူးပေါင်းရင်းမြစ်များ

MAKI 12:36

Mansa Defidi wandi gbu wɛɛ, Yataa Nyina na‑a bai don kɛn a da ɔ, a na‑a a fɔ wan, a ɔ, ‘Mansa Yataa‑a a fɔ n 'na Mansa ye, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ.” ’

DUKU 1:70

yɔ Yataa‑a a ma suun buɛ min dɔ, a 'a gbonka chɛ mɔɛ n na‑a a gbonka.

CHISƆSI 'A SƆ MƆƐ NU 1:16

Mbɛ a‑a a fɔ, a ɔ, “N suun ma nyɔɛ nu Chasi ɔ, Yataa 'a gboo‑a min fɔ, a ni che wan a ni bɔ a a. Suun, Yataa Nyina‑a a ma wan, Mansa Defidi‑a koe chɛ kɔɔ fɔ, a si Chudasi ma, min ni na tena ma‑a. Chudasi chɛ ni mmɔ bɔɛ an na. Koe min na mu, Chisɔsi na‑a a boo sɔ wan a ma, wai chɛ chɛ koe a, mmɔ ɛ ka min na. A wan sɔ‑a mɔɛ n ya ɔ, miin ta‑a Chisɔsi bia.

CHISƆSI 'A SƆ MƆƐ NU 28:25

An mbe e na to bɔ‑a an bɛn chɛ ɔ, Pɔɔ danka‑a bai chɛ an ma an tena, a ɔ, “Yataa Nyina‑a tea an fɔ. A‑a chɛ fɔ wo bemba n ta bemba n fan ye, a‑a bai don kɛn Yataa 'a gbonka chɛ mɔɛ Aisaya da ɔ. Aisaya‑a a fɔ wan Yataa 'a gboo ɔ, a ɔ, ‘Ta Chu mɔɛ chɛ n tena, i ni a fɔ, i ɔ te, “Wo too gbu, ɛ koe a min‑da wan, chɛɛ wo ee ko ɔ ko ɔ gbɛ a, a sin, wo ya gbu, ɛ kaina yen‑da wan, chɛɛ wo ee ko ɔ ko ɔ gbɛ a. Koe min na mu, wo yiima a faen mu, wo too n sin sɔsɔenɛ mu, koe a min koe a, wo ya sin, wo‑a an na chii. Ni chɛ ma, wo ya n ni kaina ɔ yen‑da wan, wo too n ni koe a min, wo yiima ni koe ɔ gbɛ, a sin, wo e wo ya a mun‑da wan n ma, n sin, n fan Yataa, n mbe wo baun‑da wan.” ’ ” Mbɛ Pɔɔ ɔ te gbɛ, a ɔ, “A nyin wo ni a ɔ sɔn gbɛ, mbɛ Yataa 'a bauncha chɛ, a‑a a a che gbɛ mɔɛ chɛ n bɛɛ ma, miin ma Chu mɔ a. An sin mbe an too ma sɔ‑a wan.” Mbɛ an bɔ‑a kɛn an bɛn chɛ ɔ, an gbɛɛ ni wan an nyɔn kɔɔsa bia‑a, mbɛ an ta‑a an baa nu.

CHISƆSI 'A SƆ MƆƐ NU 3:18

Chɛɛ Yataa wandi na‑a min fɔ suun, an bɔ‑a ka a a. A na‑a a don fan a 'a gbonka chɛ mɔɛ n gbɛɛ da ɔ, mbɛ a 'a kunka mansa ɛ mɔnɛ ɔ bia‑a wan.

GBOO IBU MƆƐ N KO A 10:15

A sin, Yataa Nyina wɛɛ, a koɔ‑a wan mmɔ tena, a si koe chɛ ma. A na‑a a fɔ ka wan Yataa 'a gboo ɔ, a ɔ,

GBOO IBU MƆƐ N KO A 3:7

Chɛ an fɛ mu, Yataa Nyina ɛ a fɔ wan Yataa 'a gboo ɔ, a ɔ, “Ni wo‑a Yataa da a kuiɛ a min bi,

GBOO IBU MƆƐ N KO A 9:8

Chɛ ko a, Yataa Nyina na‑a a ɔ yian fan ka, mbɛ chia chɛ, mɔɛ n don koe a Yataa ɛ kaina, a da a nii ma ka ni. A sin mbe ma‑a ka wan, tima min na wɛ tɛndi chɛ ɛ sɔ ɔ.

1 PITA 1:11

Chasi Nyina min ni an fɛ, a ni wan chia yian‑da an na a tima chɛ a. An sin na‑a an sɔɛ don fan, a ɔ gbɛ koe a, Chasi ɛ na‑a tima min kɔɔ, a basan a na buɛ gbu a. An na‑a a kɔɔ fɔ wan to, a ni tɔɔya min nyɔn dɔ bia‑a. An‑na a fɔ wan to, mbɛ basɔmaya wa an mbe an tɔɔya chɛ gbaa.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.