2 PITA 1:20 - Yataa 'a Dɔbɛnɛ Nama

²⁰ Koe saa an nɛ, a nyin wo ni min dɔ gbɛ. Wo ni a ɔ gbɛ, mbɛ Yataa 'a gbonka chɛ mɔɛ n dɔndɔ wɛɛ nii ma chɛ ma ni. An dɔndɔ wɛɛ, an na‑a Yataa 'a gboo nyɛn tima min na, an nii ma an fandi ta yiimatɛ an nyɛn ni dechee.

2 PITA 1:20 ပူးပေါင်းရင်းမြစ်များ

GBOO DOMI KO A 12:6

Chɛ an‑na a fɔ, Yataa‑a koadia demanɛ chɛ mmɔ a. A‑a mmɔ gbɛɛ kɔ wan mmɔ ta chia n na. Mmɔ wɛn, Yataa‑a mmɔ kɔ a 'a bai sa koe a mɔɛ n tena, mmɔ a sa danaya ɔ min nyɔn sima ɛ mmɔ ɔ.

GBOO DOMI KO A 13:11

N‑na koe miin fɔ ka wo ye, an ma koe a, wo an ma. Koe min na mu, wo‑a tima sɔn fan sanche, mmɔ ɛ tima min kɔɔ. Tima an nɛ gbɛ, wo ni kunɛ chinɔɛ ɔ, wo e min dɔ. Koe min na mu, tima min na mmɔ ɛ bauncha ma sɔn‑da, an tima chɛ ɔ ma yansan to mmɔ a. A gbɛnden mu gbɛ, a ni ben tima saa ma, tima min na mmɔ‑a mmɔ kai fa Chisɔsi a.

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

1 TIMOTI 1:9

Mɔɛ miin mbe don sawa kɔɔ, a ee sa an fan ko a. Chɛɛ ɛ sa mɔ yama n fan ko a, miin mbe ee sawa ya, an mbe ee don a kɔɔ, Yataa sɔn bai nu, miin mbe a gbɛnɛ ma bon. Ɛ chɛ n fan ko a, miin mbe an fa n fa, an ni an de n fa, an bɛ mɔ fa mɔɛ n na.

2 TIMOTI 3:16

Bai ɔ bai min mbe Yataa 'a gboo ɔ, Yataa da a bai mu. Chɛ an fɛ mu, bai chɛ n kan kɔ kan, an mbe mmɔ kan fan ko sɛsɛ ma. A sin nyin fan mmɔ kan koe a tea ma, mmɔ ni mmɔ sɔn yama yen, mbɛ mmɔ sɔ‑a chia chɛndɛ ma, mmɔ ni a ɔ sɔn mmɔ ɛ tan buɛ min dɔ fɔɛ ɔ.

CHIMISI 1:3

Koe min na mu, wo‑a ɔ sɔn fan, mbɛ ni an koe chɛ n‑na wo tan, a ɔ sɔn koe mu ni wo kai faen fan mu Chisɔsi Chasi a. A sin, ni wo kai faen fan mu a a, mbɛ wo e kun‑da wan an dɔ bia‑a.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.