2 PITA 1:17 - Yataa 'a Dɔbɛnɛ Nama

^17-18 Koe min na mu, nn bɛ ni nɔ kɔnkɔ duaen chɛ ma, tima min na Fa Yataa‑a basɔmaya wa be mansa Chisɔsi ma. A sin, nn‑na kuiɛ chenama wa a min fan, kamaya ɔ, a ka banda bu ɔ Yataa tena. Kuiɛ chɛ ɔ, “N 'na denɛ an nɛ, a ko a di n ye kaka. N faa chimaen mu a ko a.” Nn fandi gbu an‑na kuiɛ chɛ a min, a ka banda bu ɔ.

2 PITA 1:17 ပူးပေါင်းရင်းမြစ်များ

MATIU 12:18

Yataa 'a bai chɛ, Aisaya na‑a min na ben, a ɔ, “Mɔɛ yen ko, n‑na n boo sɔ min ma, n 'na wai chɛ koe a. A ko a di n ye, a sin a wakoe‑a n faa chima to. N mbe n Nyina bea‑a wan a fɛ. Ɛ a ɔ yian‑da wan mɔɛ n gbɛɛ a dunya ɔ, mbɛ n fan Yataa, mabɔ ee n 'na kaa tɛenɛ ma.

MATIU 17:3

Mbɛ a ya kɔɔɛ a, an‑na Mosisi yen, an fea Idaicha a, an mbe chia ɔ bɔɛ chɛ‑a an bɛ Chisɔsi a.

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MAKI 1:11

Mbɛ kuiɛ a min‑da gbankon, a ka banda bu ɔ. A ɔ, “I mu n 'na denɛ an na, min ko a di n ye kaka. N faa chimaen mu i ko a.”

MAKI 9:7

Mbɛ dingbii yii‑a an kun na, mbɛ Yataa koɔ‑a an dingbii chɛ ɔ. A ɔ, “N 'na denɛ an nɛ, a ko a di n ye kaka. Wo a da a kuiɛ a min.”

DUKU 10:22

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma, ko ɔ ko kun ma. Fa dɔndɔ gbe an‑na a ɔ sɔn chɛndɛ chɛ, mɔɛ min mu n na. N bɛɛ n dɔndɔ gbe an‑na a ɔ sɔn chɛndɛ chɛ, mɔɛ min mu Fa a. N‑na mɔɛ miin ya Fa sɔn koe a, an bɛɛ‑a a ɔ sɔn‑da wan chɛndɛ chɛ, mɔɛ min mu Fa a.”

DUKU 3:22

Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”

CHƆN 10:15

Ɛ ka wan dechee, yɔ Fa‑a n sɔn buɛ min dɔ chɛndɛ chɛ, n bɛɛ, n‑na a sɔn ka wan. A sin, n ma bɛnden fan mu, n fandi be koe a, n 'na sa n na tɔnɔnɛ ko a.

CHƆN 10:36

N tana, Fa an‑na n ya, a‑a n sɔ dunya chɛ ɔ. Chɛ an‑na a fɔ, wo ee kun, wo ni kunɛ si n kun ma, baa bɔ koe a a ma. Koe min na mu, n‑na a fɔ, n dɔ, a 'a denɛ mu n na.

CHƆN 14:11

N‑na a fɔɛ min chɛ, n dɔ, nn fea Fa a, n dɔ, mɔ dɔndɔɛ mu nn na, dan chɛ a. Ni chɛ ma, Fa ɛ a ma, n mbe wai miin bɛɛ chɛ, an mbe che wan a ma‑a, wo ni dan n na.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 17:21

N mbe samunɛ chɛ tena, an gbɛɛ ni ma mɔ dɔndɔya ɔ. Fa, a ma an ni ma mɔ dɔndɔya ɔ mɔ a, yɔ mɔ fea chɛ mɔɛ ɛ buɛ min dɔ mɔ dɔndɔya ɔ.

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHƆN 3:35

Mmɔ Fa Yataa toen mu a 'a Denɛ a, an‑na a ma, a‑a gbasaya be a ma fen kɔ fen kun ma.

CHƆN 5:20

Chɛ ɛ ma wan, koe min na mu, n ko a di Fa ye. A sin, ɛ koe miin gbɛɛ ma, ɛ an dɔ yian fan n na. A sin mbe kamaya koe n dɔ yian‑da wan n na, miin benden mu chɛ ma kaka, miin mbe wo gbɛɛ da n dɔ gbaa a.

CHƆN 5:26

N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:39

A sin, a wɛn‑na n sɔ, a faa ma koe n fan nɛ. Mbɛ n ma fo a 'a mɔɛ chɛ n dɔndɔ wɛɛ a, mɔɛ chɛ nu, a‑a miin be n ma. Chɛɛ tee dankama ma, n ni a ma, an gbɛɛ kɔɔ ni sɔ, a yɛ fɔɛ ɔ.

GBOO DOMI KO A 15:6

Chɛ ɛ a ma‑a wan, wo yiima ni ma kaina dɔndɔɛ, wo kuiɛ ni ma dɔndɔ, wo ni tando be Yataa ma. A wan mu mmɔ 'a mansa Chisɔsi Chasi fa a, ni a 'a Yataa.

GBOO FEAN BƆƐ KƆYINDI KO A 1:3

Tando ni be Yataa ma. A wan mu mmɔ 'a mansa Chisɔsi Chasi fa a, ni a 'a Yataa. Chinchincha Fa mu a wan Yataa an na. A sin fan mbe mmɔ nande chia kan kɔ kan na.

GBOO FEAN BƆƐ KƆYINDI KO A 11:31

Tando ni be Yataa ma kuɔ fɔ ko a. A wan mu Mansa Chisɔsi Chasi fa a, ni a 'a Yataa. A‑a a ɔ sɔn fan, mbɛ n mbe ka tea an fɔ tena.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

2 CHƆN 1:3

Mmɔ Fa Yataa, an fea Chisɔsi Chasi a, a 'a denɛ, an 'na dua ni ma mmɔ ma, an 'na chinchimaya ni ma mmɔ ma, a basan an 'na faachima a. Koe chɛ n mbe ma‑a wan tun tun mmɔ ta n na, koe min na mu, mmɔ danden mu Yataa 'a tea sakana a. A sin to, a toen fan mu mmɔ a.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.