2 PITA 1:10 - Yataa 'a Dɔbɛnɛ Nama

¹⁰ Chɛ an‑na a fɔ, n suun ma nyɔɛ nu Chasi ɔ, wo butuinɛ chɛ wo sɔɛ gbɛ a. Wo ni a ɔ yian, mbɛ Yataa‑a wo chee min chɛ, a‑a a boo min sɔ wo ma, ma koe a a ta mɔɛ n na, kuɔ fɔ koe mu. Chɛ sin mbe a ma‑a wan, wo ee sɛmbɛ‑a wo kai fa koe a Yataa a.

2 PITA 1:10 ပူးပေါင်းရင်းမြစ်များ

MATIU 22:14

Mbɛ Chisɔsi ɔ te gbɛ, “Yataa 'a chenɛ da a kaen fan mu mɔ sɛsɛ ko a, chɛɛ miin mbe don nɔ, an ma kɔkoo.”

GBOO DOMI KO A 11:29

Koe min na mu, ni Yataa ban‑da a boo sɔ‑a mɔɛ miin ma, a ban‑da a sɔ‑a an ma. Ni a‑a mɔɛ miin dua, a ban‑da an dua‑a. A ee a da a kuiɛ yɔn.

2 TIMOTI 2:19

Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”

GBOO IBU MƆƐ N KO A 6:11

Nn toen mu wo gbɛɛ, wo ni butuin dɔndɔ gbe chɛ chɛ wo faa gbɛɛ a, aan wo 'a fɔɛ danka a. Chɛ an mbe a ma, wo yii na tɛen mu koe miin ma, wo ni an ma sɔn.

GBOO IBU MƆƐ N KO A 6:19

Mmɔ yii sɔen mu an ma, tima ɔ tima, mbɛ an mbe mmɔ fɔɛ si. A ɛ wan yɔ dɛndɛ chii yuu, ɛ a ma buɛ min dɔ ɛ sɔ chidi, a gba ɔ. Yiinatɛ chɛ, an mbe ma mmɔ ɔ, mmɔ ɛ ma don‑da Yataa 'a chenɛ bu ɔ, banda bu ɔ, Yataa chen kɔɔ.

CHIMISI 2:10

Mɔ sin mbe ee sawa gbɛɛ bia, i ni dɔndɔ yɔn. Mɔɛ min mbe chɛ ma, e wan dechee yɔ mɔɛ min‑na sawa gbɛɛ yɔn.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 1:5

Chɛ ko a, a nyin wo ni chɛ an ma, chia ɔ chia a. Danaya min mbe wo ɔ, wo a ma munda wo sɔn chɛndɛ a. Mbɛ wo‑a wo sɔn chɛndɛ ma munda yiima a, a si Yataa ma.

2 PITA 3:14

N dia nyɔɛ nu, chɛ an fɛ mu, wo e ka an tee chɛ ma kɔnɛ min chɛ a, wo wo wandi bia chɛndɛ chɛ. Tɔmbɛ ma ma wo ma, wo sin ni ma faachima ɔ Yataa a.

2 PITA 3:17

Chɛɛ n dia nyɔɛ nu, wo tana, wo‑a chɛ ɔ sɔn fan gbɛ. Chɛ an fɛ mu, wo wo kun ma fɛn, sawa sɔn bai chɛ n ma na a ma, wo ni saman, mbɛ wo ka‑a chia ma. An ni a ma, wo ni bea, a bɔ wo sɔ tena chɛndɛ chɛ ɔ.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.