2 PITA 1:1 - Yataa 'a Dɔbɛnɛ Nama

¹ N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

2 PITA 1:1 ပူးပေါင်းရင်းမြစ်များ

MATIU 10:2

A 'a sɔ mɔ tan kun ma fea chɛ n tɔɛ n fan nɛ. A saa tɔɛ an nɛ Saimɔn, a na‑a tɔ dɔ mende be min ma a ɔ, Pita, ni Saimɔn dɔɛ kaima Anduu. Chimisi ni a dɔɛ Chɔn, miin ni kai Sɛbɛdi 'a denɛ n na.

MATIU 4:18

Tee dɔndɔ a, Chisɔsi ni tachɛ tena wan, Kadidi yii wa kaa a. A na‑a kamin fea n tan fan, dɔndɔɛ tɔ ni Saimɔn, min tɔɛ dɔndɔɛ ni Pita, an fea a dɔɛ Anduu a. Nyɛ gbain mɔɛ ni an na, an sin ni nyɛ gbainɛ an na yaa a.

DUKU 1:47

N bu ɔ di Yataa ko a. An mu n baun mɔɛ a.

DUKU 11:49

Chɛ an ko a ni, Yataa min yiima tɛen mu, a‑a a fɔ, a ɔ, ‘N mbe n 'na gbonka chɛ mɔɛ nu, a basan n 'na sɔ mɔɛ n na, n mbe an na ta‑a wan an tena. An mbe an dɔ n fa‑a wan, mbɛ an‑na ko yawaenɛ sa a tɔɛ n ma.’

CHƆN 1:42

Mbɛ a ta‑a Saimɔn na Chisɔsi tena. Mbɛ Chisɔsi‑a Saimɔn ma fɛn kɔdɛɛ, mbɛ a ɔ, “I tɔ mu Saimɔn, i fa sin tɔ mu Chɔn. Chɛɛ i tɔɛ ɛ ma tena Kefasi an na gbɛ.” (Tɔɛ chɛ, ni a a mun‑da, a mu Pita an na).

CHƆN 12:26

Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.

CHƆN 20:21

Mbɛ a ɔ to an ma, a ɔ, “Yataa ni faachima be wo ma. Fa‑a n na na buɛ min dɔ dunya chɛ ɔ, n bɛɛ, a chia dɔndɔ gbe chɛ a mu, n mbe wo a ta tena a ɔ.”

CHISƆSI 'A SƆ MƆƐ NU 15:14

Saimɔn Pita ban‑da a ɔ yian‑da mmɔ a, Yataa na‑a a 'a koadia ɔ yian buɛ min dɔ, tima saa saa ko a, mɔɛ chɛ n na, miin nii ma Chu mɔ a. A na‑a a boo sɔ wan an dɔ n ma, ma koe a a ta mɔɛ n na.

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 1:12

N ta yiima ɔ, n toen mu mmɔ ni basan mmɔ nyɔn ma mmɔ 'a danaya ɔ. Wo 'a danaya ɛ kun‑da wan a ni basan n ma, mbɛ n ta danaya wɛɛ ɛ basan‑da wo ma.

GBOO DOMI KO A 1:17

Koe min na mu, sakana bai chɛndɛ chɛ ɛ a ɔ yian tena wan, Yataa ɛ a ma buɛ min dɔ, mmɔ ni tan a tena. Chɛ ee bɔ ko dɔ mende kan kɔ kan dɔ, mɔɔ dechee danaya dɔndɔ gbe Yataa a. Ɛ wan dechee, yɔ Yataa 'a gboo‑a a fɔ buɛ min dɔ, a ɔ, “Mɔɛ min mbe a kai fa‑a Yataa a, ɛ an ya mɔ tandenɛ a, a sin fan mbe kuɔ fɔ fɔɛ ma sɔn.”

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO SAA KƆYINDI KO A 15:9

Koe min na mu, Chasi 'a sɔ mɔɛ chɛ n gbɛɛ, an benden mu n ma. N gbu sin, mɔ a tenden ma n na, a chee koe a a 'a sɔ mɔɛ a. Koe min na mu, n‑na ko ma gbaaenɛ sa wan Yataa 'a mɔɛ n ma, chɔchi ɔ.

GBOO SAA KƆYINDI KO A 9:1

Ko ɔ ko boo ee n na, ae? Chisɔsi 'a sɔ mɔɛ mu n na, ae? N‑na a yen fan n ya a pɛnɛnɛ, mmɔ 'a mansa chɛ. A sin, wo ma min chɛ a Chisianɛ n na, a bɔ‑a wai chɛ an dɔ, n‑na min chɛ Mansa Chisɔsi ko a.

GBOO FEAN BƆƐ KƆYINDI KO A 4:13

Yataa 'a gboo ɔ te, “N‑na n kai fa Yataa a, an fɛ mu, n mbe bai chɛ sa.” A chia dɔndɔ gbe chɛ a, nn bɛɛ, nn na‑a bai sa wan, koe min na mu, nn bɛɛ kai faen mu Yataa an na.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 2:8

Koe min na mu, Yataa min na‑a a ma, Pita ta‑a wai chɛ koe a mɔɛ chɛ n tena, miin mu Chu mɔɛ n na, an Yataa dɔndɔ gbe chɛ an‑na n bɛɛ sɔ, mɔɛ n tena, miin ma Chu mɔ a.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

Gboo Ɛfisɔsi Ko A 4:11

A wan‑na koadia demanɛ chɛ mɔɛ n na, ma koe dama dama. A‑a mɔɛ dɔ n ma a 'a sɔ mɔɛ n na, mbɛ a‑a dɔ n ma Yataa 'a gbonka chɛ mɔɛ n na. Dɔ n sin, a‑a an ma Yataa bai sa mɔɛ n na, mbɛ a‑a gbasaya be dɔ n sin ma, an bɔɛ n sɔ koe a chia ma, a basan an kan koe a Yataa bai a.

Gboo Ɛfisɔsi Ko A 4:5

A yɛ to, mmɔ 'a mansa ɛ dɔndɔ gbe, mmɔ kai fa tena ɛ dɔndɔ gbe, yii chɛ wɛɛ, Yataa chia a, ɛ dɔndɔ gbe.

Gboo Fiipai Ko A 1:1

N fan Pɔɔ, n fan mbe gboo chɛ nyɛn tena, nn fea Timoti a. Chisɔsi Chasi 'a wai chɛ mɔɛ mu nn na. Nn fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, miin ma‑a mɔ dɔndɔɛ a Chisɔsi Chasi a, Fiipai duu ɔ. A yɛ to, ni chɔchi ya ɔ sɔɛ n tena, an bɛ mɔɛ chɛ n na, miin mbe deman chɔchi ma.

Gboo Fiipai Ko A 1:29

Koe min na mu, ɛ wan gbɛ Yataa boo ɔ wo ko a, mbɛ Chasi chɛ wakoe, wo kai fa koe ma dechee a a. Chɛɛ wo gbu, wo e tɔɔya ɔ bia‑a wan a ko a.

Gboo Fiipai Ko A 3:9

mbɛ nn fea ma‑a mɔ dɔndɔɛ a. N ni nn fan Chu n 'na sawa miin bia, an fan ma a ma ni, n ma‑a mɔ tandenɛ a Yataa chen kɔɔ. Chɛɛ min ma‑a, n‑na n kai fa wan Chasi a. Chɛ an‑na a ma dechee, Yataa‑a n ya mɔ tandenɛ a, a chen kɔɔ.

2 TIMOTI 1:5

Danaya gbau gbau min mbe i ɔ Chisɔsi ko a, a puin‑da n yii ma. Danaya min nyɔn sima ni i mama Doyisi ɔ an fea i de Yunisi a, n danden fan mu a a, mbɛ an mbe i ɔ.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

CHIMISI 1:1

N fan Chimisi, n fan mbe gboo chɛ nyɛn tena. N mbe wai chɛ tena Yataa an ko a, an fea Mansa Chisɔsi Chasi a. N mbe a nyɛn tena wo wan tena, wo wan Yataa 'a mɔɛ nu, wo wɛn na fasandenɛ ɛ a ɔ gbɛɛ ben‑da dunya ɔ. N mbe wo gbɛɛ kɔndɔn tena kaka.

1 PITA 1:1

N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

1 PITA 2:7

Wo wɛn kai faen mu a a, senɛ chɛ mu tɔnɔn ba an na wo tena. Chɛɛ wo wɛn ma wo kai fa ni a a, Yataa 'a gboo‑a a fɔ wan, a ɔ, “Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.”

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

2 PITA 1:4

Chɛ an‑na a fɔ, a na‑a mmɔ too ɔ dia wai nyima ma kawaen ba min na, a na‑a a be wan mmɔ ma. An wai nyima chɛ ni a ma, wo kunɛ ni bɔ koe n boo ɔ, wo faa a miin ya kaka, miin mbe na kasaa a dunya chɛ ɔ. Mbɛ mmɔ sɔnɛ ta‑a Yataa ta fɛ.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.