2 CHƆN 1:2 - Yataa 'a Dɔbɛnɛ Nama

² Nn gbɛɛ, nn toen mu wo a, koe min na mu, tea chɛ ɛ gbɛ mmɔ faa n dɔ, a sin mbe ma‑a nɔ wan kuɔ fɔ ko a.

2 CHƆN 1:2 ပူးပေါင်းရင်းမြစ်များ

CHƆN 14:16

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

GBOO SAA KƆYINDI KO A 9:23

N mbe chɛ gbɛɛ ma, min mbe a ma, sakana bai chɛndɛ chɛ ni fasan a ɔ kan kɔ kan. A ni a ma, mmɔ ni dua chɛ ma sɔn, bai chɛ ɛ na min na.

GBOO FEAN BƆƐ KƆYINDI KO A 4:5

Nn mbe sakana bai min dɔ yian, a ma si ni nn fandi an ma. Chɛɛ a gbu an nɛ, mbɛ Chisɔsi Chasi an mu mansa a. Nn tana sin gbɛ, nn mu wo 'a yɔnɛ n fan na, Chisɔsi ko a.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

2 TIMOTI 1:5

Danaya gbau gbau min mbe i ɔ Chisɔsi ko a, a puin‑da n yii ma. Danaya min nyɔn sima ni i mama Doyisi ɔ an fea i de Yunisi a, n danden fan mu a a, mbɛ an mbe i ɔ.

2 PITA 1:12

Chɛ an fɛ mu, n mbe wo yiima n na che tena tun koe chɛ n ma. Wo‑a an tea n dɔ sɔn bɛɛ ka boo ɔ boo, min dɔ yian‑da wo a, a si Chisɔsi ma. A yɛ to, wo e a sɔ tena wan an tea chɛ fɛ gbau gbau.

1 CHƆN 1:8

Chɛɛ ni mmɔ‑a a fɔ, mbɛ mmɔ ma ko yama ma ni, mmɔ‑a fania fɔ mmɔ wandi ma, a sin, tea ee mmɔ ɔ.

1 CHƆN 2:14

N 'na denɛ nu, n mbe gboo chɛ nyɛn tena wo tena, koe min na mu, wo‑a Fa Yataa sɔn. Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, faa ɛ wo ɔ Yataa ko a. A sin, Yataa 'a bai ee ka wo yii ma. A yɛ to, wo‑a Sitana a bea.

1 CHƆN 2:17

Ban fenɛ mu dunya chɛ a, a basan dunya ma koe n bɛɛ a. Chɛɛ mɔɛ min mbe Yataa faa ma koe ma‑a, ɛ kuɔ fɔ fɔɛ ma sɔn‑da wan.