2 CHƆN 1:1 - Yataa 'a Dɔbɛnɛ Nama

¹ N fan chɔchi gbakoo, n fan mbe gboo chɛ nyɛn tena i tena, i wan musu chɛ, Yataa faa ma chɛ, wo bɛ i 'a denɛ n na. Wo e Yataa 'a chia an ma, an fɛ mu, wo ko a di n ye. N dɔndɔ gbe ma to ni wo a, chɛɛ mɔɛ chɛ n gbɛɛ, miin‑na Yataa 'a tea sɔn, an gbɛɛ toen fan mu wo a.

2 CHƆN 1:1 ပူးပေါင်းရင်းမြစ်များ

DUKU 1:3

N bɛɛ, n‑na an koe chɛ n ma mɛn fan chɛndɛ chɛ, a ka an kuu sɔ tena ma. Chɛ an‑na a ma, kai Tɛyɔfidɔsi, n sin mbe an bɔ tena a gbee ma gbɛ gbɛ, n ni a nyɛn i tena,

CHƆN 8:32

Wo e tea ɔ gbɛ‑a wan, a si Yataa ma, a sin fan mbe a ma‑a, wo kunɛ ni bɔ yɔncha ɔ.”

CHISƆSI 'A SƆ MƆƐ NU 11:30

An sin‑na an boo fenɛ n na sɔn sɔn fan, mbɛ an‑na an be Banabasi ma, an fea Sɔɔ a. An bɛɛ‑a boo fen chɛ n na ta wan, chɔchi gbakoo n tena Chuusaɛn duu ɔ.

GBOO DOMI KO A 16:13

N mbe Dufɔsi wɛɛ kɔndɔn‑da. Mansa Chisɔsi fɛ mɔɛ gbau gbau wa mu a a. A de wɛɛ, ɛ n bia wan tima ɔ tima yɔ a 'a denɛ. N mbe a kɔndɔn tena.

Gboo Kadesia Ko A 2:14

Chɛɛ n na‑a a ɔ yen fan, mbɛ an nii ma tan ni, min sien mu tea ma, sakana bai chɛndɛ chɛ ɔ. Mbɛ n‑na a fɔ Pita ye, an gbɛɛ ya kɔɔɛ ma, n dɔ, “I wan Pita, i wɛn mu Chu mɔɛ a, chɛɛ e koe ma‑a yɔ mɔɛ min ma Chu mɔ a. Fen ko a, e a din‑da mɔɛ n ma, miin ma Chu mɔ a, an ni koe ma yɔ Chu mɔɛ nu?”

Gboo Kadesia Ko A 2:5

Chɛɛ tima kundu ɛndenɛ wɛɛ ko a, nn ma dɔn ni an ye. Chɛ ni a ma, sakana bai chɛndɛ chɛ, a si Chisɔsi ma, tea min mbe a gbaa, a ma na ka a chia ma wo ko a.

Gboo Kadesia Ko A 3:1

Wo wan Kadesia mɔɛ nu, wo wooen mu. N ma a ɔ sɔn mɔɛ min nya‑a wo a. Wo wandi gbu, wo too n‑na a a min fan, mɔɛ n‑na Chisɔsi Chasi gbangban buɛ min dɔ kɔn gbengbandenɛ ma, a fa‑a nɔ.

Gboo Kadesia Ko A 5:7

Wo na‑a a kuu sɔ wan ta koe a ya ɔ ma chɛndɛ chɛ. Chɛɛ n ma a ɔ sɔn, mɔɛ min‑na a fɔ wo ye, wo ni sɛmbɛ bea koe a tea chia chɛ fɛ.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

1 TIMOTI 2:4

A mu min na, a toen mu mɔ ɔ mɔ ni tea chia sɔn, mɔ ɔ mɔ ni bauncha ma sɔn.

GBOO IBU MƆƐ N KO A 10:26

Mmɔ ban‑da ka buɛ min dɔ tea ɔ sɔn‑da, a si Chisɔsi ma, mmɔ ma ko yama ma bia to mmɔ boo fea a. Ni mmɔ‑a chɛ ma, yasi kan kɔ kan mbe ee ma‑a nɔ, min mbe a ma, Yataa ni a boo bɔ mmɔ 'a ko yama n dɔ.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 PITA 5:13

Mɔɛ miin mbe chɔchi ɔ Babidon duu ɔ, Yataa‑a a boo sɔ ka miin bɛɛ ma, an mbe wo kɔndɔn tena. Kamin tɔngbɔɛ chɛ wɛɛ, Maki, min ma‑a gbɛ n 'na denɛ a, a wɛɛ‑a wo kɔndɔn.

1 CHƆN 2:21

N mbe gboo chɛ nyɛnɛ min chɛ tena wo tena, n mbe ee a fɔ tena wan ka, mbɛ wo ma tea sɔn. Koe min na mu, wo‑a a sɔn fan. A sin to, wo‑a a ɔ sɔn fan to, mbɛ fania kan kɔ kan mbe ee che a ma‑a, wo ni ka tea chia chɛ ma.

1 CHƆN 3:18

N 'na denɛ nu, mmɔ 'a koadia, a ma ma dechee bai n na, mmɔ ɛ miin fɔ. A ni ma tea koadia a, min dɔ ɛ yian mmɔ chɛ chɛ wai an dɔ.

2 CHƆN 1:13

I suun ma nyɔɛ musu ma, Yataa faa ma chɛ, a 'a denɛ n‑na i kɔndɔn.

2 CHƆN 1:5

Sanche gbɛ, bɔɔɛ, n mbe ee ka na tena sawa nama an nyɛn tena wo tena, chɛɛ sawa mu, min mbe mmɔ boo ɔ, a ka sakana bai chɛndɛ chɛ a min tima saa saa ma. An sawa chɛ ɔ, mmɔ ni to mmɔ nyɔn na.

3 CHƆN 1:1

N fan chɔchi gbakoo, n fan mbe gboo chɛ nyɛn tena i tena, i wan Kayɔsi. E Yataa 'a chia an ma, an fɛ mu i ko a di n ye.