GBOO FEAN BƆƐ TƐSADONIKA KO A 3:15 - Yataa 'a Dɔbɛnɛ Nama

¹⁵ Chɛɛ wo ma a ya, wo chɛɛ ma nyɔɛ a. Wo e min ma, wo a a si, yɔ wo suun ma nyɔnɛ.

GBOO FEAN BƆƐ TƐSADONIKA KO A 3:15 ပူးပေါင်းရင်းမြစ်များ

MATIU 18:15

Mbɛ Chisɔsi ɔ, “Wo wɛn mbe ka n fɛ, ni i bɔɛ‑a ko yama ma i a, ta a tena wo fea gbe a, mbɛ i‑a a ɔ yian a a, a‑a koe min ma i a. Ni a dɔn‑da a 'a ko yama ma gba chɛ ma, mbɛ wo fea ma‑a to a a kuiɛ dɔndɔɛ ɔ.

GBOO SAA KƆYINDI KO A 4:14

N ma gboo chɛ nyɛn ni wo tena, wo a mau koe an na. Chɛɛ n‑na a nyɛn wo tena, n ni wo sɔ chia ma, yɔ n faa ma denɛ nu.

GBOO SAA KƆYINDI KO A 5:5

Wo an mɔ bonda ya, wo ni a be Sitana ma, a ni tɔɔya. Chɛ ɛ a ma‑a wan, mbɛ a wandi‑a bauncha ma sɔn, mmɔ 'a mansa Chisɔsi ɛ na‑a to tima min na.

GBOO FEAN BƆƐ KƆYINDI KO A 10:8

Koe min na mu, n mbe ee mau, ni n‑na yonka tɛ wɛɛ kaka, a si gbasaya ma, Mansa Chisɔsi‑a min be nn ma, wo kun ma. An gbasaya chɛ, ɛ wo ɔ gbɛa koe an na, wo a bea koe ma bun.

GBOO FEAN BƆƐ KƆYINDI KO A 13:10

Chɛ an fɛ mu, n mbe gboo chɛ nyɛn tena, wo tena, n mbe ee tima min na wo baima. N mbe chɛ ma tena, min mbe a ma, ni n‑na a fo wo ma tima min na, n mbe ee na‑a wo bia‑a faaakɔɔɛ a. N mbe ma‑a gbasaya chɛ a tachɛ‑a, Mansa Chisɔsi‑a min be n ma, wo ɔ gbɛa koe mu, wo yɔn koe ma.

Gboo Kadesia Ko A 6:1

N suun ma nyɔɛ nu Chasi ɔ, wo e a ɔ yen‑da wan, mbɛ mɔɛ ɛ wo tɛ ɔ, ko yama kun‑da min ma. Yataa Nyina ɛ wo wɛn sɔ tena wɛ chia chɛndɛ ma, wo tima ya, wo ni an mɔɛ chɛ sɔ chia chɛ ma. Wo wandi gbu wɛɛ, wo wo kun ma fɛn, wo yiima ma na mun, a ka an chia ma.

Gboo Saa Tɛsadonika Ko A 5:14

Nn suun ma nyɔɛ nu Chasi ɔ, nn mbe wo ɔ tisa tena, wo ni dasi be baa baa tɔɛ n ma. Chiandia koo miin gboo ɔ, wo ni an faa ma nande, mbɛ wo‑a chɛ n deman, miin dɔ ma gbɛ. Wo wo faa bia mɔ ɔ mɔ a.

GBOO FEAN BƆƐ TƐSADONIKA KO A 3:13

Chɛɛ wo wan, nn suun ma nyɔɛ nu Chasi ɔ, wo gboo ɔ ma fa ko chɛndɛ ma koe a.

GBOO FEAN BƆƐ TƐSADONIKA KO A 3:6

Nn suun ma nyɔɛ nu Chasi ɔ, nn mbe chɛ fɔ tena wo ye gbau gbau, mmɔ 'a mansa Chisɔsi Chasi tɔɛ ɔ. Wo ma gbɛn suun ma nyɔɛ chɛ n gbɛɛ ma, miin mbe gboo ɔ fa bɔ tena an 'na fɔɛ ɔ. A sin, an mbe ee bea tena koe chɛ n fɛ, nn na‑a min fɔ an ye.

TAITƆSI 3:10

Mɔɛ chɛ tana, min mbe mɔɛ n na fasan tena, a‑a si gba fea gbe. Ni a ma sɛmbɛ ni, i boo bɔ a ma koe ɔ.