GBOO FEAN BƆƐ TƐSADONIKA KO A 3:14 - Yataa 'a Dɔbɛnɛ Nama

¹⁴ Mɔɛ ɛ ma‑a wan kɔɛ nɔ, min ban‑da koe chɛ n ma koe a, nn‑na koe miin nyɛn gboo chɛ ɔ wo tena. Ni ɛ ka wan, wo wo ya gba sa an mɔɛ chɛ ma. Wo sin gbu ma gbɛn a ma, min mbe a ma, a ni mau a wandi ma.

GBOO FEAN BƆƐ TƐSADONIKA KO A 3:14 ပူးပေါင်းရင်းမြစ်များ

MATIU 18:17

Ni chɛ wɛɛ ma‑a, chɛɛ a ma dɔn ni a 'a ko yama ma gba chɛ ma to, a ma siibia gbɛ chɔchi gbu ɔ. Ni a ma a too ma sɔ ni gbɛ chɔchi mɔɛ n bɛɛ ma, ka a fɛ, a bia yɔ mɔɛ min ma Yataa sɔn.

GBOO DOMI KO A 16:17

N bɔ Chisianɛ nu, n mbe wo disa tena wo ni wo kun ma fɛn mɔɛ chɛ n boo ɔ. Mɔɛ chɛ nu, miin mbe mɔɛ n dɔ fasan, an mbe sɔnkɔ sɔnkɔɛ a bea an tɛ ɔ. Mɔɛ chɛ nu, miin mbe an bɔɛ n ka tea chia ma. A yɛ to, wo kan‑da ko chɛndɛ miin ma, an mɔɛ chɛ n mbe wo kan ko dɔ gbɛɛ n na, miin mbe ee a chia ma. Wo ma gbɛn an mɔ bonda chɛ n ma.

GBOO SAA KƆYINDI KO A 4:14

N ma gboo chɛ nyɛn ni wo tena, wo a mau koe an na. Chɛɛ n‑na a nyɛn wo tena, n ni wo sɔ chia ma, yɔ n faa ma denɛ nu.

GBOO SAA KƆYINDI KO A 5:11

N ni min fɔ tena gboo chɛ ɔ, an nɛ, mbɛ wo ma gbɛn mɔɛ chɛ n ma, miin‑na an fandi chee Chisianɛ n na, chɛɛ an mbe ko tɛ an nyaa ma. Ni chɛ ma, an fen ko yaen mu kaka, an mbe fenɛ n fai miin ma Yataa a, an mbe an bɔɛ n tɔ yama ɔ tɛ, an mbe gbɛ wa min, chɛ ma, an mbe kanka chɛ. Wo gbu ma si wɛɛ, wo ni daunɛ chɛ mɔɛ bonda chɛ a, min boo ɛ chɛ dɔndɔ wɛɛ ɔ.

GBOO SAA KƆYINDI KO A 5:9

N na‑a gboo nyɛn wo tena, tima dɔndɔɛ min na, n‑na wo a si wan, mbɛ wo ma gbɛn mɔɛ ma, min‑na waa ma basan buɛ yau.

GBOO FEAN BƆƐ KƆYINDI KO A 10:6

A sin, ni wo ban‑da a ɔ yian‑da gbae, mbɛ wo e Chisɔsi an ko a, nn ma bɛndenɛ ɛ ma‑a wan, mɔ ɔ mɔ tɔɔ koe a, min mbe koe ma‑a, min mbe a ɔ yian ɛnden bɛɛ a, mbɛ a ee an ko a.

GBOO FEAN BƆƐ KƆYINDI KO A 2:9

N na‑a gboo chɛ nyɛn wo tena chɛ an na, n ni wo yiima yan. N ni a ɔ gbɛ, ni n 'na dasi nu, wo ma bɛnden fan mu tima ɔ tima ko a a ya koe a.

GBOO FEAN BƆƐ KƆYINDI KO A 7:15

A sin, chɛ ko a, wo 'a koadia ma ɛ munda tena wan a faa ɔ, ɛ ma a yii na chii‑a wo a. A si wo gbɛɛ ma bɛnden ni buɛ min dɔ, bea koe a dasi chɛ n fɛ, a ni miin be wo ma. A yɛ to, wo gbɛɛ, wo‑a wo boo si buɛ min dɔ a kɔɔ ma samba ɔ, chianɛ ɛ wo ɔ.

Gboo Fiipai Ko A 2:12

N dia nyɔɛ nu, mmɔ bɛ ni tima min na, wo ni wan n da a kuiɛ ma. N mbe ee ka tima min na wo ya kɔɔ, a gbu nyin gbɛ sanche wan, wo ni ma n da a kuiɛ ma chɛndɛ chɛ. Wo ma yɛ kuu kɔ koe n ma koe a, miin ma biaen mu wo ko a, Yataa‑a wo wɛn baun. Wo an ma ma samba ɔ, wo an ma chiandia ɔ.

Gboo Kɔdɔsai Ko A 4:16

Ni wo ban‑da gboo chɛ kan‑da, wo a ma, an ni a kan chɔchi mɔɛ chɛ n bɛɛ tena Daɔdisia chɔchi ɔ. Wo wɛɛ wo gboo chɛ kan, n‑na min na ta chɔchi mɔɛ chɛ n bɛɛ tena Daɔdisia. An mbe a a na tena wo tena.

Gboo Saa Tɛsadonika Ko A 4:8

Chɛ an‑na a fɔ, mɔ ɔ mɔ min mbe ban‑da kan chɛ ɔ, a ee ma‑a ka ban‑da mɔ gbu an dɔ. Chɛɛ ɛ ma‑a ka a kan kɔ sɔ‑a Yataa an na, min‑na a Nyina bea wo fɛ.

GBOO FEAN BƆƐ TƐSADONIKA KO A 3:6

Nn suun ma nyɔɛ nu Chasi ɔ, nn mbe chɛ fɔ tena wo ye gbau gbau, mmɔ 'a mansa Chisɔsi Chasi tɔɛ ɔ. Wo ma gbɛn suun ma nyɔɛ chɛ n gbɛɛ ma, miin mbe gboo ɔ fa bɔ tena an 'na fɔɛ ɔ. A sin, an mbe ee bea tena koe chɛ n fɛ, nn na‑a min fɔ an ye.

TAITƆSI 2:8

I da a bai tandenɛ ni ma, mabɔ ee ma min ma. Chɛ ɛ a ma‑a wan chɛɛ ma nyɔɛ n ni mau, bai yama ee ma‑a an da ɔ a fɔ koe a a si mmɔ ma.

TAITƆSI 3:10

Mɔɛ chɛ tana, min mbe mɔɛ n na fasan tena, a‑a si gba fea gbe. Ni a ma sɛmbɛ ni, i boo bɔ a ma koe ɔ.

FIDEMƆN 1:21

N danden fan mu a a chɛndɛ chɛ, mbɛ ni n‑na chɛ nyɛn, e ee n da a kuiɛ a bea duu ma. A sin gbu, n‑na a ɔ sɔn fan, mbɛ e ben‑da wan chɛ ma, n‑na min fɔ.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

2 CHƆN 1:10

Ni mɔ ɔ mɔ na‑a wo 'a chenɛ a, kan dɔ mende a min kaen mu Chasi ta ma, wo ma wo ya kɔɔɛ yian a mɔɛ chɛ a, wo gbu ma a kɔndɔn.