Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ TƐSADONIKA KO A 2:9 - Yataa 'a Dɔbɛnɛ Nama

9 Mɔɛ chɛ, min mbe ee sawa kɔɔ, Sitana 'a gbasaya kan kɔ kan mbe ma‑a wan a boo ɔ. Ɛ na‑a kamaya ko wa sɛsɛ ma‑a wan, fania nu.

အခန်းကိုကြည့်ပါ။ ကော်ပီ




GBOO FEAN BƆƐ TƐSADONIKA KO A 2:9
31 ပူးပေါင်းရင်းမြစ်များ  

Chɛ gbakɔ, mbɛ mɔɛ dɔ n na‑a wan kamin dɔndɔ a Chisɔsi tena, nyina yama ni min fɛ. Nyina yama chɛ, an‑na a ma wan kamin chɛ ya te‑a, a sin nii che koɔ‑a. Mbɛ Chisɔsi‑a a baun, a‑a a ma a koɔ‑a, mbɛ a ya wɛɛ a ka‑a, a‑a kaina yen.


A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.


Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”


A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.


Ni a na‑a, mbɛ a ma Yataa Nyina tan ni mɔɛ chɛ fɛ, a sin mbe ee kun kɔɔ,


Mbɛ Chisɔsi ɔ a ma, a ɔ, “Wo wan, ni wo ma kamaya koe n dɔ yen ni ma‑a, wo dɔndɔ wɛɛ ee wo kai fa n na.”


Chɛɛ wo sɔnɛ n mbe wan dechee, yɔ wo fa ta ni buɛ min dɔ.” Mbɛ an dɔ, “I ma chɛ fɔ nn ye. Nn tana, nn fa ɛ dɔndɔ gbe, a sin fan nɛ Yataa a. A 'a denɛ chɛndɛ chɛndɛ mu nn na.”


Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.


mbɛ a ɔ, “I wan, Sitana 'a denɛ. Ko chɛndɛ kan kɔ kan chɛɛ ma nyɔɛ mu i a. Chɛwɛɛ yama yama gbɛɛ ɛ i ɔ, mɔɛ n bun koe a. A sin, e butuin chɛ tena wan tima ɔ tima, i ni Mansa Yataa 'a tea mun fania a.


Chɛɛ tɛnɛ ko ma chɛ nɛnɛ a. Sitana wandi gbu wɛɛ, ɛ kun fan, a ni a wandi ma yɔ maeka, min mbe man taun Yataa 'a manɛ a.


Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.


An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.


An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.


Yɔ Chanesi ni buɛ min dɔ, an fea Chambesi a, an ni Mosisi ma bɔ wan, kamin chɛ n bɛɛ, an mbe ka wan tea ma bɔ‑a. Mɔɛ n fan nɛ miin yiima ɔ chɛ chɛenɛ ɛ, an sin 'na danaya ban‑da an dɔ Chisɔsi ko a.


Toomaya, ni mɔ gbu to koe a a wandi faa ma koe n na dechee, Yataa ta yiimatɛ ma an na. Dunya chɛ ma yiimatɛ an nɛ, Yataa Nyina ma to ni min na. Sitana an mbe dechee sɔ ɔ an yiimatɛ chɛ nyɔn sima kɔ.


Chɛ‑a a ma wan, fɔɛ fen ma chianden chɛ faa gbandia‑a kaka, musu chɛ boo ɔ. Mbɛ a‑a a kun sɔ gbɛ musu chɛ cheeya n na, a‑a chɛɛ bun an ma. Cheeya chɛ nu, an mu mɔɛ chɛ n fan na, miin mbe Yataa da a kuiɛ ma, an sin, an kai faen fan mu tea chɛ a, min ka‑a Chisɔsi tena.


Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.


Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”


Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.


Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.


Mansa ni wan an kun ma, min ni maeka chɛ a, min ni son chɛ kun ma, sonɛ min danka ee ka. An mbe an maeka chɛ chee Ibu koɛ ɔ, an dɔ, Abadon. Kiisi mɔɛ n sin, an dɔ, Apɔdiyon, yɔ mɔɛ ɛ a fɔ, a ɔ, Fen yɔn fenɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ