GBOO FEAN BƆƐ TƐSADONIKA KO A 2:8 - Yataa 'a Dɔbɛnɛ Nama

⁸ A tima chɛ a mu, mɔɛ min mbe ee sawa kɔɔ, ɛ yen‑da wan. Chɛɛ ni Mansa Chisɔsi na‑a to, fia min mbe bɔ‑a dechee a da ɔ, an mbe an mɔɛ chɛ fa‑a. Chisɔsi ɛ ma‑a man ba min dɔ, an mbe an mɔɛ chɛ kasaa‑a.

GBOO FEAN BƆƐ TƐSADONIKA KO A 2:8 ပူးပေါင်းရင်းမြစ်များ

MATIU 13:19

Mɔɛ dɔ n mbe wan yɔ chia kuu a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, a si a 'a mansaya ma, an mbe ee a ɔ gbɛ chɛndɛ chɛ. Mbɛ an nyina yama chɛ, Sitana, a na‑a a ya kɔɔɛ a, a‑a bai chɛ bɔ an yiima ɔ.

MATIU 13:38

Sɛnɛ chɛ mu dunya chɛ an na. Chin fen suu chɛndɛ chɛ mu mɔɛ n fan na, miin mbe Yataa 'a mansaya kɔɔ. Bin chɛ n mu mɔɛ chɛ n fan na, miin mbe an nyina yama Sitana fɛ.

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

GBOO SAA KƆYINDI KO A 1:28

Mɔɛ n gbɔsɔ ma fenɛ miin ko a, an ma miin ya ni fen fen na, Yataa‑a an fen chɛ n fan ya. A‑a an ya, a ma koe a, fenɛ miin yaen ni tɔnɔnɛ a dunya ɔ, a ni ma fen fufafuu n na.

GBOO FEAN BƆƐ TƐSADONIKA KO A 2:3

Wo ma dɔn mɔ ɔ mɔ ni wo bun ɛnden bɛɛ a. Koe min na mu, an tee chɛ ee na tena wɛ, aan tima ni che, mɔɛ sɛsɛ n mbe na‑a wan sɔ‑a Yataa a kan. Mbɛ mɔɛ min mbe ee sawa kɔɔ, a bɔ‑a ya a ma. A tana, ɛ gbɛ nɔ kasaa koe an na.

1 TIMOTI 6:14

dasi chɛ ya i sɔɛ a. I ni tachɛ teaya ɔ, mabɔ ee min ma, aan tee chɛ ni che, tee min ma mmɔ 'a mansa Chisɔsi Chasi ɛ na‑a to.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

2 TIMOTI 4:1

Chisɔsi Chasi ɛ ma‑a tima min na a 'a mansaya ɔ, ɛ mɔɛ gbɛɛ gbɛmbo‑a wan, fuɛ n bɛ chɛndɛ ba n na. Chɛ an fɛ mu, Yataa an fea Chasi a, an mbe mɔ yen tena wan. N mbe na tena chɛ an ma din‑da i tena gbau gbau.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 10:27

Chɛɛ ni mmɔ‑a chɛ ma, mmɔ ɛ ma‑a gbɛ ko dɔndɔ an ma kɔn‑da gbɛ dechee, chiandia ɔ. An nɛ gbɛmbo tee a, ni ta wa chɛ min mbe mɔɛ n kasaa‑a, miin mbe ee Yataa ko a.

1 CHƆN 2:13

Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, wo‑a Sitana a bea.

1 CHƆN 3:12

Mmɔ ma ma yɔ mɔna chɛ, Ken, Sitana 'a mɔɛ, min‑na a dɔ kaima fa. A‑a chɛ ma koe min na, a na‑a a ɔ yen fan, mbɛ a ta chɛ chɛ wai nii ma nyin, chɛɛ a dɔɛ tanden fan ni Yataa tena.

1 CHƆN 5:18

Mmɔ danden fan mu chɛ a, mbɛ Yataa 'a denɛ nu, an mbe ee an boo a chii ko yama ma ma. Koe min na mu, Yataa 'a denɛ Chisɔsi ɛ an kun ma fɛn fan. Nyina yama chɛ sin, Sitana, a ee che ko ma‑a an na.

KO Ɔ NUNDENƐ 1:16

A‑a tɔmbuaka wɔnfea bia, a boo nyima a boo a. Mbɛ chɛɛ chɛ mɛ bɔ‑a a da ɔ, min da ɛ a bu ɔ, ɛ to a kɔɛ, an na saen ba ɛ. A ya kɔɔɛ sin ni man tena wan, yɔ ni tee che‑a a kun tɛ.

KO Ɔ NUNDENƐ 13:5

Mbɛ soe yama chɛ bun‑da yonka bai n sa‑a, ɛ ta‑a Yataa main‑da. Chɛɛ Yataa‑a a too ka wan a ma, ma koe a an gbasaya chɛ ɔ, kau bi naanin kun ma fea (42) ko a.

KO Ɔ NUNDENƐ 19:15

Yataa Da 'a Bai chɛ da ɔ, chɛɛ chɛ mɛ a saenɛ chɛndɛ chɛ, a bɔ‑a wan a ɔ. Ɛ an mɛ chɛ an ya tena, a ni kun dunya gbɛɛ ma chɛɛ ɔ. Ɛ ma‑a wan dunya kun ma mansa a, a sin mbe ee a 'a mansaya a tachɛ‑a chinchincha ɔ. A yɛ to, ɛ tɛn tɛn‑da wan fen chɛ ma bondonɛ ɔ, fen chɛ min tɔ mu keepi, a yii bɔ koe a a ɔ. Ɛ ma‑a ka Yataa 'a faatɛ wa an dɔ yian‑da.

KO Ɔ NUNDENƐ 2:16

Chɛ an‑na a fɔ, wo wo kan kɔ sɔ wo 'a ko yama chɛ n na. Ni chɛ ma, a ɔ ee yansan tena, n na‑a wo tena, mbɛ n‑na butuinɛ chɛ an mɔɛ chɛ n na, chɛɛ chɛ mɛ chɛ a, min mbe n da ɔ.”

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.