GBOO FEAN BƆƐ TƐSADONIKA KO A 2:7 - Yataa 'a Dɔbɛnɛ Nama
7 Mɔ sɛsɛ n gbu, an mbe gbɛ koe chɛ n ma‑a nun dɔ, Yataa ma dɔn ni mmɔ ni miin ma. Chɛɛ mɔɛ chɛ, min mbe a a gban tena, ɛ to‑a wan a a gban‑da, aan ɛ ka‑a chia a tima min na.
N‑na a ɔ sɔn fan, mbɛ ni n ta‑a, fania kan chɛ mɔɛ n mbe na‑a wan n gbaa. An mbe ma‑a wan, yɔ nya fenɛ nu wo tɛ ɔ, a sin, an mbe ee sai bɔ‑a, wo 'a mɔɛ n na.
Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.
N 'na denɛ nu, mmɔ ɛ ka gbɛ tee dankama tee an kɔɔ, Chisɔsi Chasi na koe a to. A na‑a a fɔ wan wo ye, mbɛ Chasi chɛɛ ma nyɔɛ ɛ na tena wan, ɛ bɔ‑a mɔ gbu n tɛ ɔ wan. Sanche chɛ ɔ, a chɛɛ ma nyɔɛ n‑na an kun na bɔ. Chɛ an mbe a ɔ yian mmɔ a, mbɛ tee dankama tee che‑a.
Chɛɛ ni mɔ ɔ mɔ‑a kɔɔsa bia chɛ chɛ ma, Yataa 'a Nyina ee a fɛ. A ta nyina chɛ nɛnɛ, an mbe ma mɔɛ chɛ n fɛ, miin mu Chasi chɛɛ ma nyɔɛ n na. Wo na‑a a mɔɛ chɛ nyɔn sima n na koe a min fan. A sin gbu na‑a. Sanche chɛ wɛɛ ɔ, ɛ nɛ dunya ɔ.
Musu chɛ ya kɔɔɛ ma, tɔɛ nyɛnden fan ni nɔ, min fasai nunden ni. Chɛ an nyɛnden ni a ma, a ɔ, “Babidon duu wa chɛ, an mu duu dia n gbɛɛ de a, mɔɛ chɛ n gbɛɛ, miin mbe ko yama kan kɔ kan ma.”
Chɛɛ maeka chɛ ɔ te n ma, a ɔ, “I da ɔ ma gbaa. N mbe koɔ nunden chɛ ɔ yian‑da wan i a, a si musu chɛ ma. N mbe a ɔ yian‑da wan i a, a si soe yama chɛ wɛɛ ma, ɛ ka si ɔ min kun ma, soe min kunɛ ɛ ka wɔnfea, a bena sin mbe tan.