GBOO FEAN BƆƐ TƐSADONIKA KO A 2:16 - Yataa 'a Dɔbɛnɛ Nama

¹⁶ Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

GBOO FEAN BƆƐ TƐSADONIKA KO A 2:16 ပူးပေါင်းရင်းမြစ်များ

DUKU 16:25

“Chɛɛ Ebeami ɔ, ‘N 'na den, i yii na chii, mbɛ tima min na i ni fɔɛ ɔ, Yataa na‑a fen chɛndɛ kan kɔ kan be wan i ma, i toen ni min na. Chɛɛ Dasayɔsi tana, a na‑a ko yawaenɛ dechee an dɔ yen. Chɛɛ sanche gbɛ, ɛ gbɛ buɔdia wa an dɔ nɛ, i sin mbe tɔɔya ɔ.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 15:13

Ni mɔɛ fa‑a mɔɛ n ko a, a toen mu miin na, chia dɔ mende ee to nɔ, koadia ɔ yian koe a, a ni ben chɛ ma.

CHƆN 15:9

N toen fan mu wo a, yɔ Fa wɛɛ toen mu buɛ min dɔ n na. Wo ma wo kan kɔ sɔ n 'na koadia a.

CHƆN 16:22

Wo wɛɛ, an mbe ka ma‑a wo a sanche chɛ ɔ. Wo e faayɔnɛ an dɔ, chɛɛ a ee mɛ‑a, n mbe wo yen‑da wan to. A sin, wo bu ɔ dia‑a wan kaka. An buɔdia chɛ nɛnɛ, mɔ ɔ mɔ ee che‑a a ma‑a to, wo ni fo a a.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHISƆSI 'A SƆ MƆƐ NU 15:11

Chɛɛ mmɔ danden fan mu a a, mbɛ mmɔ ɛ bauncha ma sɔn‑da wan, koadia demanɛ 'a gbasaya ɔ, Mansa Chisɔsi ɛ min chɛ, yɔ an bɛɛ an mbe a ma sɔn‑da buɛ min dɔ.”

CHISƆSI 'A SƆ MƆƐ NU 18:27

Chɛ gbakɔ, a toen ni kɛn a ni ben Akaya chɛnyɛ ɔ, suun ma nyɔɛ chɛ nu Chasi ɔ, an‑na a faa ma nande wan. Mbɛ an‑na gboo nyɛn an suun ma nyɔɛ chɛ n tena Akaya, an dɔ, an ni an boo si a kɔɔ chɛndɛ chɛ. A che‑a kɛn Akaya, a basan‑da wan mɔɛ chɛ n ma kaka, miin na‑a an kai fa Chisɔsi a, koadia demanɛ 'a gbasaya ɔ, Yataa ɛ min chɛ.

GBOO DOMI KO A 1:7

Chɛ an fɛ mu, n mbe gboo chɛ nyɛn tena wo tena, wo gbɛɛ Domi duu ɔ. Wo ko a di Yataa ye, a sin‑na wo ya ma koe a a 'a mɔɛ n na. Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO DOMI KO A 4:16

Chɛ an fɛ mu, Yataa 'a tooɔdia chɛ, a kuu si‑a danaya an ma, Ebeami na‑a min chɛ a a. Yataa 'a tooɔdia chɛ ma fen dɔ mende a, chɛɛ a mu wai nyima chɛ an na, a na‑a min chɛ Ebeami cheeya n na. Cheeya chɛ nu, an ma dechee chɛ n fan na, miin boo a sien mu Mosisi 'a sawa n kɔɔ. Chɛɛ an mu wan chɛ n bɛɛ a, miin danden mu Yataa a, yɔ Ebeami na‑a dan buɛ min dɔ a a. Koe min na mu, mmɔ gbɛɛ bemba n ta bemba mu Ebeami an na, danaya ko a Yataa a.

GBOO DOMI KO A 4:4

Mɔɛ min mbe wai chɛ pawa ko a, ɛ pawa an ma sɔn. Mɔɛ 'a pawa ma ma ni, yɔ wai nyima, chɛɛ fenɛ mu a a, mɔɛ chɛ ɛ wai chɛ min ko a.

GBOO DOMI KO A 5:8

Chɛɛ Yataa‑a a ɔ yian fan mmɔ a, mbɛ a toen mu mmɔ a kaka. Koe min na mu, mmɔ to‑a mmɔ 'a ko yama n fan dɔ, mbɛ Chasi fa‑a mmɔ ko a.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

Gboo Ɛfisɔsi Ko A 5:25

Musu si kai nu, wo to wo 'a musu n na, yɔ Chasi to‑a buɛ min dɔ chɔchi a, mbɛ a‑a a fɔɛ be a ko a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 3:11

Mmɔ Fa Yataa wandi, an fea mmɔ 'a mansa Chisɔsi a, an ni chia a ka nn ye, nn ni na wo tena.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 7:19

Koe min na mu, chia dɔndɔɛ wɛɛ a, sawa gbu nii ma a ma ni, ko kan kɔ kan ni sɔ a chia ma chɛndɛ chɛ. Yiinatɛ chɛndɛ yian‑da wan mmɔ a, min mbe mmɔ ma sawan Yataa tena.

1 CHƆN 3:16

Chisɔsi Chasi‑a a fɔɛ be wan mmɔ ko a. Chɛ‑a a ma wan, mmɔ‑a a ɔ sɔn koadia mu fenɛ min nyɔn sima a. Chɛ an fɛ mu, mmɔ wɛɛ, a nyin fan mmɔ ni mmɔ wandi be mmɔ suun ma nyɔɛ n ko a.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 22:5

A sin to, pimbi ee ma‑a nɔ kuɔ fɔ, dambo manɛ ma gbɔsɔ ee ma‑a an ma, chɛ ma, tee ma gbɔsɔɛ ni ma an ma. Koe min na mu, Yataa Mansa an mbe ma‑a an 'na manɛ a, an sin mbe ma‑a wan mansa n na, kuɔ fɔ ko a.

KO Ɔ NUNDENƐ 3:9

Mɔɛ chɛ nu, miin‑na an fandi ya Chu mɔɛ n na, chɛɛ fania mu, Sitana 'a mɔɛ chɛ nu, a yen ko, n mbe a ma‑a wan an ni na, an ni an bun wo chen kɔɔ. An gbɛɛ, an ni a ɔ sɔn, mbɛ n toen fan mu wo a.