GBOO FEAN BƆƐ TƐSADONIKA KO A 2:14 - Yataa 'a Dɔbɛnɛ Nama

¹⁴ Nn ni sakana bai chɛndɛ min sa ka wo tena, Yataa na‑a wo chee an dɔ, bauncha chɛ ma sɔn koe a. A na‑a wo chee, min mbe a ma, a ni basɔmaya be wo ma, yɔ a na‑a min nyɔn sima be mmɔ 'a mansa Chisɔsi Chasi ma.

GBOO FEAN BƆƐ TƐSADONIKA KO A 2:14 ပူးပေါင်းရင်းမြစ်များ

MATIU 25:21

Mbɛ a ɔ, ‘En wai. Mɔ chɛndɛ mu i a, i sin‑na a ɔ yian n na, mbɛ i danayaen mu kɔpɔ ɛnden bɛɛ kun ma. Chɛ ko a, n mbe kɔpɔ sɛmbɛnden be‑a wan i ma, i ni a kun ma fɛn. Na, mɔ ni buɔdia bɔ.’

CHƆN 17:22

N‑na a ma an bɛɛ‑a basɔmaya ma sɔn, i na‑a basɔmaya min be n ma. N‑na chɛ ma, min mbe a ma, an ni ma mɔ dɔndɔya ɔ an nyɔn na, yɔ mɔ fea ɛ buɛ min dɔ.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO DOMI KO A 2:16

Chɛ an fɛ mu, koe chɛ n gbɛɛ ɛ ma‑a wan tee chɛ ma, Yataa ɛ a ma‑a tee min na Chisɔsi Chasi ni kaa tɛ koe ma, miin mbe nun dɔ mɔɛ n yiima ɔ. N mbe bai chɛ an fɔ tena mɔɛ n ye, sakana bai chɛndɛ chɛ ɔ, n mbe min dɔ yian ka.

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Saa Tɛsadonika Ko A 1:5

A mu min na, nn‑na sakana bai chɛndɛ chɛ ɔ yian wo a, a si Chisɔsi Chasi ma. Nn ma a ɔ yian ni dechee nn da n fan dɔ. Chɛɛ Yataa Nyina an bɛɛ ni ka wai chɛ‑a gbasaya wa ɔ. A sin, nn danden fan ni a a, mbɛ nn mbe tea bai n fan fɔ. Wo sin gbu na‑a nn yen fan, mmɔ bɛ ni tima min na, nn ni fɔɛ min nyɔn sima ɔ. Nn‑na chɛ gbɛɛ ma, basan koe an na wo ma.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

2 TIMOTI 2:12

Ni mmɔ‑a mɔnɛ ɔ bia, mmɔ wɛɛ ɛ ma‑a wan mansa a a mmɔ bɛ. Ni mmɔ ban‑da a ɔ, a wɛɛ ɛ ban‑da wan mmɔ ɔ.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

KO Ɔ NUNDENƐ 21:23

A sin, tee ma gbɔsɔ nii an duu chɛ ma, kau ma gbɔsɔɛ wɛɛ nii a ma. Koe min na mu, Yataa 'a manɛ ɛ wan a ɔ, a yɛ to, sa tɔngbɔɛ wɛɛ ɛ manɛ be wan a ma, yɔ dambo ɛ manɛ be buɛ min dɔ.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”