GBOO FEAN BƆƐ TƐSADONIKA KO A 1:11 - Yataa 'a Dɔbɛnɛ Nama

¹¹ Chɛ an fɛ mu, nn mbe samunɛ chɛ wo ko a tima ɔ tima ko a. Nn mbe mmɔ 'a Yataa fai tena, min mbe a ma, wo ni kun ma koe a fɔɛ chɛ ɔ, a‑a wo chee ma koe a min dɔ. A ni a ma, a 'a gbasaya ɔ, wo ni che wo faa ma koe chɛndɛ gbɛɛ ma‑a. A yɛ to, wo kai faenɛ min chɛenɛ ɛ Chisɔsi a, a ni a ma wo ni koe gbɛɛ ma, wo e min ma.

GBOO FEAN BƆƐ TƐSADONIKA KO A 1:11 ပူးပေါင်းရင်းမြစ်များ

MAKI 4:28

Duu gboo wandi, an mbe a ma, chin fenɛ ɛ nyan, a ni gbɔɛ be. Koe saa mu min na, chin fenɛ ɛ gbungbu pɛn, mbɛ a bɔ‑a duu kun ma, a pɔndɛn pɔndɛnɛ. A dankama a, mbɛ a gbɔɛ si‑a a a, a ma‑a wɔsɔkɔɔ.

DUKU 12:32

Chisɔsi ɔ, “Wo wɛn mbe n fɛ, wo ma kɔkoo, chɛɛ wo ma chian. A a di wan Fa Yataa ye, na koe a wo a, a 'a mansaya kɔɔ.

GBOO DOMI KO A 1:9

Yataa an mu n 'na sii a, mbɛ n mbe bai min fɔ tena, tea bai mu. A sin, n mbe wai chɛ tena an ko a n faa gbɛɛ a. Sakana bai chɛ, a si a 'a denɛ ma, n mbe a ɔ yian‑da mɔɛ n na. Yataa‑a a ɔ sɔn fan, mbɛ wo e wan n 'na yiinachii ɔ tima ɔ tima ko a.

GBOO DOMI KO A 11:29

Koe min na mu, ni Yataa ban‑da a boo sɔ‑a mɔɛ miin ma, a ban‑da a sɔ‑a an ma. Ni a‑a mɔɛ miin dua, a ban‑da an dua‑a. A ee a da a kuiɛ yɔn.

GBOO DOMI KO A 15:14

N bɔ Chisianɛ nu, n fandi gbu wɛɛ danden fan mu a a, mbɛ mɔ chɛndɛ wa mu wo wɛɛ gbu a. Wo‑a wo boo nyima tɛ bɔɛ sɔn fan wo manɛ a chɛndɛ chɛ. Wo‑a a ɔ sɔn fan, wo e dasi be buɛ min dɔ wo nyɔn ma.

GBOO DOMI KO A 8:30

Chɛ an‑na a fɔ, Yataa‑a a boo sɔ ka miin ma, a‑a an chee. A sin‑na miin chee ka, a‑a an ya mɔ tandenɛ n na a wandi tena. Mɔɛ chɛ n sin ɛ miin ya mɔ tandenɛ n na, ɛ a ma‑a wan an ni a 'a basɔmaya dɔ ma sɔn.

GBOO SAA KƆYINDI KO A 1:8

Ɛ wo 'a danaya n dɔ gbɛa‑a wan, aan a sɔ tee danka chɛ ma. Ɛ a ma‑a wan, mabɔ kan kɔ kan mbe ee ma‑a wo ma, an tee wa chɛ ma, mmɔ 'a mansa Chisɔsi Chasi ɛ na‑a to tima min na.

Gboo Ɛfisɔsi Ko A 1:5

a ban‑da wan gbɛ a ɔ bɛn‑da suun, mmɔ ma koe a a 'a denɛ n na, Chisɔsi Chasi 'a gbasaya ɔ. Yataa toen ni an ni ma, a‑a a sin dɔ bɛn ka wan.

Gboo Ɛfisɔsi Ko A 1:9

a‑a a faa ma koe ɔ yian fan mmɔ a, min dɔ nunden ni tee mmɔ ma. A toen ni chɛ an ni ma, a sin, a‑a Chasi a na, an ma koe a.

Gboo Fiipai Ko A 1:6

Chɛ an fɛ mu, n danden fan mu a a, mbɛ Yataa boo ɛ ka gbɛ buɛ min dɔ wo baun koe ɔ, a ee sɛmbɛ‑a to. A ɛ wo baun‑da wan, aan a ni che a danka a gbɔdɛ, aan Chisɔsi Chasi na tima a to.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Fiipai Ko A 3:14

N mbe n fɔsɔ tena, ya ɔ ma an ko a, n ni tɔnɔnɛ chɛ ma sɔn. Mɔɛ min fea Chisɔsi Chasi a, an ma‑a mɔ dɔndɔɛ a, ɛ tɔnɔnɛ min ma sɔn, ni Yataa‑a an mɔɛ chee banda bu ɔ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

GBOO FEAN BƆƐ TƐSADONIKA KO A 1:5

Chɛɛ chɛ gbɛɛ ɛ a ɔ yian tena wan, mbɛ Yataa ɛ tea kaa an na tɛ. Wo e tɔɔya min dɔ yen tena, Yataa 'a mansaya an ko a mu, banda bu ɔ. Wo e ka tɔɔ‑a buɛ min dɔ, an mbe wo ma‑a mɔɛ n na, miin mbe kun an ni don a 'a mansaya kɔɔ.

GBOO FEAN BƆƐ TƐSADONIKA KO A 2:14

Nn ni sakana bai chɛndɛ min sa ka wo tena, Yataa na‑a wo chee an dɔ, bauncha chɛ ma sɔn koe a. A na‑a wo chee, min mbe a ma, a ni basɔmaya be wo ma, yɔ a na‑a min nyɔn sima be mmɔ 'a mansa Chisɔsi Chasi ma.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

KO Ɔ NUNDENƐ 3:4

Chɛɛ chɛ gbɛɛ ɔ, wo dɔ n mbe wan nɔ Sadisi duu chɛ ɔ, wo wɛn tachɛ buɛ nyin Yataa tena. Wo mɔɛ chɛ nu, mmɔ bɛ, mmɔ ɛ doma gbɛ don‑da wan, mmɔ ni tachɛ chɛ. Chɛ ɛ ma‑a wan, koe min na mu, chɛ bɛnden fan mu an ma.

KO Ɔ NUNDENƐ 5:10

I‑a an ma mɔɛ n na, Yataa 'a mansaya kɔɔ, tɛ mɔɛ mu miin na, miin mbe ma‑a mansa a dunya chɛ kun ma.”