GBOO FEAN BƆƐ TƐSADONIKA KO A 1:10 - Yataa 'a Dɔbɛnɛ Nama

¹⁰ Chɛ an mbe ma‑a, ɛ na‑a tima min na an tee wa chɛ ma, tando ma sɔn koe a, a basan basɔmaya a. A ma sɔn koe a, a ka a ta mɔɛ chɛ n gbɛɛ a, miin kai faen mu a a. Wo wɛɛ, wo e ma‑a wan an tɛ ɔ. Koe min na mu, wo‑a wo kai fa sakana bai chɛ a, nn‑na min fɔ wo ye.

GBOO FEAN BƆƐ TƐSADONIKA KO A 1:10 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MATIU 24:36

Chisɔsi ɔ, “Chɛɛ mɔ ɔ mɔ ma a tee gbu sɔn, a basan a tima a, n na koe a. N fan, Yataa 'a denɛ wɛɛ, n ma a ɔ sɔn, ni n mbe na‑a tima min na. Maeka n bɛɛ, an ma a ɔ sɔn. Fa Yataa dɔndɔ gbe, an‑na a ɔ sɔn.

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MATIU 7:22

Ni tee chɛ che‑a, Yataa ɛ mɔɛ n gbɛmbo‑a tee min ma, mɔ sɛsɛ n mbe a fɔ‑a wan n ye, an dɔ, ‘Mansa, Mansa, nn ni Yataa bai ɔ yian i wan tɔɛ ɔ. A yɛ to, nn ni nyina yama n gbain i tɔɛ an dɔ, a basan kamaya koe chenama sɛsɛ a, nn ni an chɛ i tɔɛ ɔ wan.’

DUKU 10:12

N ni a ma din wo tena, mɔ yama chɛ nu suun Sɔdɔn duu ɔ, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

CHƆN 11:4

Chisɔsi‑a sakana chɛ a min kɛn, a ɔ, “Dasayɔsi 'a gbandi chɛ, a ee che‑a a ma‑a a ni fa kudai. Chɛ ɛ ma tena, min mbe a ma, mɔɛ n ni Yataa 'a gbasaya ɔ yen. A sin, ɛ ma tena to chia an na, n fan, Yataa 'a denɛ, mɔɛ n mbe n 'na kamaya ɔ yen‑da chia min na.”

CHƆN 17:10

Mɔɛ miin gbɛɛ n ko a, i wɛɛ, i 'a mɔɛ nu mu. Mɔɛ miin gbɛɛ, an mbe i ko a, n bɛɛ, n 'na mɔɛ nu mu. A sin, an mbe a ɔ yian tena wan, n kamayaen mu buɛ min dɔ.

GBOO SAA KƆYINDI KO A 1:6

Chɛ‑a a ɔ yian fan ka, mbɛ nn‑na bai min fɔ wo ye, a si Chisɔsi Chasi ma, mbɛ wo boo a sien mu a kɔɔ chɛndɛ chɛ.

GBOO SAA KƆYINDI KO A 3:13

Chɛɛ mɔ ɔ mɔ ta wai chɛ buɛ, ɛ bɔ‑a wan ya a ma, kaa a tɛ tee chɛ ma. A sin, ta an mbe a ɔ yian‑da, mɔ ɔ mɔ kan kɔ kan‑na a ta wai min chɛ.

Gboo Kadesia Ko A 1:24

A sin, n bakoe na‑a a ma wan, an‑na Yataa tando.

Gboo Ɛfisɔsi Ko A 1:12

Nn fan, nn fɛn ma‑a mɔɛ saa n na, nn kai fa koe a Chasi a, Yataa ban‑da gbɛ a boo sɔ‑a nn ma, tando be koe a a ma, basɔmaya wa ɛ a wɛn boo ɔ.

Gboo Ɛfisɔsi Ko A 1:14

Yataa Nyina ɛ wan mmɔ fɛ. Chɛ ko a, mmɔ yii na tɛenɛ ni ma gbɛ, mbɛ ɛ fen chɛ n be‑a wan mmɔ ma, a‑a mmɔ too ɔ dia miin na. Mmɔ wɛn sin mu ka a ta mɔɛ n na, mmɔ ɛ fen chɛ n ma sɔn‑da wan, tima min‑na, ɛ mmɔ kun ka‑a gbae. Chɛ ɛ a ma‑a wan, Yataa ni tando ma sɔn, basɔmaya wa ɛ a wɛn ma.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 1:6

Mmɔ Yataa tando kamaya chia chɛ ko a, a‑a a 'a koadia demanɛ ɔ yian mmɔ a min na, a faa gbɛɛ a. A‑a chɛ sin ma, a faa ma denɛ an dɔ.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:10

A‑a chɛ ma, min mbe a ma sanche, a ni a ɔ yian nyina yama n na, an bɛ an ya ɔ sɔɛ n na, gbasaya ɛ miin boo ɔ banda a, mbɛ yiimatɛ koo a ɔ kaka. A‑a chɛ ɔ yian an na koe n fan dɔ, a‑a miin chɛ chɔchi ko a.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Saa Tɛsadonika Ko A 1:5

A mu min na, nn‑na sakana bai chɛndɛ chɛ ɔ yian wo a, a si Chisɔsi Chasi ma. Nn ma a ɔ yian ni dechee nn da n fan dɔ. Chɛɛ Yataa Nyina an bɛɛ ni ka wai chɛ‑a gbasaya wa ɔ. A sin, nn danden fan ni a a, mbɛ nn mbe tea bai n fan fɔ. Wo sin gbu na‑a nn yen fan, mmɔ bɛ ni tima min na, nn ni fɔɛ min nyɔn sima ɔ. Nn‑na chɛ gbɛɛ ma, basan koe an na wo ma.

Gboo Saa Tɛsadonika Ko A 2:1

Nn suun ma nyɔɛ nu Chasi ɔ, wo wandi a ɔ sɔn fan, mbɛ nn na‑a min chɛ‑a nɛ, mbɛ na yama ma.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

GBOO FEAN BƆƐ TƐSADONIKA KO A 1:12

Chia chɛ a mu, mmɔ 'a mansa Chisɔsi tɔɛ ɛ basɔmaya ma sɔn‑da, a ka wo a. A sin, wo wɛɛ, wo e basɔmaya ma sɔn‑da wan, a ka a a. Yataa 'a koadia demanɛ, an fea mmɔ 'a mansa Chisɔsi Chasi a, an mbe a ma‑a chɛ ni ma.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

2 TIMOTI 1:18

I sin‑na a ɔ sɔn fan chɛndɛ chɛ, a‑a min chɛ n ko a Ɛfisɔsi duu ɔ. Mansa Yataa ni chinchin a ma tee dankama ma.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.