Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ KƆYINDI KO A 9:8 - Yataa 'a Dɔbɛnɛ Nama

8 A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.

အခန်းကိုကြည့်ပါ။ ကော်ပီ




GBOO FEAN BƆƐ KƆYINDI KO A 9:8
28 ပူးပေါင်းရင်းမြစ်များ  

Chɔpa duu wɛɛ ɔ, musu dɔndɔ ni wan nɔ, min tɔ ni Tabita. A na‑a a kai fa wan Chisɔsi a. Kiisi mɔɛ n ni a chee, an dɔ, Dɔkasi, min fasaien ni dɔmba. A 'a fɔɛ gbɛɛ ɔ, a ni wai nyima wa an chɛ, a ɛ basan yɔn tɔɛ n bɛɛ ma.


Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.


Wo toen mu, wo ni a ɔ sɔn, mbɛ n mbe koɔ tena, Chasi 'a gbasaya an dɔ. Wo sin mbe a ɔ sɔn‑da wan. Ni a ma‑a tachɛ‑a wo a, a ee ma gboo ɔ fa ɔ. Chɛɛ ɛ min ma, ɛ a 'a gbasaya ɔ yian fan wo tɛ ɔ.


Chɛ an dechee ko a ma. Chɛɛ a gbu, chɔchi n gbɛɛ‑a an boo sɔ an ma, an‑na a yian, an 'na kɔpɔɛ ni ma a boo ɔ, a ni bea nn fɛ nn 'na tachɛ ɔ. Ni nn ma‑a wai chɛ chɛ‑a, nn bɛ ni ma. Nn gbɛɛ, nn ni wai chɛ, baa be koe a Mansa Chisɔsi tɔɛ ma. A yɛ to, min mbe a ma, nn ni a ɔ yian, mbɛ nn toen mu, nn ni basan mɔ dɔ mende n ma.


An‑na ko gbɛama sɛsɛ ɔ bia wan, an sin ni wan to yɔnɛ wɛɛ ɔ, min ni koo. Chɛɛ chɛ gbɛɛ ɔ, buɔdia min ni an dɔ, a ni koo kaka an ma. Mɔ ni chɛ gbu sin yen fan an boo fen ba n dɔ, an ni miin be an faa gbɛɛ a.


Wo nyanden mu gbɛ kaka, fenɛ gbɛɛ ɔ, miin mbe wo boo ɔ. Wo nyanden mu wo 'a kaifa ɔ, Chisɔsi a, wo nyandenɛ ɛ bai n dɔ, wo e miin sa. A yɛ to, yiimatɛ wɛɛ ɔ, teaya gbɛɛ ɔ, a basan koadia a, min mbe wo ɔ, n ko a. Chɛ ko a, wo e ka koadia wai min chɛ‑a, nn toen mu, wo nyandenɛ ni ma ko chɛndɛ ma wɛɛ ɔ.


Ɛ a ma‑a wan i nyanden ba ni ma, ko chɛndɛ ma koe a, tima ɔ tima ko a. Chɛ ɛ a ma wan, mɔ sɛsɛ ni Yataa wai bɔ, i boo fenɛ chɛ n ko a, an mbe miin ma sɔn, a ka nn na.


Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.


Mmɔ Yataa tando, min 'na gbasaya ɛ wai chɛ tena mmɔ ɔ. A gbasaya ɛ wan Yataa boo ɔ, koe n ma koe a mmɔ yii nii miin dɔ. Ɛ koe n ma wan, miin koo an ni ben chɛ n ma, mmɔ ɛ a ɔ tisa miin ma koe a.


An ma a fɔ ni, n mbe ka gbonyɛ an na, mbɛ fen mbe ee n boo ɔ. Koe min na mu, n dii koe mu gbɛ, mbɛ fɔɛ ɛ ma buɛ min dɔ n ko a, tima ɔ tima, a ni ma faachima a n tena.


Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.


A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.


A chia dɔndɔ gbe chɛ a, mɔɛ min mbe a wandi boo a ko‑a ko yama ma a, baa ɛ ma‑a wan a ma Yataa tena. A mu min na, ɛ tenchen a kun ti an ko a, a sin ma gbɔsɔɛ ɛ wan a ma. A mɔɛ tana, a ma bɛnden fan mu wai chɛndɛ chɛ koe a.


Chɛ ɛ a ma‑a wan, Yataa 'a mɔɛ ma bɛndenɛ ni ma chɛndɛ chɛ, a kandenɛ ɛ wai chɛndɛ kan kɔ kan chɛ koe a.


A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.


A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.


Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.


Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ