Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ KƆYINDI KO A 9:6 - Yataa 'a Dɔbɛnɛ Nama

6 Koe gbu mu chɛ an na, a nyin wo ni min sa wo yii ma. Mbɛ mɔɛ min mbe chin fen pɛɛ chin, ɛ chin fen pɛɛ an ma sɔn. Chɛɛ mɔɛ min mbe chin fen chenama chin, ɛ chin fen sɛmbɛndenɛ an ma sɔn.

အခန်းကိုကြည့်ပါ။ ကော်ပီ




GBOO FEAN BƆƐ KƆYINDI KO A 9:6
20 ပူးပေါင်းရင်းမြစ်များ  

Wo wai nyima chɛ wo bɔɛ n na. Ni wo‑a chɛ ma, Yataa wɛɛ ɛ wai nyima chɛ‑a wan wo a. Ɛ fenɛ miin be‑a wo ma, ɛ kɔkoa‑a wan aan, a sin mbe ma‑a wan, yɔ ni an‑na pani a fa gban, mbɛ an‑na a ma din, mbɛ an‑na a a fa to, ɛ bɔn fan a ma. Wo‑a a be‑a buɛ min dɔ wo bɔɛ n ma, Yataa wɛɛ‑a a be‑a ka wan wo wɛɛ ma.”


N mbe min fɔ tena wo ye, an nɛ. Mbɛ wo gbɛɛ, wo da a kuiɛ ee kaina dɔndɔ. Wo dɔ n mbe a fɔ wan, wo ɔ, “Pɔɔ fɛ mɔɛ mu n na.” Mbɛ wo dɔ n‑na a fɔ, wo ɔ, “N mbe Apɔdɔsi an fɛ,” dɔ n dɔ, “Pita,” dɔ n sin dɔ, “Chasi fɛ mɔɛ chɛndɛ mu n na.”


Chɛɛ tea gbu ko a, Chasi na‑a a kɔɔ sɔ wan, a ka saya ɔ. A ma‑a mɔɛ saa a, a kɔɔ sɔ koe a, chɛ n tɛ ɔ, miin na‑a an kai fa a wan Chasi a, mbɛ an fa‑a. Chɛ ni a ma, mmɔ ni dan a a, mbɛ mmɔ wɛɛ ɛ na‑a wan mmɔ kɔɔ sɔ‑a, a ka saya ɔ.


N suun ma nyɔɛ nu Chasi ɔ, min mbe n yii ma, tima min yianden mu, a ɔ wua‑a gbɛ. A ka gbɛ sanche ma, aan a ta, musu si kai n ni ma, yɔ mɔɛ nu, musu ee miin boo ɔ.


Yataa sin fan mbe chin fen kuu be chin fen chin mɔɛ ma, ɛ daun fenɛ be mɔ gbu ma, a daun koe a. Chin fen kuu gbɛɛ, i toen mu min na, ɛ a be‑a wan i ma. Ɛ i boo fenɛ ma munda‑a wan, min mbe a ma, e fenɛ min be yakɔɔtawa tɔɛ n ma, a ni koa.


Chɛ an fɛ mu, n‑na n yii na chii, mbɛ a nyin fan, n ni mmɔ bɔɛ Chisian chɛ n disa, an ni na n ya ɔ wo tena. Mbɛ wo na‑a wo boo fenɛ miin be koe fɔ, wo sin‑na a sa tena ɔ bɛn, a be koe a, wo ni a be. An ni a sa tena ɔ bɛn, n ya ɔ. Chɛ sin mbe a ɔ yian‑da wan, mbɛ wo ta faa ɔ mu, wo‑a a be, chɛɛ mɔ an ma a din ni wo ma.


N toen mu n ni min fɔ, an nɛ. Mbɛ Yataa‑a sawa be wan Mosisi ma. A ban‑da kɛn dɔbɛnɛ chɛ‑a Ebeami a, san chɛmɛ naanin, san bi sawa gbakɔ, mbɛ a‑a sawa chɛ be Mosisi ma. Chɛ an fɛ mu, an sawa chɛ ee che dɔbɛn chɛ yɔn‑da, Yataa ban‑da min chɛ‑a. Chɛ ee che ma‑a, min mbe a ma, Yataa‑a tooɔdia min chɛ Ebeami a, a ni ma fuu gbama a.


Chɛɛ n ni chɛ fɔ wo ye. Wo tachɛ Yataa Nyina gbee a. Wo faa ma ta wo faa ma koe yama chɛ n tena, bea koe a an fɛ.


Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.


N mbe chɛ fɔ tena, min mbe a ma, mɔ ɔ mɔ ma na wo bun, an 'na daɔdia bai ma kawaenɛ n na, an mbe miin dɔ yian‑da.


Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ