GBOO FEAN BƆƐ KƆYINDI KO A 9:4 - Yataa 'a Dɔbɛnɛ Nama

⁴ Koe min na mu, ni Masidonia mɔɛ n bea‑a nn fɛ, na koe a, an ni a ɔ yen, mbɛ wo ma wo ma bɛn ni, mau wa mu nn ko a. Wo ta nan tana, n yii na tɛen mu ka buɛ min dɔ wo ma, n mbe ee a fɔ, wo ta mau ɛ ma‑a buɛ min dɔ.

GBOO FEAN BƆƐ KƆYINDI KO A 9:4 ပူးပေါင်းရင်းမြစ်များ

GBOO DOMI KO A 15:26

Koe min na mu, chɔchi mɔɛ chɛ nu Masidonia chɛnyɛ ɔ, an bɛ Akaya chɛnyɛ ɔ nɛnɛ n bɛɛ a, an‑na an boo fenɛ a bɔ faaɔgbɛ ɔ. An toen mu an ni chɛ n deman, miin yakɔɔtawaen mu Yataa 'a mɔɛ n tɛ ɔ Chuusaɛn duu ɔ.

GBOO SAA KƆYINDI KO A 16:2

Tɛnɛ kan kɔɔ dɔɛ kan kɔ kan ma, mɔ ɔ mɔ ni kɔpɔɛ ɛnden dɔ bɛn, a ni a sa tena ɔ bɛn. Mɔɛ ɛ kɔpɔɛ ma sɔn buɛ min dɔ, ɛ a boo ma sɛ ka wan, mbɛ a‑a a sa tena ɔ bɛn. Chɛ ɛ a ma‑a wan, n mbe a fo‑a nɔ tima min na, kɔpɔ ma kain mbe ee ma‑a to nɔ.

GBOO FEAN BƆƐ KƆYINDI KO A 11:17

N gbu sin, mbe ka miin fɔ‑a gbɛ, bai ma a, Mansa Chisɔsi toen mu min na. Chɛɛ n mbe a fɔ tena wan, yonka chɛ a, yɔ woo mɔɛ ɛ koɔ buɛ min dɔ.

GBOO FEAN BƆƐ KƆYINDI KO A 8:24

Nn‑na yonka tɛ wan, a si wo ma, mɔna chɛ n tena. Chɛ ko a, wo a ɔ yian mɔɛ chɛ n na, a basan chɔchi n gbɛɛ a, mbɛ nn‑na tea yonka an tɛ, a si koadia ma wo faa ɔ.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

FIDEMƆN 1:19

N fan Pɔɔ, n fandi gbu boo gba an nɛ. N fan mbe a be tena, n‑na a ɔ sɔn bɛɛ ka boo ɔ boo, mbɛ n fan ta mu i wandi gbu a.