GBOO FEAN BƆƐ KƆYINDI KO A 9:15 - Yataa 'a Dɔbɛnɛ Nama

¹⁵ Yataa ɛn wai, a 'a wai nyima ko a, a‑a min chɛ mmɔ a. An wai nyima chɛ sɔnkɔ ee.

GBOO FEAN BƆƐ KƆYINDI KO A 9:15 ပူးပေါင်းရင်းမြစ်များ

DUKU 2:14

“Tando ni be Yataa ma, min mbe banda bu ɔ pɔɔ, a sin, faachima ni ma mɔ gbu n ma dunya ɔ, Yataa ɛ ko chɛndɛ ma‑a miin na.”

DUKU 2:38

A tima dɔndɔ gbe chɛ kɔɔ, a wɛɛ‑a Chisɔsi n tan fan, an bɛ a woo n na. Mbɛ a bun‑da Yataa wai bɔ‑a. A‑a bai sa wan, a si den chɛ ma, mɔɛ chɛ n gbɛɛ tena, mɔɛ miin ni Chuusaɛn kun ka koe ma kɔn tena.

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

GBOO DOMI KO A 5:15

Chɛɛ mɔ fea chɛ n ni dama. Koe min na mu, Yataa 'a koadia demanɛ, a ee ka yɔ Adami 'a ko yama maenɛ. Tea gbu mu a a, mbɛ mɔ sɛsɛ faen mu mɔ dɔndɔ gbe chɛ 'a ko yama maenɛ ko a. Chɛɛ Yataa ɛ a 'a koadia demanɛ chɛ chia min na a koo kaka. A sin chia chɛ a mu, a 'a ko chɛndɛ chɛen mu mɔ gbu gbɛɛ ko a, gbama gbama a. Chɛ maen mu mɔ dɔndɔ gbe a ko chɛndɛ ma an dɔ, Chisɔsi Chasi.

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

GBOO DOMI KO A 8:32

Yataa ma a boo a ben ni a wandi gbu 'a denɛ wɛɛ kɔ, a kunɛ bɔ koe a tɔɔya ɔ. Chɛɛ a‑a Chisɔsi be wan yasi a mɔ gbu gbɛɛ ko a. Ni ɛ chɛ ma wan mmɔ ko a, ɛ kun fan a ni fen kɔ fen be mmɔ ma gbama gbama a, a faa gbɛɛ a.

GBOO SAA KƆYINDI KO A 15:57

Chɛɛ Yataa ni wai. A‑a buɔdia be mmɔ ma. Mmɔ 'a mansa Chisɔsi Chasi 'a gbasaya ɔ, Yataa‑a a ma mmɔ kun‑da saya ma.

GBOO FEAN BƆƐ KƆYINDI KO A 2:14

Chɛɛ n mbe Yataa wai bɔ tena. Nn ma‑a mɔ dɔndɔɛ a, Chisɔsi Chasi a. An mbe a ma tena tima ɔ tima ko a, nn mbe kun Sitana ma. A sin, Yataa ɛ a ma wan, nn mbe sakana bai chɛ ɔ yian kan kɔ kan, a si Chasi ma, yɔ fen kunyɛ a diama ɛ ta buɛ min dɔ.

GBOO FEAN BƆƐ KƆYINDI KO A 9:11

Ɛ a ma‑a wan i nyanden ba ni ma, ko chɛndɛ ma koe a, tima ɔ tima ko a. Chɛ ɛ a ma wan, mɔ sɛsɛ ni Yataa wai bɔ, i boo fenɛ chɛ n ko a, an mbe miin ma sɔn, a ka nn na.

GBOO FEAN BƆƐ KƆYINDI KO A 9:14

Chɛ sin ko a, an toen mu wo a kaka, an mbe samunɛ chɛ tena wo ko a. Koe min na mu, Yataa 'a koadia demanɛ koo, min been mu wo ma.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.