GBOO FEAN BƆƐ KƆYINDI KO A 9:14 - Yataa 'a Dɔbɛnɛ Nama

¹⁴ Chɛ sin ko a, an toen mu wo a kaka, an mbe samunɛ chɛ tena wo ko a. Koe min na mu, Yataa 'a koadia demanɛ koo, min been mu wo ma.

GBOO FEAN BƆƐ KƆYINDI KO A 9:14 ပူးပေါင်းရင်းမြစ်များ

DUKU 16:9

“Chɛ an‑na a fɔ, n ni a ma din wo tena, mbɛ wo ni wo dia nyɔɛ n yan wo 'a nyan chɛ n dɔ, wo e miin chɛ‑a nɛ dunya chɛ ɔ. Ni wo‑a chɛ ma, wo dia nyɔɛ n mbe ma‑a wan banda bu ɔ, miin mbe an boo a si‑a wo kɔɔ.

GBOO DOMI KO A 1:11

Wo yen sɔɛ ɛ n na kaka, min mbe a ma, Yataa Nyina ɛ dua min chɛ tena n na, a ni a chɛ wo wɛɛ ko a, wo ni sɔ gban.

GBOO FEAN BƆƐ KƆYINDI KO A 1:11

Wo basan nn ma, samunɛ chɛ koe a nn ko a. Ni mɔ sɛsɛ n ma‑a samunɛ chɛ‑a nn ko a, Yataa ɛ an 'na samunɛ n na min‑da wan, mbɛ a‑a nn dua. Ni chɛ ma‑a, mɔ sɛsɛ n bɛɛ, an mbe Yataa wai bɔ‑a wan nn ko a.

GBOO FEAN BƆƐ KƆYINDI KO A 8:1

Nn suun ma nyɔɛ nu Chasi ɔ, nn toen mu wo ni koe ɔ sɔn, a si Yataa 'a koadia demanɛ ma. Wo ni a ɔ sɔn, ɛ koe miin ma tena chɔchi n dɔ Masidonia chɛnyɛ ɔ.

GBOO FEAN BƆƐ KƆYINDI KO A 9:13

A sin, wo e wai min chɛ tena ka, ɛ koe min dɔ yian tena, ɛ a ma tena wan, mɔ sɛsɛ ni basɔmaya be Yataa ma. Koe min na mu, wo‑a wo boo si wan sakana bai chɛ kɔɔ, wo e min dɔ yian, a si Chisɔsi ma. A yɛ to, wo 'a wai nyima wɛɛ ko a, wo e min chɛ an na, a basan mɔ dɔ mende n bɛɛ a.

GBOO FEAN BƆƐ KƆYINDI KO A 9:15

Yataa ɛn wai, a 'a wai nyima ko a, a‑a min chɛ mmɔ a. An wai nyima chɛ sɔnkɔ ee.

Gboo Fiipai Ko A 1:8

Koe min na mu, n toen mu wo a, yɔ Chisɔsi Chasi 'a koadia ɛ buɛ min dɔ. Yataa wandi an mu n 'na siiya a, ni tea ma chɛ a.

Gboo Fiipai Ko A 2:26

Koe min na mu, wo gbɛɛ, wo sɔɛ ɛ gbɛ a a kaka. A sin faa yɔndenɛ mu chɛ gbɛɛ a, a mu min na, wo na‑a a gbandi koe a min fan.

Gboo Fiipai Ko A 4:1

Chɛ an fɛ mu, n suun ma nyɔɛ nu Chasi ɔ, n toen mu wo a, wo sin yen sɔɛ ɛ n na. N bu ɔ di wo ko a, a yɛ to, wo wan mu tɔnɔnɛ a, n 'na wai ko a. N dia nyɔɛ nu, wo bɛ Mansa Chisɔsi a, wo ma‑a ka buɛ min dɔ mɔ dɔndɔɛ a, wo ma yɛ to kuu kɔ chɛ ɔ.

1 TIMOTI 1:14

Mmɔ 'a mansa 'a bauncha koadia yii‑a n kun na. Chɛ‑a danaya chɛ wan n dɔ Chisɔsi Chasi ko a, a basan koadia a. Chɛ an mbe ma mmɔ a, ni mmɔ ma‑a mɔ dɔndɔɛ a, mmɔ bɛ Chisɔsi Chasi a.