GBOO FEAN BƆƐ KƆYINDI KO A 9:11 - Yataa 'a Dɔbɛnɛ Nama

¹¹ Ɛ a ma‑a wan i nyanden ba ni ma, ko chɛndɛ ma koe a, tima ɔ tima ko a. Chɛ ɛ a ma wan, mɔ sɛsɛ ni Yataa wai bɔ, i boo fenɛ chɛ n ko a, an mbe miin ma sɔn, a ka nn na.

GBOO FEAN BƆƐ KƆYINDI KO A 9:11 ပူးပေါင်းရင်းမြစ်များ

MATIU 20:15

Gbasaya ɛ wan n ye, n ni n 'na kɔpɔɛ ma boo ɔ boo. A ma nyin wo ni too wo bɔɛ chɛ n na, a mu min na, n‑na ko chɛndɛ ma an na.’ ”

MATIU 25:17

Sɛn dɔ kamin fean bɔɛ chɛ wɛɛ, a‑a a ma ka wan. Mbɛ a wɛɛ‑a kain gbɛnsɛn wu fea a sɛ a ta kun ma.

GBOO DOMI KO A 12:8

Ni an faa ma nande koe mu chɛndɛ chɛ, mmɔ a ma ka. Mɔ ɔ mɔ min mbe mɔ dɔ gbɛɛ n deman‑da, a ni an deman a faa gbɛɛ a. Ni mɔ ɔ mɔ ma‑a gbasaya ɔ, a mɔɛ chɛ ni wai chɛ chɛndɛ chɛ. A sin, ko chɛndɛ ma faa ɛ mɔɛ min dɔ, a mɔɛ chɛ ma a ya kɔɔɛ sisi, ni a ma‑a an ko chɛndɛ ma‑a mɔɛ n na.

GBOO SAA KƆYINDI KO A 1:5

Wo ma min chɛ‑a mɔ dɔndɔɛ a, wo bɛ a a, a‑a wo kɔ wan chia a, a chenama ɔ. A‑a wo kɔ wan chia a, bai gbɛɛ ɔ, wo e min sa. A yɛ to, yiimatɛ kan kɔ kan ko a.

GBOO FEAN BƆƐ KƆYINDI KO A 1:11

Wo basan nn ma, samunɛ chɛ koe a nn ko a. Ni mɔ sɛsɛ n ma‑a samunɛ chɛ‑a nn ko a, Yataa ɛ an 'na samunɛ n na min‑da wan, mbɛ a‑a nn dua. Ni chɛ ma‑a, mɔ sɛsɛ n bɛɛ, an mbe Yataa wai bɔ‑a wan nn ko a.

GBOO FEAN BƆƐ KƆYINDI KO A 4:15

Koe min na mu, wo ko a mu, koe chɛ n gbɛɛ n mbe ma tena. A sin, Yataa 'a koadia demanɛ ɛ che tena buɛ min dɔ mɔ sɛsɛ ma, an bɛɛ, an mbe Yataa wai bɔ ka wan, min mu basɔmaya a a tena.

GBOO FEAN BƆƐ KƆYINDI KO A 8:16

Nn mbe Yataa wai bɔ wan, a ma koe a, wo wakoe chɛ‑a Taitɔsi faa ɔ, basan koe a wo ma, yɔ ɛ buɛ min dɔ n bɛɛ faa ɔ.

GBOO FEAN BƆƐ KƆYINDI KO A 8:19

Chɛ an dechee ko a ma. Chɛɛ a gbu, chɔchi n gbɛɛ‑a an boo sɔ an ma, an‑na a yian, an 'na kɔpɔɛ ni ma a boo ɔ, a ni bea nn fɛ nn 'na tachɛ ɔ. Ni nn ma‑a wai chɛ chɛ‑a, nn bɛ ni ma. Nn gbɛɛ, nn ni wai chɛ, baa be koe a Mansa Chisɔsi tɔɛ ma. A yɛ to, min mbe a ma, nn ni a ɔ yian, mbɛ nn toen mu, nn ni basan mɔ dɔ mende n ma.

GBOO FEAN BƆƐ KƆYINDI KO A 9:12

Koe min na mu, wo e wai min chɛ tena ka, a ee Yataa 'a mɔɛ n ma gbɔsɔɛ an bɔ tena dechee. Chɛɛ ɛ a ma tena wan, mɔ sɛsɛ n ni Yataa wai bɔ.