GBOO FEAN BƆƐ KƆYINDI KO A 9:10 - Yataa 'a Dɔbɛnɛ Nama

¹⁰ Yataa sin fan mbe chin fen kuu be chin fen chin mɔɛ ma, ɛ daun fenɛ be mɔ gbu ma, a daun koe a. Chin fen kuu gbɛɛ, i toen mu min na, ɛ a be‑a wan i ma. Ɛ i boo fenɛ ma munda‑a wan, min mbe a ma, e fenɛ min be yakɔɔtawa tɔɛ n ma, a ni koa.

GBOO FEAN BƆƐ KƆYINDI KO A 9:10 ပူးပေါင်းရင်းမြစ်များ

MATIU 6:1

Chisɔsi ɔ, “Ni wo ma‑a a sɔ‑a wo 'a Yataa fai manda n fɛ, wo ma a ma fanka ɔ den. Ni wo‑a chɛ ma, Fa Yataa, min mbe banda bu ɔ, a ee na‑a tɔnɔn kan kɔ kan be‑a wo ma.

GBOO FEAN BƆƐ KƆYINDI KO A 9:12

Koe min na mu, wo e wai min chɛ tena ka, a ee Yataa 'a mɔɛ n ma gbɔsɔɛ an bɔ tena dechee. Chɛɛ ɛ a ma tena wan, mɔ sɛsɛ n ni Yataa wai bɔ.

GBOO FEAN BƆƐ KƆYINDI KO A 9:6

Koe gbu mu chɛ an na, a nyin wo ni min sa wo yii ma. Mbɛ mɔɛ min mbe chin fen pɛɛ chin, ɛ chin fen pɛɛ an ma sɔn. Chɛɛ mɔɛ min mbe chin fen chenama chin, ɛ chin fen sɛmbɛndenɛ an ma sɔn.

Gboo Kadesia Ko A 3:5

Yataa‑a a Nyina bea wan wo fɛ, a‑a kamaya koe n ma wo tɛ ɔ. Chɛɛ chɛ an‑na a ma, Yataa na‑a chɛ ma. Wo na‑a sakana bai chɛndɛ chɛ a min fan, a si Chisɔsi ma, a yɛ to, wo‑a wo kai fa wan Chisɔsi a. A nii ma chɛ ma ni, a mu min na, wo bea‑a sawa fɛ.

Gboo Ɛfisɔsi Ko A 5:9

Koe min na mu, a ɔ ɛ yen ka wan, mbɛ mɔɛ ɛ wan manɛ kɔɔ. Mɔ ɔ mɔ min mbe manɛ chɛ kɔɔ, ɛ ko chɛndɛ an ma tea tea ɔ, a sin, a tanden mu Yataa tena.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 4:17

An ma a fɔ ni, mbɛ n toen mu dechee wo boo fenɛ n fan ma sɔn koe a. Chɛɛ n toen mu n ni a ɔ yen, Yataa ni wo deman, basan koe chɛ a n ma.

Gboo Saa Tɛsadonika Ko A 3:12

Koadia min mbe wo faa ɔ, wo nyɔn ko a, a basan mɔɛ tɔɛ gbɛɛ a, Mansa Chisɔsi ni a ma munda ta‑a. A ni koa yɔ nn ta koadia wo ko a.

Gboo Saa Tɛsadonika Ko A 4:10

Wo sin gbu, tea ko a, wo sɔnɛ ɛ ka wan Chisian chɛ n gbɛɛ tena, miin mbe Masidonia chɛnyɛ ɔ. Chɛɛ nn suun ma nyɔɛ nu Chasi ɔ, nn mbe wo disa tena, min mbe a ma, wo gbu ni to an na, a ben chɛ ma.