Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ KƆYINDI KO A 8:9 - Yataa 'a Dɔbɛnɛ Nama

9 Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

အခန်းကိုကြည့်ပါ။ ကော်ပီ




GBOO FEAN BƆƐ KƆYINDI KO A 8:9
43 ပူးပေါင်းရင်းမြစ်များ  

Chɛɛ min mbe a ma, mɔɛ chɛ n faa ma na tɛ mɔ ma, i 'a duinɛ ya, i ni ta Kadidi yii wa chɛ da a, duin na dɛ tena. E nyɛ saa saa min bɔ‑a, a da a ka, e kɔpɔɛ yen‑da wan a da ɔ. A kɔpɔɛ chɛ ɛ kun fan, a ni mɔ fea ma pawa chɛ Yataa 'a kata chɛ ko a. A ya, i ni ta a a, i ni mɔ fea ma pawa chɛ a a.” Mbɛ Pita ta‑a, a‑a a ma yɔ Chisɔsi‑a a fɔ buɛ min dɔ a ye, a ma koe a.


Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”


Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”


Mbɛ an dɔ, “N bɔ, ka wɛ, kapinda gbama an nɛ. Mɛi 'a denɛ an nɛ. Nyɔn ma a dɔɛ n sɔn? Chimisi ni ma, ni Chosɛfi, ni Saimɔn, a basan Chudasi a. Mmɔ bɛ an mbe sɛ, mmɔ ɛ yii, mmɔ bɛ a tensa n na.” Chɛ‑a a ma wan, an nii ma an boo si ni a kɔɔ.


Ni wo ma danaya bɔ ni dunya chɛ ɔ nyanɛ ɔ, mɔ ɔ mɔ ee to‑a nɔ, a ni nyanɛ chɛndɛ konan wo ma.


Mbɛ a‑a a saa denɛ suun, den kainɛ. A‑a koa n mɔndɔ mɔndɔ a, mbɛ a‑a a sa fenɛ ɔ, an ni daun fenɛ be min dɔ sɔ fenɛ n ma. Chɛ ma‑a koe min na, sa tena kan kɔ kan nii nɔ sonda yia chenɛ a.


Chowana wɛɛ ni to an musu chɛ n dɔndɔ an na, min chɛɛ ni wai chɛ tena Mansa Ɛdɔdi ko a. Susana wɛɛ ni wan nɔ, a basan musu sɛsɛ dɔ gbɛɛ n na. Musu chɛ n ni an fandi ta boo fenɛ n be wan Chisɔsi ma, an bɛ a fɛ denɛ n na, an ta basamaya a.


Mbɛ Chisɔsi ɔ, “Sonɛ n mbe fia ɔ soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina, n ni n suin.”


Bai chɛ ni wan dunya ɔ, a‑a dunya min na dan ka. Chɛ gbɛɛ ɔ, mɔɛ n nii ma a sɔn ni a buɛ chɛ ɔ.


An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.


Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.


Chɛɛ Chisɔsi ɔ an ma, a ɔ, “Bai chɛ miin na min‑da ka, a ka banda bu ɔ, basan koe ma n ma, chɛɛ basan koe mu wo ma.


Fen kɔ fen Fa ta mu min na, n fan ta mu a a. An fɛ mu, n‑na a fɔ, n dɔ, Yataa Nyina chɛ ɛ a too ma sɔ‑a wan n da a bai ma, mbɛ a‑a a ɔ yian wo a.”


A sin, an fan ko a mu, n mbe n fandi be tena, ma koe a tenchen i ko a. Chɛ ɛ a ma‑a wan, an bɛɛ, an ni ma tenchen i ko a.


Chu mɔɛ n na‑a ko yama min ma, an na‑a a ma, mɔɛ chɛ n‑na bauncha wa ma sɔn, mɔɛ miin nii ma Chu mɔ a. Chɛɛ ni Chu mɔɛ n bɛɛ‑a bauncha chɛ ma sɔn gbɛ, ɛ ma‑a gbɛ ko ma kawaen ba an na, a ka Yataa tena.


Koe min na mu, Chisɔsi wandi gbu wɛɛ, a nii a wandi faa ma koe n fan ma. Yataa 'a gboo‑a a fɔ, a si a ma, a ɔ, “Main chɛ, mɔɛ n‑na min chɛ Yataa a, an‑na a chɛ ka n fan na.”


Chɛɛ Yataa‑a a ɔ yian fan mmɔ a, mbɛ a toen mu mmɔ a kaka. Koe min na mu, mmɔ to‑a mmɔ 'a ko yama n fan dɔ, mbɛ Chasi fa‑a mmɔ ko a.


Yataa ma a boo a ben ni a wandi gbu 'a denɛ wɛɛ kɔ, a kunɛ bɔ koe a tɔɔya ɔ. Chɛɛ a‑a Chisɔsi be wan yasi a mɔ gbu gbɛɛ ko a. Ni ɛ chɛ ma wan mmɔ ko a, ɛ kun fan a ni fen kɔ fen be mmɔ ma gbama gbama a, a faa gbɛɛ a.


N mbe Yataa wai bɔ tena wan wo ko a, tima ɔ tima. A sien mu koadia deman chɛ an ma, a‑a min chɛ wo a, wo wɛn mu mɔ dɔndɔɛ a Chisɔsi Chasi a.


Mɔ kaima saa saa chɛ, a bɔ‑a duu gboo an dɔ, a nyan‑da fifii ɔ. Mɔ kaima fean bɔɛ chɛ sin, a ka‑a banda bu ɔ wan.


Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.


Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.


A gbu sin nyin, n mbe samunɛ chɛ tena, wo ni a 'a koadia a tinsɔn. Chɛɛ a gbu sin, a ma koe a, mɔɛ ee min dɔ gbɛ, ɛnden bɛɛ a. Chɛ sin fan fɛ mu, wo sɔnɛ n ni ma yɔ Yataa wandi gbu ta.


N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.


Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.


N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.


Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.


N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.


A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.


Mɔ ɔ mɔ min mbe sɔ‑a gban n ko a, koe chɛ n gbɛɛ, n mbe an fan chɛ‑a a ko a. N mbe ma‑a wan a 'a Yataa a, a wɛɛ ɛ ma‑a wan n 'na denɛ a.


Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ