GBOO FEAN BƆƐ KƆYINDI KO A 8:7 - Yataa 'a Dɔbɛnɛ Nama

⁷ Wo nyanden mu gbɛ kaka, fenɛ gbɛɛ ɔ, miin mbe wo boo ɔ. Wo nyanden mu wo 'a kaifa ɔ, Chisɔsi a, wo nyandenɛ ɛ bai n dɔ, wo e miin sa. A yɛ to, yiimatɛ wɛɛ ɔ, teaya gbɛɛ ɔ, a basan koadia a, min mbe wo ɔ, n ko a. Chɛ ko a, wo e ka koadia wai min chɛ‑a, nn toen mu, wo nyandenɛ ni ma ko chɛndɛ ma wɛɛ ɔ.

GBOO FEAN BƆƐ KƆYINDI KO A 8:7 ပူးပေါင်းရင်းမြစ်များ

MATIU 25:22

“Mbɛ sɛn dɔ kaminɛ fean bɔɛ chɛ don‑da, min na‑a wu fea ma sɔn. A ɔ, ‘Fa, i‑a wu fea min be n ma, n‑na wu fea an na sɛ a kun ma.’

GBOO DOMI KO A 15:14

N bɔ Chisianɛ nu, n fandi gbu wɛɛ danden fan mu a a, mbɛ mɔ chɛndɛ wa mu wo wɛɛ gbu a. Wo‑a wo boo nyima tɛ bɔɛ sɔn fan wo manɛ a chɛndɛ chɛ. Wo‑a a ɔ sɔn fan, wo e dasi be buɛ min dɔ wo nyɔn ma.

GBOO SAA KƆYINDI KO A 1:5

Wo ma min chɛ‑a mɔ dɔndɔɛ a, wo bɛ a a, a‑a wo kɔ wan chia a, a chenama ɔ. A‑a wo kɔ wan chia a, bai gbɛɛ ɔ, wo e min sa. A yɛ to, yiimatɛ kan kɔ kan ko a.

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

GBOO SAA KƆYINDI KO A 12:8

Mɔɛ dɔndɔɛ ɛ nɔ, Yataa Nyina‑a sakana bai min don a da a, a fɔ koe a mɔɛ n ye, yiimatɛ wa an be a ɔ. Mɔɛ dɔndɔɛ sin, Nyina dɔndɔ chɛ‑a a ma wan, yiimatɛ bai wa, ɛ ma a da a bai ɔ.

GBOO SAA KƆYINDI KO A 13:2

Chɛ n bɛɛ, n mbe na tena ka miin ma dan‑da, an ni ma wɛɛ n boo ɔ, koadia ni ma n faa ɔ. Gbasaya ni ma n boo ɔ, Yataa da a kuiɛ ɔ yian koe a mɔɛ n na. A ni ma n boo ɔ, koe gbɛɛ mɔ gbu ee kun min dɔ gbɛ koe a, n ni an dɔ gbɛ. A ni ma to n boo ɔ, n ni n kai fa Chisɔsi a gbeden, min mbe che a ma‑a, n ni a fɔ kɔnkɔɛ ma, n dɔ, a ni ka a gba ɔ, mbɛ a kuɛn‑da. Chɛ n gbɛɛ ni ma wɛɛ n boo ɔ, ni koadia ee n faa ɔ, mɔ ma n na.

GBOO SAA KƆYINDI KO A 13:8

Kuɔ fɔ koe mu koadia a. Sakana bai n mbe wan nɔ a ka Yataa tena, mɔɛ n mbe miin ma sɔn. Chɛɛ an mbe ma tima kundu an ko a. Dua sɛsɛ ɛ wan nɔ, kamaya bai n fɔ koe a, miin dɔ ee gbɛ dechee. Chɛɛ dua chɛ ɛ ban fan. Yiimatɛ ɛ wan nɔ. Chɛɛ a nan fan bɛɛ danka ɛ.

GBOO SAA KƆYINDI KO A 14:12

Wo wɛɛ, wo ma bɛndenɛ ɛ ka buɛ min dɔ Yataa Nyina 'a dua ma sɔn koe, wo chɛ ma. Wo e min ma, koe gbɛɛ ya ɔ, dua miin mbe na demanɛ a, chɔchi ɔ, wo ni wai chɛ an pɛn na.

GBOO SAA KƆYINDI KO A 4:7

Wo ta mɔgbuya, a a ma sɛ ni, a ni ben mɔ ɔ mɔ ta ma ɛnden bɛɛ a. Fen kɔ fen min mbe wo boo ɔ, Yataa an‑na a be wo ma. Ni wo‑a an ma sɔn Yataa an na, tea kan kɔ kan mbe ee wo boo ɔ, yonka tɛ koe a, yɔ wo ma an ma sɔn ni an na gbama a.

GBOO FEAN BƆƐ KƆYINDI KO A 7:7

A na koe dechee nii ma, min na‑a a ma, nn bu ɔ dia‑a. Chɛɛ a na‑a konanɛ min bɛɛ chɛ, a si bia ma, wo‑a min chɛ a a. A‑a a ɔ yian fan to nn na, wo toen mu buɛ min dɔ wo ni n yen. A sin to, a ɔ, mbɛ wo faa yɔnden mu. A yɛ to, mbɛ wo ma bɛnden mu sɔ koe a n ko a. Chɛ gbu an ko a mu gbɛ, n 'na buɔdia gbu ma munda‑a.

GBOO FEAN BƆƐ KƆYINDI KO A 8:6

Chɛ ko a, nn bɛɛ, nn‑na a din fan Taitɔsi ma, min‑na wai chɛ kuu sɔ, a ni a a tun. A ni basan wo ma, wo ni wai chɛ nɛnɛ a ban, min mu koadia wai a.

GBOO FEAN BƆƐ KƆYINDI KO A 9:14

Chɛ sin ko a, an toen mu wo a kaka, an mbe samunɛ chɛ tena wo ko a. Koe min na mu, Yataa 'a koadia demanɛ koo, min been mu wo ma.

GBOO FEAN BƆƐ KƆYINDI KO A 9:8

A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.

Gboo Ɛfisɔsi Ko A 4:29

Ni wo ma‑a koɔ‑a, bai yama ma bɔ wo da ɔ. Chɛɛ bai miin nyin dechee a fɔ koe a, a tima chɛ kɔɔ, wo e an fan fɔ. Bai chɛ nu, miin mbe mɔɛ n faa ma nande, a yɛ to, miin mbe basan an ma.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 1:9

A sin, chɛ an mu samunɛ a, n mbe min chɛ tena, mbɛ koadia min mbe wo faa ɔ, a ma ni munda tima ɔ tima ko a. A yɛ to, yiima ni ma wo ɔ, wo ni koe n tɛ bɔɛ sɔn,

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

2 TIMOTI 2:1

I tana, n 'na den, Yataa ni i ɔ gbɛa koadia demanɛ chɛ ɔ, mmɔ‑a min ma sɔn kɛn mmɔ ma‑a mɔ dɔndɔɛ a, mmɔ bɛ Chisɔsi Chasi a.

GBOO IBU MƆƐ N KO A 12:28

Chɛ an fɛ mu, mmɔ Yataa wai bɔ. Koe min na mu, a‑a gbasaya be mmɔ ma, ma koe a mansaya ɔ a waa a, a sin mbe ee che yɔn‑da. Mmɔ a wai bɔ, mmɔ ni a fai chiandia ɔ, min mbe ma faachima a a tena.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.

KO Ɔ NUNDENƐ 3:17

Koe min na mu, wo e a fɔ wan, wo ɔ, wo nyanden mu, wo ɔ, fen fen mbe wan wo boo ɔ, wo ɔ, fen fen ma gbɔsɔɛ ee wo ma. Chɛɛ wo ma a ɔ sɔn, mbɛ wo ma chinchinden mu, wo yɔnden mu, a ma boo kan kɔ kan mbe ee wo ye, wo fiondenɛ mu, wo ma senɛ ɛ.