GBOO FEAN BƆƐ KƆYINDI KO A 8:4 - Yataa 'a Dɔbɛnɛ Nama
4 An ni ma chɛ ma‑a, an mbe disa chɛndɛ gbu chɛ‑a nn na. An dɔ deman ba mu, nn mbe min chɛ tena an na, a ma koe a, an ni kun basan‑da Yataa 'a mɔɛ n ma Chuusaɛn duu ɔ.
N ni a ma din wo tena, mbɛ ni mɔ ɔ mɔ‑a yii chima kɔpu dɔndɔɛ wɛɛ be n fɛ denɛ den tachɛen bɛɛ ma, koe min na mu, ɛ n 'na fɛ dencha a, Yataa ɛ tɔnɔnɛ be‑a wan mɔɛ chɛ ma.”
Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.
Koe min na mu, yɔn tɔɛ n tana, wo bɛ an mbe ma‑a an na tima ɔ tima ko a. A sin, ni wo toen mu, wo ni ko chɛndɛ ma an na tima ɔ tima, wo e a ma wan. Chɛɛ n tana, n mbe ee ma‑a wo tɛ ɔ tima ɔ tima ko a.
Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.
Chɛ gbakɔ, Pɔɔ‑a yii chɛ wan a kunɛ ɔ, Yataa chia a, a basan a 'a chen 'na mɔɛ n na. Mbɛ Didia‑a a fɔ nn ye, a ɔ, “Ni wo‑a a fɔ, mbɛ n‑na n kai fa Mansa Chisɔsi a tea tea gbu a, mbɛ wo na, wo ni ma n 'na chenɛ a.” A sin‑na nn ma nande wan kaka, min‑na a ma, nn ta‑a a waa a.
Wo samunɛ chɛ n ko a, min mbe a ma, mɔɛ miin ma dan ni ka Chisɔsi Chasi a Chudia chɛnyɛ ɔ, an ma na ko yama ma n na. A yɛ to, Yataa 'a mɔɛ miin mbe Chuusaɛn duu ɔ, n mbe demanɛ min chɛ‑a an na, an bu ɔ ni dia a ko a.
N mbe chɛ an fɔ tena gbɛ wo ye, a si kɔpɔ kain koe chɛ ma, Yataa 'a mɔɛ n deman koe a, wo‑a gboo nyɛn a si min ma. Chɔchi chɛ nu pan Kadesia chɛnyɛ ɔ, n‑na an sɔ buɛ min dɔ chia ma, wo wɛɛ, wo a ma ka.
N suun ma nyɔɛ nu Chasi ɔ, sanche chɛ ɔ, wo‑a a koe ɔ sɔn fan, a si Sitɛfanasi ma, ni a 'a chen na mɔɛ nu. An fan pɛn‑na an kai fa Chisɔsi Chasi a, Akaya chɛnyɛ chɛ ɔ. A sin, an‑na an fandi be, wai chɛ koe a, Yataa 'a mɔɛ n ko a. N mbe chɛ ma din wo tena,
Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.
Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.
Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.