GBOO FEAN BƆƐ KƆYINDI KO A 8:3 - Yataa 'a Dɔbɛnɛ Nama

³ N mbe che wan a fɔ‑a wo ye, tea ɔ, mbɛ an‑na an boo fenɛ be wan, an 'na gbasaya ni kun min ma. An gbu sin, an‑na a be wan, a ni ben an 'na gbasaya ni kun min ma. An‑na chɛ ma, an fandi gbu kun ma an na.

GBOO FEAN BƆƐ KƆYINDI KO A 8:3 ပူးပေါင်းရင်းမြစ်များ

MAKI 14:8

Musu chɛ‑a koe an ma ka, ɛ che min chɛ‑a, n ko a. A‑a tu min chɛ ka n kunɛ ɔ, a‑a n ma bɛn fan ka, n tɔn koe a, n fa tima ya ɔ.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

GBOO DOMI KO A 10:2

N danden fan mu a a, mbɛ an‑na an fandi be wan Yataa ma. Chɛɛ an fandi be chɛ, a ma a ɔ yian ni, mbɛ an‑na Yataa wakoe ɔ gbɛ wan chɛndɛ chɛ.

GBOO SAA KƆYINDI KO A 16:2

Tɛnɛ kan kɔɔ dɔɛ kan kɔ kan ma, mɔ ɔ mɔ ni kɔpɔɛ ɛnden dɔ bɛn, a ni a sa tena ɔ bɛn. Mɔɛ ɛ kɔpɔɛ ma sɔn buɛ min dɔ, ɛ a boo ma sɛ ka wan, mbɛ a‑a a sa tena ɔ bɛn. Chɛ ɛ a ma‑a wan, n mbe a fo‑a nɔ tima min na, kɔpɔ ma kain mbe ee ma‑a to nɔ.

GBOO SAA KƆYINDI KO A 9:17

N mbe ka wai min chɛ‑a, ni n fandi kun ma a ni, n ni pawa ɔ tisa‑a wan. Chɛɛ a ee ka wan. N mbe wai chɛ chɛ tena, koe min na mu, Yataa wandi an‑na n sɔ a chɛ koe a.

Gboo Kadesia Ko A 4:15

Buɔdia min ni wo ɔ, n ma a ɔ sɔn ɛ gbɛ buɛ min dɔ. Ni wo ni kun fan, wo ni wo ya n bɔ, wo ni an be n ma, wo ni a ma‑a wan. N mbe chɛ siiya bɔ wan.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Kɔdɔsai Ko A 4:13

Koe min na mu, n fandi gbu, n mbe siiya bɔ wan a ko a. N‑na a ɔ yen fan, a‑a wai chɛ buɛ min dɔ a sɔɛ gbɛɛ a, basan koe a wo ma, wo bɛ Daɔdisia a, ni Iyapɔdisi duu ɔ mɔɛ n na.

Gboo Saa Tɛsadonika Ko A 2:8

Wo ko a dia‑a wan nn ye kaka. Chɛ‑a a ma wan, nn 'na fɔɛ gbu ɔ, nn ma bɛnden ni basan koe a wo ma. Nn ma Yataa 'a sakana bai chɛndɛ chɛ dechee an sa ni wo tena.

FIDEMƆN 1:14

Chɛɛ n ma to ni, n ni n deman koe din i ma. N mbe to‑a wan a a, i ni a chɛ i wandi faa ma a. Chɛ an fɛ mu, n mbe ee ko ɔ ko ma tena, ni i ma dɔn ni min ma.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 PITA 5:2

Wo ni mɔɛ chɛ n kun ma fɛn chɔchi ɔ chɛndɛ chɛ, Yataa‑a miin be wo ma. Wo an kun ma fɛn wo faa gbɛɛ a, yɔ Yataa toen mu a buɛ min dɔ. Wo ma an kun ma fɛn faa ɔ nɔɛ a. Wo ma a chɛ pawa dechee an ko a. Chɛɛ wo‑a a chɛ, a chɛ koe a dia ko a.