GBOO FEAN BƆƐ KƆYINDI KO A 8:2 - Yataa 'a Dɔbɛnɛ Nama

² An‑na ko gbɛama sɛsɛ ɔ bia wan, an sin ni wan to yɔnɛ wɛɛ ɔ, min ni koo. Chɛɛ chɛ gbɛɛ ɔ, buɔdia min ni an dɔ, a ni koo kaka an ma. Mɔ ni chɛ gbu sin yen fan an boo fen ba n dɔ, an ni miin be an faa gbɛɛ a.

GBOO FEAN BƆƐ KƆYINDI KO A 8:2 ပူးပေါင်းရင်းမြစ်များ

MATIU 20:15

Gbasaya ɛ wan n ye, n ni n 'na kɔpɔɛ ma boo ɔ boo. A ma nyin wo ni too wo bɔɛ chɛ n na, a mu min na, n‑na ko chɛndɛ ma an na.’ ”

GBOO DOMI KO A 12:8

Ni an faa ma nande koe mu chɛndɛ chɛ, mmɔ a ma ka. Mɔ ɔ mɔ min mbe mɔ dɔ gbɛɛ n deman‑da, a ni an deman a faa gbɛɛ a. Ni mɔ ɔ mɔ ma‑a gbasaya ɔ, a mɔɛ chɛ ni wai chɛ chɛndɛ chɛ. A sin, ko chɛndɛ ma faa ɛ mɔɛ min dɔ, a mɔɛ chɛ ma a ya kɔɔɛ sisi, ni a ma‑a an ko chɛndɛ ma‑a mɔɛ n na.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 2:9

N na‑a gboo chɛ nyɛn wo tena chɛ an na, n ni wo yiima yan. N ni a ɔ gbɛ, ni n 'na dasi nu, wo ma bɛnden fan mu tima ɔ tima ko a a ya koe a.

GBOO FEAN BƆƐ KƆYINDI KO A 6:10

Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

GBOO FEAN BƆƐ KƆYINDI KO A 9:11

Ɛ a ma‑a wan i nyanden ba ni ma, ko chɛndɛ ma koe a, tima ɔ tima ko a. Chɛ ɛ a ma wan, mɔ sɛsɛ ni Yataa wai bɔ, i boo fenɛ chɛ n ko a, an mbe miin ma sɔn, a ka nn na.

GBOO FEAN BƆƐ KƆYINDI KO A 9:13

A sin, wo e wai min chɛ tena ka, ɛ koe min dɔ yian tena, ɛ a ma tena wan, mɔ sɛsɛ ni basɔmaya be Yataa ma. Koe min na mu, wo‑a wo boo si wan sakana bai chɛ kɔɔ, wo e min dɔ yian, a si Chisɔsi ma. A yɛ to, wo 'a wai nyima wɛɛ ko a, wo e min chɛ an na, a basan mɔ dɔ mende n bɛɛ a.

Gboo Saa Tɛsadonika Ko A 1:6

Wo bea‑a wan nn chen gba fɛ, a basan Mansa Chisɔsi wɛɛ ta a. Wo‑a wo boo si wan a 'a sakana bai chɛ kɔɔ, a ma‑a wɛɛ ko yawaen dɔ bia a wo ma. Chɛ gbɛɛ ɔ, Yataa Nyina gboo ɔ ma fa ni a ma koe a wo bu ɔ ni dia.

Gboo Saa Tɛsadonika Ko A 2:14

Chɛ sin fan fɛ mu, nn suun ma nyɔɛ nu Chasi ɔ, wo na‑a ko yawaenɛ ɔ bia wo chɛnyɛ nyɔɛ n boo ɔ. Wo na‑a bɔ ka chɛ n fan gba ɔ, chɔchi nu Chudia chɛnyɛ ɔ, miin kai faen ni Chisɔsi Chasi a. An bɛɛ na‑a ko yawaenɛ n dɔ bia ka wan, Chu mɔɛ n boo ɔ, an chɛnyɛ nyɔɛ nu.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.