GBOO FEAN BƆƐ KƆYINDI KO A 8:19 - Yataa 'a Dɔbɛnɛ Nama

¹⁹ Chɛ an dechee ko a ma. Chɛɛ a gbu, chɔchi n gbɛɛ‑a an boo sɔ an ma, an‑na a yian, an 'na kɔpɔɛ ni ma a boo ɔ, a ni bea nn fɛ nn 'na tachɛ ɔ. Ni nn ma‑a wai chɛ chɛ‑a, nn bɛ ni ma. Nn gbɛɛ, nn ni wai chɛ, baa be koe a Mansa Chisɔsi tɔɛ ma. A yɛ to, min mbe a ma, nn ni a ɔ yian, mbɛ nn toen mu, nn ni basan mɔ dɔ mende n ma.

GBOO FEAN BƆƐ KƆYINDI KO A 8:19 ပူးပေါင်းရင်းမြစ်များ

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:25

Nn gbɛɛ nn‑na chɛ an dɔ yen, nn dɔn‑da, mbɛ a nyin fan, nn boo sɔ koe a mɔɛ dɔ n ma, nn ni an sɔ wo tena. An bɛ an mbe na tena nn dia nyɔɛ Banabasi an fea Pɔɔ a.

CHISƆSI 'A SƆ MƆƐ NU 19:22

Mbɛ a‑a Timoti a ta Masidonia, an fea Ɛyasitɔsi a, mɔ fea miin ni basan a ma. Mbɛ a sin to‑a tima ɛnden ko a, Esia chɛnyɛ chɛ ɔ.

CHISƆSI 'A SƆ MƆƐ NU 19:29

Mbɛ mɔɛ n sɔnkɔ sɔnkɔ chɛ kuiɛ‑a duu wa gbu ɔ bɔ, a si an koe chɛ ma. Mbɛ an gbɛɛ‑a bui sa a a, mɔɛ n gbɛɛ bɛn tena chɛ duu chɛ ɔ. An‑na Kayɔsi bia wan, an ta‑a a a an boo ɔ, an fea Ayisitakɔsi a. Kayɔsi chɛ, an fea Ayisitakɔsi a, Masidonia chɛnyɛ mɔɛ n ni an na, miin bɛ na‑a na Pɔɔ a.

GBOO DOMI KO A 5:11

Chɛɛ chɛ dechee ma, a mu min na, mmɔ 'a mansa Chisɔsi Chasi an‑na a ma, mmɔ bu ɔ dia‑a Yataa ko a. An‑na a ma gbɛ sanche, Yataa ma‑a mmɔ dia nyɔɛ a.

GBOO DOMI KO A 5:3

Chɛ dechee ma, chɛɛ mmɔ buɔdia bɔ mmɔ 'a tɔɔya n dɔ. Koe min na mu, mmɔ‑a a ɔ sɔn fan, mbɛ tɔɔya an mbe na faabia a mmɔ tena.

GBOO FEAN BƆƐ KƆYINDI KO A 4:15

Koe min na mu, wo ko a mu, koe chɛ n gbɛɛ n mbe ma tena. A sin, Yataa 'a koadia demanɛ ɛ che tena buɛ min dɔ mɔ sɛsɛ ma, an bɛɛ, an mbe Yataa wai bɔ ka wan, min mu basɔmaya a a tena.

GBOO FEAN BƆƐ KƆYINDI KO A 8:11

Wo a a gbandia, mbɛ wo‑a a a ban. Wo ma bɛndenɛ ni buɛ min dɔ, a kuu sɔ koe a, wo ma bɛndenɛ ni ma ka, a a ban koe a. Wo sin, wo a chɛ wo boo fenɛ ɔ, min mbe wo boo ɔ.

GBOO FEAN BƆƐ KƆYINDI KO A 8:12

Koe min na mu, ni wo ma bɛnden mu fen be koe a, Yataa‑a a ɔ sɔn fan, wo e che min be‑a. A sin, ni wo‑a a be, ɛ a ya wan. A ee a fɔ, ɛ boo fenɛ ya wan, min mbe ee mɔɛ boo ɔ.

GBOO FEAN BƆƐ KƆYINDI KO A 8:20

Nn mbe nn fandi kun ma fɛn tena wan, mɔɛ n boo ɔ. An ma na gbonyɛ nn na, a si nn tachɛ buɛ ma, boo fen chɛ a, min mbe nn boo ɔ an ko a gbama gbama a.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

GBOO FEAN BƆƐ KƆYINDI KO A 9:8

A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.