GBOO FEAN BƆƐ KƆYINDI KO A 8:12 - Yataa 'a Dɔbɛnɛ Nama

¹² Koe min na mu, ni wo ma bɛnden mu fen be koe a, Yataa‑a a ɔ sɔn fan, wo e che min be‑a. A sin, ni wo‑a a be, ɛ a ya wan. A ee a fɔ, ɛ boo fenɛ ya wan, min mbe ee mɔɛ boo ɔ.

GBOO FEAN BƆƐ KƆYINDI KO A 8:12 ပူးပေါင်းရင်းမြစ်များ

MATIU 25:17

Sɛn dɔ kamin fean bɔɛ chɛ wɛɛ, a‑a a ma ka wan. Mbɛ a wɛɛ‑a kain gbɛnsɛn wu fea a sɛ a ta kun ma.

MATIU 25:22

“Mbɛ sɛn dɔ kaminɛ fean bɔɛ chɛ don‑da, min na‑a wu fea ma sɔn. A ɔ, ‘Fa, i‑a wu fea min be n ma, n‑na wu fea an na sɛ a kun ma.’

DUKU 16:10

Ni mɔ ɔ mɔ‑a danaya yian koe ɛndenɛ ɔ, ɛ danaya yian fan ko chenama wɛɛ ɔ. Chɛɛ mɔ ɔ mɔ min ma danaya yian ni koe ɛndenɛ ɔ, a ee che danaya a ko chenama wɛɛ ɔ.

GBOO FEAN BƆƐ KƆYINDI KO A 8:11

Wo a a gbandia, mbɛ wo‑a a a ban. Wo ma bɛndenɛ ni buɛ min dɔ, a kuu sɔ koe a, wo ma bɛndenɛ ni ma ka, a a ban koe a. Wo sin, wo a chɛ wo boo fenɛ ɔ, min mbe wo boo ɔ.

GBOO FEAN BƆƐ KƆYINDI KO A 8:13

N mbe ee butuin chɛ tena, min mbe a ma, n ni feanka ka wo bɔ n kun ma, mbɛ n‑na a si wo sin kun ma. Chɛɛ wo gbɛɛ, wo a kanden fan mu n boo ɔ.

GBOO FEAN BƆƐ KƆYINDI KO A 8:19

Chɛ an dechee ko a ma. Chɛɛ a gbu, chɔchi n gbɛɛ‑a an boo sɔ an ma, an‑na a yian, an 'na kɔpɔɛ ni ma a boo ɔ, a ni bea nn fɛ nn 'na tachɛ ɔ. Ni nn ma‑a wai chɛ chɛ‑a, nn bɛ ni ma. Nn gbɛɛ, nn ni wai chɛ, baa be koe a Mansa Chisɔsi tɔɛ ma. A yɛ to, min mbe a ma, nn ni a ɔ yian, mbɛ nn toen mu, nn ni basan mɔ dɔ mende n ma.

GBOO FEAN BƆƐ KƆYINDI KO A 9:7

Mɔ ɔ mɔ yiima, ɛ min fɔ a ye, a be koe a, a ni an be. A ma a gbɔɔ a be‑a, a sin ma din a ma a be koe a. Koe min na mu, Yataa toen mu mɔɛ a, min mbe ma fenɛ be‑a, a bu ɔ diama ɛ.

1 PITA 4:10

Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.