GBOO FEAN BƆƐ KƆYINDI KO A 8:10 - Yataa 'a Dɔbɛnɛ Nama

¹⁰ A sin, n mbe dasi chɛ an be tena. A nyin fan gbɛ, wo‑a wai min kuu sɔ banun, wo ni a a ban. Wo wan nii ma dechee mɔɛ saa n na, a kuu sɔ koe a, chɛɛ wo wan ni mɔɛ saa a, a ma faa ni wo wɛn dɔ.

GBOO FEAN BƆƐ KƆYINDI KO A 8:10 ပူးပေါင်းရင်းမြစ်များ

MATIU 10:42

N ni a ma din wo tena, mbɛ ni mɔ ɔ mɔ‑a yii chima kɔpu dɔndɔɛ wɛɛ be n fɛ denɛ den tachɛen bɛɛ ma, koe min na mu, ɛ n 'na fɛ dencha a, Yataa ɛ tɔnɔnɛ be‑a wan mɔɛ chɛ ma.”

CHƆN 11:50

A nyin, wo gbu ni a ɔ sɔn, mbɛ a fisa mɔ dɔndɔ ni fa, mɔɛ gbɛɛ ko a. Chɛ ma che ni mɔɛ gbɛɛ faenɛ ɔ, chɛnyɛ chɛ ɔ.”

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 18:14

Kayafasi chɛ ni, min na‑a Chu mɔɛ n ya ɔ sɔɛ n na si, mbɛ a fisa mɔ dɔndɔɛ ni fa mɔ gbu tɔɛ n ko a.

GBOO SAA KƆYINDI KO A 10:23

Wo dɔ n mbe a fɔ wan, wo ɔ, “Kɔn mbe ee sa ɔ n ya ɔ, ko ɔ ko ma koe a.” Chɛɛ koe gbɛɛ ma, min nyin a ma koe a wo boo ɔ. Wo ɔ te to, wo ɔ, “Kɔn mbe ee sa ɔ n ya ɔ, ko ɔ ko ma koe a.” Tea gbu mu, chɛɛ mɔ gbu ɛ koe miin gbɛɛ ma, an gbɛɛ an mbe ee che ma‑a basamaya a Chisianɛ n tena.

GBOO SAA KƆYINDI KO A 16:2

Tɛnɛ kan kɔɔ dɔɛ kan kɔ kan ma, mɔ ɔ mɔ ni kɔpɔɛ ɛnden dɔ bɛn, a ni a sa tena ɔ bɛn. Mɔɛ ɛ kɔpɔɛ ma sɔn buɛ min dɔ, ɛ a boo ma sɛ ka wan, mbɛ a‑a a sa tena ɔ bɛn. Chɛ ɛ a ma‑a wan, n mbe a fo‑a nɔ tima min na, kɔpɔ ma kain mbe ee ma‑a to nɔ.

GBOO SAA KƆYINDI KO A 6:12

Wo dɔ n mbe a fɔ wan, wo ɔ, “Kɔn mbe ee sa ɔ n ya ɔ, ko ɔ ko ma koe a.” Chɛɛ wo koe gbɛɛ ma, min nyin a ma koe a wo boo ɔ. Wo ɔ te to, wo ɔ, “Kɔn mbe ee sa ɔ n ya ɔ, ko ɔ ko ma koe a.” Chɛɛ n mbe ee dɔn‑da, n ni ma yɔnɛ a koe n boo ɔ, n mbe miin ma.

GBOO SAA KƆYINDI KO A 7:25

Ka n mbe koɔ gbɛ, a si den tɔngbɔɛ n ma, miin ma si nin bɛ fuu ɔ, wo‑a gboo nyɛn a si miin ma. Mansa Chisɔsi an ma chɛ don ni n da ɔ, n mbe ka min fɔ‑a. Chɛɛ bai min mbe n da a, n mbe ka an fɔ‑a. N mbe koɔ tena wan, yɔ mɔɛ, wo e kun wo ni dan min na. Koe min na mu, Yataa chinchinden fan mu n ma.

GBOO SAA KƆYINDI KO A 7:40

Chɛɛ n ta yiinachii ɔ, musu chɛ 'a buɔdia ma ɛ munda‑a wan, ni a ma si ni kai ko a. N sin danden fan mu a a, mbɛ Yataa Nyina ɛ wan n bɛɛ fɛ, n sɔ koe a chia ma.

GBOO FEAN BƆƐ KƆYINDI KO A 12:1

N mbe yonka a tun‑da wan a ma. Fen kɔ fen mbe ee wɛɛ ka boo ɔ boo yonka ɔ. Chɛɛ n mbe a a tun‑da wan gbɛ koɔ koe a, a si koe n ma, miin dɔ nunden ni, Mansa Chisɔsi‑a miin dɔ yian n na.

GBOO FEAN BƆƐ KƆYINDI KO A 8:6

Chɛ ko a, nn bɛɛ, nn‑na a din fan Taitɔsi ma, min‑na wai chɛ kuu sɔ, a ni a a tun. A ni basan wo ma, wo ni wai chɛ nɛnɛ a ban, min mu koadia wai a.

GBOO FEAN BƆƐ KƆYINDI KO A 8:8

N mbe ee ka sawa an sa tena, wo ko a. Chɛɛ ni n‑na a ɔ yian, mɔɛ n ma bɛnden ni buɛ min dɔ, deman chɛ koe a, n mbe ma‑a ka a ɔ gbɛ an na, wo 'a koadia nyin buɛ min dɔ.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

Gboo Fiipai Ko A 4:17

An ma a fɔ ni, mbɛ n toen mu dechee wo boo fenɛ n fan ma sɔn koe a. Chɛɛ n toen mu n ni a ɔ yen, Yataa ni wo deman, basan koe chɛ a n ma.

GBOO IBU MƆƐ N KO A 13:16

Wo ma nyina ko chɛndɛ ma koe a, a basan wo nyɔn deman koe a. Koe min na mu, koe n fan nɛ miin mu yasi a, Yataa faa chima koe a.