GBOO FEAN BƆƐ KƆYINDI KO A 8:1 - Yataa 'a Dɔbɛnɛ Nama

¹ Nn suun ma nyɔɛ nu Chasi ɔ, nn toen mu wo ni koe ɔ sɔn, a si Yataa 'a koadia demanɛ ma. Wo ni a ɔ sɔn, ɛ koe miin ma tena chɔchi n dɔ Masidonia chɛnyɛ ɔ.

GBOO FEAN BƆƐ KƆYINDI KO A 8:1 ပူးပေါင်းရင်းမြစ်များ

MATIU 25:22

“Mbɛ sɛn dɔ kaminɛ fean bɔɛ chɛ don‑da, min na‑a wu fea ma sɔn. A ɔ, ‘Fa, i‑a wu fea min be n ma, n‑na wu fea an na sɛ a kun ma.’

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 16:9

A yɛɛ chɛ ma, Yataa‑a koe ɔ yian fan Pɔɔ a, yɔ a ni cho an dɔ. A‑a mɔ kaima yen fan, min ka‑a Masidonia chɛnyɛ ɔ, a ɛ sɔ ɔ a disa‑a, a ɔ, “Na nɛ nn tena Masidonia, i ni nn deman.”

CHISƆSI 'A SƆ MƆƐ NU 24:17

“N‑na san sɛsɛ ya wan, n ka‑a kɛn Chuusaɛn duu ɔ. Chɛɛ chɛ gbakɔ, n ta‑a wan nɔ, fen den be koe a yɔn tɔɛ n ma, a yɛ to, yasi bɔ koe a Yataa tena.

GBOO DOMI KO A 15:26

Koe min na mu, chɔchi mɔɛ chɛ nu Masidonia chɛnyɛ ɔ, an bɛ Akaya chɛnyɛ ɔ nɛnɛ n bɛɛ a, an‑na an boo fenɛ a bɔ faaɔgbɛ ɔ. An toen mu an ni chɛ n deman, miin yakɔɔtawaen mu Yataa 'a mɔɛ n tɛ ɔ Chuusaɛn duu ɔ.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO FEAN BƆƐ KƆYINDI KO A 11:9

Mmɔ bɛ sin ni tima min na, n sin toen ni demanɛ a, n nii ma n 'na yakɔɔtawa si ni mɔ ɔ mɔ kun ma. Mmɔ suun ma nyɔɛ nu Chasi ɔ, miin na‑a ka Masidonia chɛnyɛ ɔ, an fan‑na fen kɔ fen be n ma, min ma gbɔsɔɛ ni n ma. N ni buɛ min dɔ, a kɔma a, n mbe ma‑a ka wan, ya ɔ ma wɛɛ. N mbe ee n 'na yakɔɔtawa sa‑a wo kun ma, chia ɔ chia a.

GBOO FEAN BƆƐ KƆYINDI KO A 9:12

Koe min na mu, wo e wai min chɛ tena ka, a ee Yataa 'a mɔɛ n ma gbɔsɔɛ an bɔ tena dechee. Chɛɛ ɛ a ma tena wan, mɔ sɛsɛ n ni Yataa wai bɔ.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

GBOO FEAN BƆƐ KƆYINDI KO A 9:4

Koe min na mu, ni Masidonia mɔɛ n bea‑a nn fɛ, na koe a, an ni a ɔ yen, mbɛ wo ma wo ma bɛn ni, mau wa mu nn ko a. Wo ta nan tana, n yii na tɛen mu ka buɛ min dɔ wo ma, n mbe ee a fɔ, wo ta mau ɛ ma‑a buɛ min dɔ.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Kɔdɔsai Ko A 1:29

N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

Gboo Saa Tɛsadonika Ko A 4:10

Wo sin gbu, tea ko a, wo sɔnɛ ɛ ka wan Chisian chɛ n gbɛɛ tena, miin mbe Masidonia chɛnyɛ ɔ. Chɛɛ nn suun ma nyɔɛ nu Chasi ɔ, nn mbe wo disa tena, min mbe a ma, wo gbu ni to an na, a ben chɛ ma.